Ala Unde 18:2 - Ala Wone Peenok Peebi Mbanak

² “It aakumi Iterali mendek wone yoroorak nogo yi aret. Naliku inogoba Ala an aret me,

Ala Unde 18:2 ပူးပေါင်းရင်းမြစ်များ

Wakkagagerak 17:7

Yoge nagagerik, “Kat inom, kapurilogwe wigannaremenggaarak inom, kinogoba Ala an aret logogin o,” yinuk, “Kat nimbirak wone abuk nggaruk togon mbaneegurak nogo ti, kat kombowologwe ninom mbaneegurak negen aret me, lek arigin lek mondok-mondok aret logogin o.

Ndawi 33:12

It aakumi inanebunu ambi nen, “Aliku ALA ti, nit ninogoba Ala aret o,” yinuk, yogwe, “Neyate kwak logowak o,” yinuk, Aap anebunu ambi at leenogo pateegerak wonogwe, Eekwi nogo Inale'nggen aret mbako logowak o.

Wundeegwaarak 20:2

“Kit o Metit inayeloman agago pinaganuk tebembinagago wonogwe me, wokkiren wundi wagagirak Naliku kinogoba Ala an aret o.

Wundeegwaarak 6:7

An nen Abarakam inom, Itak inom, Yakup inom, nggween wogoroorak abet mbaruwak nduk, nendage kunogo yoragagim nogome napuri piya nage logominggirik, unde logowak nduk wogoraagin o, yinuk, Naliku an ALA nen aret yagi, yegerak, yoret o,” yinuk, yoreegerak.

Yetikiyen 20:5

Yorage logonet, Aliku Itok Menggerak ALA nen wone yegerak nogo yi o, yinuk, it yoroorak nogo yi aret. An nen it Iterali miirinabeegirak ne ti paga, Wone yi abet aret o, yinuk, at Yakup mendek paga wiganak nogo, ninom kumbuk mbaneegirak. It o Metit paga wonogwe me, nomaawi neyaawak nduk, eeke logonet, Naliku kinogoba Ala ti, an aret o, yinuk, kumbuk mbaneegirak.

Yetikiyen 20:7

Kumbuk mbangge nagagirik, it yorage logonet, Naliku kinogoba Ala an aret neegak, Yeenggwa niraawak o, yinuk, ogole warak ogut eerak ayuk wukwi nogo, kinalitak lombok mbo pinip o. It Metit mendek inagugi mugurok nogwe paga maluk eekkologwe kiyo, mugurok noorak mage o.

Ala Unde 11:44

Naliku inogoba Ala an aret me, it nen yi mendek ndi mendek inaanogum nggween mbaanggagak nugu menggaarak nogo obari inoba lenggek yukwak, an niniki kikak nakeelik abu obeelom minggi kwak, it togop aret iniki kikak naka'lek abu obeelom an nake leenogo patinuk logowak o.

Ala Unde 18:1

At Aliku ALA nen Muta yoge logonet,

Ala Unde 18:30

Naliku inogoba Ala an aret me, it logowam unggwi naga'lek iigak, yi aakumi ndi aakumi time mendek nen yi mendek ndi mendek an neebi mbake minggirak eekulik mendek eerit nugwi nogo, it Iterali eerit namenggaarak paga maluk eeginabukwak, an nen wone it yorage nogo mondok porogo logonet, eerit nogo logowak, yegerak, yoret o,” yinuk, yoreegerak.

Ala Unde 18:4

Naliku inogoba Ala an aret me, an nen eeko logorak wone yorage nogo liippunuk eekwi, ndi, wone lengganogo yorage nogo mondok mugurok nogwe, eeko logowak o.

Ala Unde 19:10

Ndi, eyo anggur awi yaremenggaarak anggen yugu mbanggo logonet kunduk, ando teppemenggaarak nogo, peebi ambi mbani nogwe, anggen nggaru-nggaru nggween paga wambemenggerak nogo ambinom nabeni nogwe, eeriyak mage o. Ata, it aakumi ineenggi lek mendek inom, aakumi nggiru inom, kolaawak nduk, teppiigo logowak o, yinuk, Naliku inogoba Ala an nen aret yagi o.

Ala Unde 19:34

It Iterali o maan Metit time aakumi nggiru negen aret wonogogwaarak nogo iniki abeko logonet, aap nggiru inenggela'me inom wonogwe nogo ti, Nit Iterali mendek negen aret wonogwe o, yinuk, ineebe iniki kunik eekkologo mengga kwak, it aap nggiru kunduk togop aret iniki kunik aganako logowak o.

Ala Unde 20:23

It o unde logowak nduk an nen yi aakumi ndi aakumi o time menggaarak mugogo wumbiya nawam nogome mendek nen wone eeriyak mage yagarak nogo eerit nogwe iinok, an abu neebi inombake minggirak me, it eerit nogo menggaarak nogo it Iterali nen mugurok noorak mage o.

Ala Unde 20:7

Naliku inogoba Ala an aret me, it nen yogo logonet, An kikak nakeelik abu obeelom Aliku ALA ake leenak aret logokit o, yinuk, yogwe iinok, an Ala nake leenak aret logowak o.