Ala Unde 16:4 - Ala Wone Peenok Peebi Mbanak

⁴ It aap an neebe unde inayum nogo ti, abu leenak mage me, yirikkolaga'lek logonet, at eebe ngguu'mo wake logomenggerik, aap an neebe unde inayum yawenak amuni mbanak yiko menggaarak mendek ayum agi akem nggorek nogo mendek yirikkolage, ayum ogu akem mendek yirikkolage, agabee'le obate paga nggerenggolage, anobak paga yum perenogo pake, eeke logomenggerik,

Ala Unde 16:4 ပူးပေါင်းရင်းမြစ်များ

Wundeegwaarak 28:2

Ndi, at Karun an nake eeko logonet, yum yirikak leenak nogo mendek iniki yuma yonggolak ayuk warak kogo logowak nen koweeluk ayum penggaaruwak nduk, yokkigi o.

Wundeegwaarak 29:4

Togop aret eeke logomenggendik, aap Karun apuri inom wogoren an ninom lambungge logowam nawooliya wuremenggenom tungga'nggi paga taati piya wage logomenggendik, niyo paga inabin koorogo piyaamunggun o.

Wundeegwaarak 30:20

Wonage me, it nen ninom lambungge logowam nawooliya wuremenggenom inikime unggwi nogwe, ndi, aakumi inake eeko logonet, Naliku ALA nake warogo kani kunuwak nduk, kunggo logowam panggoni nogwe, eekwi me, inoorukwak, niyo ti paga ineenggi-iniyok kooko logowak o. Ti eeko logorak ti, at Karun apuri ndaganabemenggaarak inom mondok-mondok aret eerit wundi wogo logowak nduk, koonogo pigi o,” yinuk, yoreegerak.

Wundeegwaarak 40:12

Ti eeke logomenggendik, Karun inom, apuri inom, wogoren an ninom lambungge logowam nawooliya wurik tungga'nggi paga taati piinok, niyo paga inabin koorogo piige logomenggendik,

Yetaya 53:2

Aliku ALA ayeloman nogo at enggaanom paga eyo agarip lagangge menggi kwak tawe age, Agarip nggween woloonak paga mbilangge menggi kwak kin ari wage, Eereegerak. At enete kigirikwe ayuk warak me pekkoorak ee'ninake, At eebe abe me ninom logorak ee'ninake, Eeka'lek aret wonogogurak.

Yetikiyen 44:19

Ndi, nawi wurik oore'nggam endekenggwe napuri wonogwe me iya wunggo logonet, inayum alik leenak nogo paga aakumi mbaaniigwi iinok, maluk eerogo piyookwak, akem time eeko logonet inayum yiko logomenggaarak nogo, nggoorogo o ko alik leenak me time punuk, yum we'lek mendek yikko'nok iya wunggo logowak o.

Yetikiyen 9:2

Yorage nogo naruk konengge neegak, aap ineebe 6 tu unggwogo menggam irimbaga o omarip paga pa'nggwe ena koonak nogome nen inalitik-inalitak aakumi inooriyak ineegin-inomaale ineenggime wonok wogwe, aap ambi ayum abu yawenak mendek yirik liiru mbangga eraanu nabeninuk inom wage, eeko nogogwaarik, it abok aret Ala ake warogo wogogak mbuti tembaga paga ogobakkigirik eraanu mi'nari wogwe iyareegirak.

Ala Unde 16:23

Ti abu aret eeke logomenggerik, at Karun nogo an ninom lambungge minggim nawooliya wurik me time unggunuk, yum yawenak amuni mbanak it aap an neebe unde nen yiko menggaarak mendek yirippunuk, o mage lombok menggim unggwage logomenggerak nogo abok aret nggoorogo time mban puwak o.

Ala Unde 16:24

Nggoorogo punuk, ngguu'mo wako logowam ake aago me time ngguu'mo wappunuk, at ayum yirik menggerak nogo yikko'nok endekem wundi woraanuk, at inom, it aakumi Iterali mendek inom, inomaluk lek eerogo piinok, an ninom lambunikit nduk, nggami aanggo wako mengga kwak nake warak nogo, at ake inom, aakumi Iterali mendek inake inom, waganogo an Ala nake kani kunuwak o.

Ala Unde 16:32

Aap ogoba obaane'me aap an neebe unde inowe logowak nduk, amburu kilippunuk, an nake leenogo mippemenggaarak nogo nen mban it aap neebe unde nen yum yawenak amuni mbanak yiko menggaarak alik ake leenak nogo mendek yippunuk, mage lombok menggim inom, an ninom lambungge minggim nawooliya wurik me inom, nake kani kunggo menggam inom, it aap an neebe unde menggaarak inom, it aakumi Iterali abok kuwak aago nogo inom, abok aret maluk inoba lenggenak wonogwe nogo lek eerogo punuk, obeelom wonogwe iyaakit nduk, nake nggomoorogo piige logorak nogo ti, aap ti nen aret eeke logowak o.

Ala Unde 6:10

Abu aret nengge kenok, aap an neebe unde nogo nen inayum yawenak abu obeelom akem mendek inom, inayum yawenak abu obeelom nggorek endekem mendek inom, yirippunuk, nake pugu kani nengge logonet, wun eerogo pugu kani kunggo menggam wonage nogo wonok, kani kunggo menggam eraaninu time luulu teppunuk,

Lukat 1:35

Yoge mbareegi, malayikat nogo nen, “Aberiniki koba wambi wage kagak, at Tiyanak Lombok Menggerak omaawi nobakkabi wage mbaremenggi, kabila aret age logomenggendik, at mondok kikak nakeelik Ala ake leenak ndaremenggendak nogo, aakumi nen, Yi Ala aput aret, yogo logogun o.

Pilipi 2:7

Ata, at iniki nen aret tebeppatinuk, “It aakumi inayeloman kokwak eekkola o,” yinuk, aakumi nit pogom aret nda'nagagerak.

Iberani 10:22

niyo abe mili-mili paga ninabin koorogo pinanege, ndi, maluk eeko nogogurak ninikime aberak logokwak, lek eerogo pinanikit nduk, at amiya paga werenogo pinanege, eereegerak me, “Abet aret panggo yi ungguurak, yegerak,” mba'nuk, niniki mondok abe paga at owagam panggo yi ungguwok o.

Iberani 2:14

At Yetut ti, aap a'nuk kambemenggerak paga, at kanggwi alom unde menggerak Tile nogo omaawi lek eerogo punuk, it kambuurak inagabiti nen, “Nabelan-kabelan aruwok lak piriguru agan wagagerak yi, ao,” yinuk, iniki mondok aaninggin ndugu agan koonit nugu logonet, iniki wakko'net nugwi nogo, teeluk eerogo piyaakit nduk, nit at apuri nineebe nggween paga kanggo monggoorak mendek ndak-ndak aret eekkolagagerak.

Iberani 7:26

Ala unde ninowe nggwok ninake eeke logonet, obeelom eerogo pinanuwak nduk mippuurak agagerak nogo ti, Keritut aret o. It aakumi maluk eekwi inenggela'me nege nagagerak kwe, at maluk ambi eeke, ndi, aakumi inoone at oba pugwi, eeka'lek mbareegi, mbogut ta'mban-mban aago kagak, irimbaga tiyarogon kwippi laganeegerak. Kwippi lagangge mbareegi, at maluk eeka'lek mondok obeelom ake leenak aret me, nit aakumi ninabuwa nen ninake eeke wonage o.