Ala Unde 16:2 - Ala Wone Peenok Peebi Mbanak

² “An ninom lambungge minggim naloobut mbanak abit narak irimbaga ndugwi enggela'me nen an neebe nigiige minggirak me, yum tugunik endekem nggwe kagak naloobut mbanak an ninom lambungge minggim o mage lombok menggim nogome kat kowe Karun ugun unggwi wage kenok, kambukwak me, ugun unggwi woroorak mage, yoru o.

Ala Unde 16:2 ပူးပေါင်းရင်းမြစ်များ

1 Endagembogut 6:16

Eeke nagagerik, o wurik irip me akem time Ala inom lambunggak o mage lombok logowak nduk, metet 9 paga wakkagak ogoorogo punuk, nggween paga nen nok, pelan warak kuli eyo nggabina poorak paga nabenogo pit laganeegerak.

1 Endagembogut 8:6

Ti eeppunuk, it aap Ala unde nogo nen Aliku ALA aloobut mbanak me wone yugu yonggolak nogo wonok, Ala awi wurik ko akem abu mage alik leenak logowam ake ogoorogo pereegim nogome, pi unggwogo nogogwaarik, malayikat negen kerub inogut aago ina'naabit wiganak abu'me time pereegwaarak.

2 Mbinineegwaarak 5:14

Ndugwi ti, Aliku ALA abinak aret me, at awi wurik me yagabit aago mbareegi, it aap Ala unde nogo nen Ala awi wurik me yabu eeriyak meek aret agagerak.

Wundeegwaarak 30:10

Tahun ambit eerak paga obari abe kaga kani kunggo logowam maluk agaarak kero obeelom aruwak nduk, aakumi inomaluk lek aruwak nduk nggami aanggo wakwi kwak an nake warogo wo'nugwi amiya nogo, at Karun nen wonok eyo owak mippuurak irip to eerogo puurak nogo paga lambunogo pit nage logowak o. Ti eeriyak nogo ti, Naliku ALA nake leenak abu mage lombok logorak me, tahun ambit eerak paga kapuri nda'naremenggaarak kinom mondok-mondok eeko logomunggup o,” yinuk, yoreegerak.

Ala Unde 16:13

noone yugu liiru mbanak ninom lambungge minggim abit nobarak menggerak ti, enegen kenok kambukwak me, ka'luk nen nobaruwak nduk, obari obeelom mendek ti, Naliku ALA nenggaanom paga taati kani kunuwak o.

Ala Unde 16:34

Ti eeko logorak nogo ti, it aakumi Iterali mendek inomaluk abok aret lek eerogo piinok, an ninom lambunikit nduk, tahun ambit paga ne ambit mban eeko logowak o. Wone yi nogo ti, mondok-mondok eeko logomunggup nduk, yokkiragi o,” yinuk, yoreegerak. Yoge mbareegi, at Muta nogo at Aliku ALA nen yoreegerak nogo abok aret Karun yoge mbareegi, Karun nen ndak-ndak aret eereegerak.

Ala Unde 23:27

“Tut 7 penenak tanggal 10 paga ti, it aakumi inomaluk lek eerogo piinok, an ninom lambunggo logorak nogo abeko logorak aret me, tanggal ti ari wage kenok, an nalut eerumunggup nduk, kuwak eeppunuk, kinambe mage negen logonet, kinamendek ambi Naliku ALA nake kani kuniyak nduk, wo'niri wogo logomunggup o.

Ala Unde 8:35

At Aliku ALA nen ari logonet, Karun apuri inom kambukwak, an ninom lambungge minggim nawooliya wurik tungga'nggi paga liingge inom, oonikiya inom, time mban logonet, Yogop ee'nip o, ndogop ee'nip o, yorage nogo liirogon eekwi iigak, ne 7 aruwak o, yinuk, yo'negerak kenok, yokkiragi o.”

Linggineegwaarak 17:10

Waganggwi iigak, at Aliku ALA nen Muta yoge, “It aakumi an noone taganogo pugwi yi, ineebi-ineeba yo'nugwi paga kambukwak, an ambinom konenigin lek ineenu ogo logomenggaarik, inoone lek logowak nduk, at Karun owaanggun ti wagangge logomenggendik, iyokan an noone yugu naloobut mbanak me wonage me enaame taati pi nak o.”

Linggineegwaarak 18:7

Ndi, kat kapuri kinom perak, Togop eeppinaniyak, mbaka'lek kiigak, an neebe unde logobagip nduk, namunggat kinoba pinagage nagarik, nake warogo kani kunggo menggam inom, yi mendek ndi mendek eeko menggaarak yum tugunik aken nggwe wonage nogo inom, kit mban neebe unde logonet eeko logobagip nduk, unde eeppinagagirak me, o magame nogome it aakumi ugun panggorogon wogwe iinok, kambuwak nduk, inoorogo piigo logomunggup o,” yinuk, yoreegerak.

Linggineegwaarak 4:19

It Kekat mendek nen yi mendek ndi mendek alik leenak wonage me panggo yi wogwe iinok, kangga'lek ineenik logowak nduk, kit nen eeko logorak nogo yi aret. At Karun apuri inom nen mban mage menggim inaa'nduk unggwi nanuk, ineyabu inalitak eeko logorak inom, yi mendek ndi mendek piyaninuk noorak inom, punogo piinet nogo logowak o.

Linggineegwaarak 4:5

Kit kinawooliya minogo pit nanuk, ambime noorak age kenok, at Karun inom, apuri inom, nen nawooliya wurik me unggunuk, yum oolo tugunik nogo nggoorogo waganggo logomenggaarik, an noone yugu naloobut mbanak yonggolak nogo, obaga lenggenogo punuk,

Matiyut 27:51

Iniki woronggo'nok abu kangge mbareegi, yum Ala awi wurik me akenggwe tugunik wonagagerak nogo, agi nen oolo muundak nggoguk yi wambi wage, nggween nuk ari, yugum puut-puut abok langgu-langgu wambi wage, eeke logonet,

Iberani 6:19

Yiiro niyo wonok nage kero, eyo nggwok paga mbarembogo mengga kwak, nit niniki ti, niniki lunik nogo paga aret mbarenak wonage o. Yiiro eyo nu'lek paga mbarembogo mengga kwak, niniki lunik nogo ti, Ala awi wurik me yum oolo ogoorak kagak akem time mbarenak wonage me, lek arigin lek mondok nu'lek mbarenak aret logogin o.

Iberani 9:25

Ndi, Ala unde inowe nggwok nogo nen Mage Lombok Menggim nogome unggwi nage logonet, at amiya wonok unggwi nage logolik o. Ata, at nen tapi-ndomba amiya nogo mban wonok tahun ambi eeke kenok, ne ambit paga unggwagak eeke nagagerak kwe, Keritut perak, “Inake kambikit o,” yinuk, mbogut paga time kulinik unggwi nagak eeke logolik o.

Iberani 9:3

Ndi, yum endekem tugunik kagak ko oolo akenggwe ogoorak me tugunik nogo ti, “Mage Lombok Menggim o,” yogo nogogwaarak me,

Iberani 9:5

Ndi, malayikat negen aakumi, “Wi,” irogwe kerub mbere inogut nogo, aakumi inomaluk lek eerogo punuk, Ala inom lambungge menggim aloobut mbanak irimbaga ina'naabit wiganogo punuk, nobapporogo wonogogwaarak. Wone ti mendek ando apit mbininogo yokkiroorak kwe, meek me, ando kagak nggaruk togon ti aret yokkiragi o.

Wayu 15:8

Wogorage mbaki, Ala mondok omaawi ambik me, eebe eya ndelenak-welenak eeke paga nen ka'luk wungge logonet, Ala awi wurik me mondok endak wa'nage mbaki, it malayikat ineebe 7 nogo nen andi aganaburak kugi alom 7 aakumi inoba nappiigwi nogo, worok togon nappiiga'lek iigak, aakumi nen Ala awi wurik me time ungguurak meek aret age kagarak.