Ala Unde 16:12 - Ala Wone Peenok Peebi Mbanak

¹² kaninggen ndoongga woppunuk, kaninggen Naliku ALA nenggaanom paga nake kani kunggo menggam wonage nogo yagabit eerogo ndoongge, kani kunggwi iinok, obari abe kaga nogo mendek abu obeelom wun negen yigirik ne mbere paga eenggime wagangge, ee'nuk, wonok yum tugunik kagak aken nggwe mage lombok menggim time unggwage logomenggerik,

Ala Unde 16:12 ပူးပေါင်းရင်းမြစ်များ

Wundeegwaarak 31:11

inanobak paga kilippiigo logorak amburu inom, o mage logowam obari abe kaga kani kunggo logorak inom, yokkigirak nogo ndak-ndak ineenggi amburu paga eeko logowak nduk, inom eeppiigirak o,” yinuk, Muta yoreegerak.

Wundeegwaarak 37:29

Ogobakkigirogo pogo nogogwaarik, Ala ake leenogo puwak nduk, amburu kilirogo pogo logorak mendek ogobakkigikwi, ndi, yi mendek ndi mendek obari obeelom mendek waganggo nogogwaarik, it aap ineenu nen obari abu obeelom mendek ogobakkigiko mengga kwak obari abe kaga alik ambi inom enggela'me lek obari abe kaga ti mendek paga mban ogobakkigikwi, eereegwaarak.

Ala Unde 10:1

At Aliku ALA nen yoraga'lek kagak, ne ambi paga aap Karun apuri Narap Abiku imbirak nen Ala aga'ni nogo paga lek iniki mba'nuk nen inalitak lombok inaga'ninggen ndoongga nogo waganogo kani kunik ndoonggwi, kani kunggwi iinok, obari abe kaga nogo mendek obaga pugwi, ee'nuk, wonok Aliku ALA enggaanom paga ake kani kuni unggwogo mbareegwa,

Linggineegwaarak 16:18

Yorage mbareegi, ko'lu kuuben it aakumi nogo inalitik-inalitak inaganinggen ndoongga nogo waganggo nogogwaarik, kani kunik inom, obari abe kaga inom, time pogo nogogwaarik, Aliku ALA awooliya wurik tungga paga taati, it Muta Karun inom mi'nari nogogwaarak.

Linggineegwaarak 16:46

Ngginna'nuk, at Muta nen Karun yoge, “At Aliku ALA anini kani wunuk agan nage menggi kwak mi'nage nagaarik, aakumi Iterali mendek andi inoba piyoorak nduk eeke me, kaga'ninggen ndoongga nogo kat nen wagangge logomenggendik, kaninggen kani kunggo menggam nen ndoombunuk, obari abe kaga obaga punuk, it Ala inom lambunuwak nduk, nggami aanggo wakwi kwak mbet-mbet eeri nak o.”

Pelaareegerak 33:10

Kat kawone lengganak it Yakup mendek liirogon mamunirogwe, Eeko logorak wone yugu Iterali mendek yorogwe, Obari abe kaga nogo kenggaanom paga kake kani kunggwi, Kake warogo kani kunggwi mendek abok aret kani kunggo menggam kake kani kunggwi, Eeko menggaarak me,

Iberani 9:14

Keritut amiya ti perak, iya lombok me, ninomaluk koo'ninaburak meek mbakop? Lek o. At mondok itok menggerak Aberiniki nen eeppege kagak, ndomba awinde-obande aago lek obeelom nogo pogom iniki nen at eebe aret nit ninake Ala wogoreegerak me, yogondak nit Ala mondok eenik itok menggerak nogo, ake eeko logowok nduk, wone aa'nduk aanom warogo mugurok nogwe niigak, ninomaluk lek aga'lek abe'nagak mban eeke kagak kambit nogo nogogurak nogo, at amiya paga lek eerogo punuk, mondok obeelom eerogo pinaniyak op aret mbako logowok o.

Iberani 9:7

ko ore akenggwe ogoorak nogome perak, at Ala unde inowe nggwok nogo mban tahun ambi eeke kenok, ne ambit paga mban unggwagak eeke nagagerak. Ndi, unggwagak eeke logonet, we unggwage logolik o. Ata, at omaluk lek eerogo pege, ndi, oreewi nen, “Nit maluk eerulik,” mbakwi iigak, Ala nen maluk eekaarak inombake kero, lek eeppiige, eeruwak nduk, inake amiya kilirik wonok mban unggwagak eeke nagagerak.

1 Yaya 1:7

Togop kwe, at Ala o eya paga wonage menggi kwak, nit o eya paga nogwe niinok perak, ninoreewi ninom kunik aret logogun me, at aput Yetut amiya paga ninomaluk abok aret lek eerogo pinanegak mban eeke logogin o.

Wayu 8:5

Nogo eeke kage neegak, obari abe kaga togolowa'na toolak wonagagerak nogo, kani kungge menggim nogome nen kani kunik anggen wagangge nagaarik, togolowa'na nogome mambunuk, mbo nggween paga wuppi wage mbaki, o ngguurubu oone ari, o kimbik pindanggage, eeke kagak, mi nggwok nuk-nuk eeke kagarak.