Ala Unde 15:5 - Ala Wone Peenok Peebi Mbanak

⁵ nogo yemenggim nogome aap ambi nen mbaanggage logomenggerik kenok, at ayum koorogo pake, niyo paga ngguu'mo wakkolage, eeke logomenggerik, aap oona mendek paga eebe maluk aremenggerak nogo wonage kagak, oonegen aret kilu yi nawak o.

Ala Unde 15:5 ပူးပေါင်းရင်းမြစ်များ

Ndawi 26:6

Kaliku ALA wae. An maluk eekeelik neyaawak nduk neenggi kooppunuk, Kake kani kunggo menggam yendok-wandok nege logonet,

Ndawi 51:2

Nomaluk abok aret koorogo panege, Maluk noba lenggennagaarak yi, mbeenogo panege, Eeru o.

Ndawi 51:7

Wumukot amburu paga noba koorogo panege keenok, Niniki abu koorak aret age, Ndi, yi paga koorogo panege keenok, Ndugu-ndugu kwak niniki yanggwi lombok age, Eeruwak nduk, eeppanu o.

Wundeegwaarak 19:10

Yoge mbareegi, at Aliku ALA nen Muta ambinom yoge logonet, “Naliku an ALA nogo, nogo mbere yippunuk, ko'lu aakumi Iterali abok inenggaanom puut Tinayi yi paga wambi woraagin me, it aakumi o yogondak inom, ko'lu inom, iniki kikak naka'lek an nake leenogo pakwi, inayum koorogo pakwi, eeppunuk, abu pipuk eerak logowak nduk, yorage logomenggendik,

Yetaya 1:16

It ineenggi kookwi, Inalitak lombok inoba mbeenogo pakwi, Nenegen neegak, maluk eeriyak eeginake nogo mbo pugwi, Maluk eekwi nogo yogondak aret puk ogwe, Eeruwak o.

Yetaya 22:14

Ndi, naruk konengge neegak at Omaawi Lombok Menggerak Aliku ALA nen an yo'nege kagarak nogo yi o. “It inomaluk ti, an nen lek eerogo piyaagin lek itok kunik kagak aret kambugun o,” yinuk, at Omaawi Lombok Menggerak Aliku nogoba Ala nen aret ari kagarak me, yokkiragi o.

Yetikiyen 36:25

Piya nanuk, inabin koorogo piige neenok, it obeelom aret logogun o. Inoba maluk lenggennage, inagugi ogut alut eerit nogo logonet maluk eerogo pakwi, eereegwaarak nogo, inabin koorogo piinok,

Yetikiyen 36:29

Maluk eerit nogo logonet, inoba maluk lenggenogo pateegwaarak nogo, lek aruwak nduk, inabin koorogo piige, ndi, mbi noogelo inoba kwippiyaagin lek gandum awi yaremenggaarak nogo mbilambunuk, anggen ambik yi'nage logowak nduk, eerogo pege, eerigin o.

Ala Unde 11:24

Ndi, yi mendek ndi mendek noorak mage ti mendek kambak it ambi nen mbaanggogo logomenggaarik kenok, inoba obari lenggenemenggerak ineebe maluk wonage kagak, oonegen aret kilu yi nawak o.

Ala Unde 11:25

It ambi nen yi mendek ndi mendek noorak mage ti mendek kambak wonok wogo logomenggaarik kenok, inayum niyo paga koorogo patinuk, obari inayum paga lenggenemenggerak nogo lek age tokkogwe iigak, oonegen aret kilu yi nawak o.

Ala Unde 11:28

At ambi nen kambak ti mendek wonok wage kenok, ayum niyo paga koorogo pake logomenggerik, obari oba lenggenemenggerak wonage kagak, oonegen aret kilu yi nawak o. Ti mendek ti, ogole warak me, it nonggo logogwaarik o.

Ala Unde 11:32

Ti mendek ambi kangge logomenggerik, yum paga a, ndomba agabolo paga a, karun paga a, eyo paga a, oba a'nuk, obari lenggek ari kenok, lek age kagak oonegen kilu yi nawak nduk, yi mendek ndi mendek eeko menggaarak abe a, maluk a, kagak aret waganogo niyoome taambi nogo logowak o.

Ala Unde 13:34

Ne 6 logomenggerik, ko'lu paga aap an neebe unde nen aap yigani pugu nogo agabolo paga pekkaanuk, yigani nogo agabolo paga wigangga'lek itok mban wonage, ndi, inikime kanu yi unggwage, eeka'lek wonage kenok, aap nogo yoge, Kat keebe abu obeelom agandak o, yinuk, yoge kenok, ayum niyo paga kookkolage logomenggerik, eebe obeelom aret nege logowak o.

Ala Unde 13:6

Ne 6 logonuk, ko'lu paga aap an neebe unde nogo nen ne ambi pekkage logomenggerik, aap awin nogo agabolo paga ambinom wiganinuk naga'lek we agabolo paga piirik-kunik eerak mban wonage kage logomenggerik, aap nogo yoge, Keebe abu obeelom agandak o, yoge kenok, ayum niyo paga kookkolage logomenggerik, eebe obeelom aret nege logowak o.

Ala Unde 14:27

eenggi abe titik paga amburu eenggi kwaare'me wonage nogo we mbuuluk labunogo punuk, Naliku ALA nenggaanom ne 7 paga werenogo puwak o.

Ala Unde 15:18

Ndi, kwe ambi aap imbirak nogo yogo logonet, aap oona mendek wangge kenok, kwe aap imbirak ineebe niyo paga ngguu'mo wakkologo logomenggaarik, ineebe maluk aremenggerak nogo wonage kagak, oonegen aret kilu yi nawak o.

Ala Unde 15:4

Aap ambi oona mendek paga anggore'na wungge kagak nogo yege kenok, nogo yemenggim maluk age, kwi'nage kenok, kwi'naremenggim taati maluk age, eeremenggerak me,

Ala Unde 15:6

Aap oona mendek paga anggore'na wungge kagak kwi'naremenggim aap ambi nen kwi'nage logomenggerik kenok, ayum koorogo pake, niyo paga ngguu'mo warogo pake, eeke logomenggerik, aap oona mendek paga eebe maluk aremenggerak nogo wonage kagak oonegen aret kilu yi nawak o.

Ala Unde 16:26

Ndi, aap kambin wonok karume time nappi namenggerak nogo wage logomenggerik, ayum yirik logomenggerak nogo yi paga kooke, eebe ngguu'mo wake, eeppunuk nen aakumi inawooliya oore'nggam unggwi wage logowak o.

Ala Unde 16:28

Kani kungge logomenggerik, ayum yirik logomenggerak yi paga kooke, eebe ngguu'mo wake, eeppunuk nen aakumi inawooliya oore'nggam unggwi wage logowak o.

Ala Unde 17:15

Ndi, it aakumi Iterali mendek ambi nen ilik, aakumi nggiru it inenggela'me menggaarak ambi nen a, alik en kambemenggerak enggaanggum inom, nggeewo ta'ngge anini warak nen nibinemenggerak enggaanggum mendek inom, nengge logomenggerik kenok ti, ayum liirogon yi kooke, eebe liirogon ngguu'mo wake, eeke logomenggerik, eebe maluk eekkolamenggerak wonage kagak, oonegen kilu yi nage kenok, obeelom aret arigin o.

Linggineegwaarak 19:10

Ndi, aap wun pi namenggerak nogo ayum kookkolage logomenggerik, obari oba lenggenak wonage nogo nggaru yaga'lek wonage kagak oonegen kilu yi nawak o. Wone yi, it aakumi Iterali mendek inom, it aap nggiru mendek inenggela'me wonogwe nogo inom, mondok-mondok eeko logorak lengganogo yoraamunggup nduk yokkiragi,” yinuk, yoragagerak.

Iberani 10:22

niyo abe mili-mili paga ninabin koorogo pinanege, ndi, maluk eeko nogogurak ninikime aberak logokwak, lek eerogo pinanikit nduk, at amiya paga werenogo pinanege, eereegerak me, “Abet aret panggo yi ungguurak, yegerak,” mba'nuk, niniki mondok abe paga at owagam panggo yi ungguwok o.

Iberani 9:14

Keritut amiya ti perak, iya lombok me, ninomaluk koo'ninaburak meek mbakop? Lek o. At mondok itok menggerak Aberiniki nen eeppege kagak, ndomba awinde-obande aago lek obeelom nogo pogom iniki nen at eebe aret nit ninake Ala wogoreegerak me, yogondak nit Ala mondok eenik itok menggerak nogo, ake eeko logowok nduk, wone aa'nduk aanom warogo mugurok nogwe niigak, ninomaluk lek aga'lek abe'nagak mban eeke kagak kambit nogo nogogurak nogo, at amiya paga lek eerogo punuk, mondok obeelom eerogo pinaniyak op aret mbako logowok o.

Iberani 9:26

At Ala unde inowe nggwok nogo nen tapi-ndomba amiya wonok tahun ambi eeke kenok, unggwagak eeke nagagi kwak, Keritut nen at amiya paga togop eeke logonetak en, at o wakkagagerak kuli nen nok, yogondak kuli yagan wakak mban eeke logonetak kwe, at amiya lombok paga yi maluk ndi maluk abok aret lek eerogo pikit nduk, o age yobok yogondak panggoni wage yi paga, “Inake kambikit o,” yinuk, wambi wage nagagerik, ne ambit paga ninake yagan warogo kambeegerak.

Yakobut 4:8

Kit Ala owagam nogwe kiinok, at kunduk, kit kinowagam ari wage logogin o. Kit maluk eeko monggotak yi, kineenggi kookwi, ndi, kiniki mbere yi, ambit eeppunuk kinomaluk mbo pugwi, eeko logonip o.

Wayu 7:14

Yo'nege mbaki, “Nogoba o. An neenggo'lek me, kat nen mban yu o,” yoge mbaki, at nen an yo'nege logonet, “Lek o. It aakumi yi, aaninggin-paaninggin mondok alik negen eeppiigwi iigak, inenggela'me nen wundi wagaarak nogo ineebe yi aret o. It nogo ti, inayum laambu yanggwi negen aruwak nduk, Ndomba Aagaluk amiya nogo paga inayum kookkologogwaarak me,

1 Tamuwen 20:26

Tenak aret mbareegi, at Tawun nen iniki mbake logonet, “Ndawut yi, maluk ambi oba age nagaarik, lek aga'lek kenok, puk agaarak abet aret kagi o,” mbake nagagerik, ne ti eyom paga oone ambi yuulik puk agagerak kwe,