Ala Unde 14:8 - Ala Wone Peenok Peebi Mbanak

⁸ Ti eeke kenok, aap awin lek aremenggerak nogo nen ayum kookkolage, eeruwak apit aret mbanogo pake, niyo paga eebe ngguu'mo wakkolage, eeke logomenggerik kenok, eebe nogo abu obeelom aremenggerak it inagap ki wonogwe me inawooliya oore'nggam unggwi woroorak op aret kwe, at awooliyana unggwaga'lek laalu endekem wonage kagak, ne 7 aruwak o.

Ala Unde 14:8 ပူးပေါင်းရင်းမြစ်များ

2 Mbinineegwaarak 26:21

Aap endagembogut Utiya nogo awin aaga'ne kuneegerak mbareegi, awi alik penaame wurogo pereegwaarak time wonage logonet, Aliku ALA awi wurik me unggwi naga'lek kagak, kambi noorak kuli aret ari nagagerak. Ndi, at aput Yotam nogo aap endagembogut awi o nggwok abe wurik nogo unde wonage, it aakumi o time wonogwe nogo wone lengganogo yorage, eeke nagagerak.

Wundeegwaarak 19:10

Yoge mbareegi, at Aliku ALA nen Muta ambinom yoge logonet, “Naliku an ALA nogo, nogo mbere yippunuk, ko'lu aakumi Iterali abok inenggaanom puut Tinayi yi paga wambi woraagin me, it aakumi o yogondak inom, ko'lu inom, iniki kikak naka'lek an nake leenogo pakwi, inayum koorogo pakwi, eeppunuk, abu pipuk eerak logowak nduk, yorage logomenggendik,

Wundeegwaarak 19:14

Yoge mbareegi, Muta nogo puut paga nen wambi wage nagagerik, aakumi nogo kikak naka'lek Ala ake leenak logowak nduk, yorage mbareegi, inayum mondok mbu'mbap koorogo pako mbareegwa, Muta nen ambinom yorage logonet,

Ala Unde 11:25

It ambi nen yi mendek ndi mendek noorak mage ti mendek kambak wonok wogo logomenggaarik kenok, inayum niyo paga koorogo patinuk, obari inayum paga lenggenemenggerak nogo lek age tokkogwe iigak, oonegen aret kilu yi nawak o.

Ala Unde 14:20

kani kunggo menggam nogome nake kani kungge logonet, gandum anggen yigirik nake wo'niriyak nduk wonok woramenggerak nogo inom aret kani kunuwak o. Ti eeriyak nogo ti, nggami aanggo wakwi kwak eeke kenok, aap nogo obeelom aret arigin o.

Ala Unde 14:9

Ne 6 logomenggerik, ko'lu paga eeruwak inom, amboro inom, enegen amberi inom, eebe paga wonage omoori abok aret mbanggolage, ayum niyo paga kookkolage, eebe ngguu'mo wakkolage, eeke kenok, eebe abu obeelom aret arigin o.

Ala Unde 15:13

Ndi, aap oona mendek paga anggore'na wungge nogo abu aret lek age kenok, ne 1 nen 7 kuli linggimbunuk, Abu obeelom agaarak, kaawak nduk, ayum koorogo pake, eebe niyo eneeri abe wungge paga ngguu'mo wakkolage, eeke kenok, eebe obeelom aret arigin mbaruwak o.

Ala Unde 8:6

yorage nagagerik, Karun apuri inom woraawak nduk, wiiragagerak owagam wogo mbareegwa, niyo paga inabin koorinake nagagerik,

Linggineegwaarak 6:9

Ndi, aap ambi nen, An neebe ti, Ala ake leenak me, neeruwak mbanigin lek o, yinuk, kumbuk mbanemenggerak nogo wonage kagak, enggaanom paga aap alik ambi yinip-panip kangge logonet, obari aap nogo eeruwak paga ninggiremenggerak wonage kagak nogo 6 yippunuk, obeelom nege logowak nduk, ko'lu paga eeruwak inom, amboro inom, mbanogo nappuwak o.

Linggineegwaarak 8:7

Ti eerogo piyoorak nogo yi aret. Inabin koo'naruwak nduk, niyo waganogo inoba werenogo piinok, ineeruwak inom, inomoori inom, inagabolo paga wonage abok aret mbanggologwe, inayum kookkologwe, eeruwak nduk, yoramenggendak eekwi iinok, inabin abu koorak aret arugun o.

Pelaareegerak 21:12

Kolage logomenggerik, wonok ame nage kenok, kwe nogo nen at eeruwak mbanogo nappege, eenggabit enegen mbanogo nappege,

1 Peterut 3:21

Ndi, it ineebe 8 niyo ndonggoninake kero, niyo nen wogoren laganeegerak paga inagap ndareegerak nogo ndak-ndak, nit yogondak niyome wuppinanugwi paga ninagap ndake ti, we ninagabolo mili kenok, koo'ninabuwak nduk, eekwi lek o. Ata, nit nen Ala yogo logonet, “An pilit lek, abet aret yiluk-maluk mbo pigirak me, kat kabu'me logokit o,” yinuk, Ala enggaanom paganggwi niinok, niyome aret wuppinanugwi, ndi, at Yetut Keritut eenik eerogo mippereegerak paga ninagap ndake menggerak ndak-ndak, niyome nen pilanogo mippinanugwi, eeko menggaarak o.

Wayu 7:14

Yo'nege mbaki, “Nogoba o. An neenggo'lek me, kat nen mban yu o,” yoge mbaki, at nen an yo'nege logonet, “Lek o. It aakumi yi, aaninggin-paaninggin mondok alik negen eeppiigwi iigak, inenggela'me nen wundi wagaarak nogo ineebe yi aret o. It nogo ti, inayum laambu yanggwi negen aruwak nduk, Ndomba Aagaluk amiya nogo paga inayum kookkologogwaarak me,