Ala Unde 14:3 - Ala Wone Peenok Peebi Mbanak

³ Pi nogwe iinok, aap an neebe unde nogo aakumi inawooliyana nen endekem wundi nage logomenggerik, aap awin aaga'ne aremenggerak nogo pekkanuk, awin abu lek aremenggerak kage logomenggerik kenok,

Ala Unde 14:3 ပူးပေါင်းရင်းမြစ်များ

2 Endagembogut 5:14

Yogo mbareegwa, Naman nogo niyo Yoraran inikime unggwi nage nagagerik, Ala wone liirogon eeka nen wone yoreegerak nogo ndak-ndak, ne 7 kuli kuruk yagak mban eeke mbareegi, awin nogo lek aret age logonet, agabolo obaane'me obeelom wologwe inagabolo negen aret agagerak.

2 Endagembogut 5:3

Eeke logonet, ne ambi paga kwe Naman akwe nogo yoge, “Nagalo o. Aap Ala nen yorage kagak yoraga ambi o Tamariya wonage me, at nen nogoba obeelom eeppuurak kagak logukwak, pekka nawak lak, ao, mbake agarik o,” yoreegerak.

Ayup 5:18

At nen inawinde-inobaande eerogo piigetak kwe, At nen mban nggerenogo piige, At nen inoorogo piigetak kwe, At nen aret obeelom eerogo piige, Eeke menggerak o.

Wundeegwaarak 15:26

Eeke logonet, “Kit nen Naliku kinogoba Ala noone yokkirage neenok, liirogon aret konembunuk, nenggaanom paga li'lak obeelom mban eekwi, Yogop ee'nu ndogop ee'nu, yinuk, yokkirage nogo liippugwi, yi wone ndi wone lengganogo yokkirage nogo mondok-mondok porogo wonogwe, eekwi kiinok, aakumi Metit mendek andi-pandi eeppiyareegirak nogo pogom ambi eeppinagage logogin lek o. Naliku ALA nen obeelom eerogo pinagage minggirak nogo ti, an aret o,” yinuk, yoragagerak.

Ala Unde 13:2

“Aap ambi oba piike, agabolo paga piirik-kunik eeke, agabolo paga ndoongga negen eeke, eeke wonage kenok ti, Awin aaga'ne oba age logonet, eekerak kwa? yinuk, an neebe unde Karun ilik, at apuri wigannarit nogo logogun nogo mendek ambi a, inowagam pi wogo logowak o.

Ala Unde 13:46

Ndi, aaga'ne aremenggerak nogo lek aga'lek kagak eebe maluk aret me, awooliyana logorak lek endekem time alik aret logowak o,” yinuk, yoragagerak.

Ala Unde 14:48

Ndi, yugum nenenogo nappugu obaane'me mbenenogo pemenggaarak nogo aap an neebe unde nogo pekka nage logomenggerik, anggira o nogo paga ndoonogo pit naga'lek kage kenok perak, Anggira ndoonak lek aret me, o yi abu obeelom aret agaarak o, yinuk, yoruwak o.

Matiyut 10:8

It andi wonogwe iinok, obeelom eeginakwi, kanggwi iinok, ineenik agago mippiigwi, inawin aaga'ne kunik wonogwe iinok, obeelom eeginakwi, kugi inikime lik yereegwaarak kenok, nggiginogo wumbiigwi, eerit nugu logomunggup o. Kit onggo lek we aret kologogutak me, onggo lek we aret eeginabit nugu logomunggup o.

Matiyut 11:5

Inigen mbuk mendek inigen obeelom ogwe, inendop maluk mendek tu op nogwe, inawin aaga'ne kunik mendek lek ogwe, inaruk logu mendek inaruk konenggwi, kanggaatak ineenik agago mippiige, ndi, inamendek lek nogo obeelom wone yorage, eeke kogotak yi, yori nanip o.

Lukat 4:27

Ndi, Ala yoge kagak yoraga Elita wonage eyom paga aakumi Iterali iname time apit aret inawin aaga'ne kunik wonogogwaarak kwe, it ambi inawin obeelom aganabulik aret o. Aap Naman o Tiriya mendek nogo, alik mban awin obeelom eereegerak o, yinuk, abet aret yokkiragi o.”

Lukat 7:22

Nogogwaarak nogo nen wone nogo Yetut yogo mbareegwa, at Yetut nen, “Eeke kinigen kogotak inom, agan nugwi kinaruk konenggotak inom, ti, kiniyokan Yaya yori nanip o. Inigen mbuk mendek inigen obeelom ogwe, inendop maluk mendek tu op nogwe, inawin aaga'ne kunik mendek lek ogwe, inaruk logu mendek inaruk konenggwi, kanggaatak ineenik agago mippiige, ndi, aap inamendek lek nogo obeelom wone yorage, eeke nogo yori nanip o.