Ala Unde 13:3 - Ala Wone Peenok Peebi Mbanak

³ Pi wogwe iinok, aap an neebe unde nogo nen awin oba wonage nogo maloppege logomenggerik, awin wonage me taa'nogo omoori yanggwi negen eerogo pege, ndi, inikime kanu yi unggwage, eeremenggerak kage kenok ti, Awin aaga'ne agaarak kagi, mba'nuk, aap nogo yoge logonet, Kat keebe ogole warak abu maluk agandak o, yinuk, yoruwak o.

Ala Unde 13:3 ပူးပေါင်းရင်းမြစ်များ

Wakkagagerak 13:3

O time wonagagerik, ti'nuk, peebi nen ambime unggwagak ambime unggwagak eerit o Mbeten ari nogo nogogwaarik, maan aa'nduk at o Mbeten agi nikkagak o Ayi ogu wukkagak oolo time ooliya wuppunuk,

Yetikiyen 16:30

Aliku Itok Menggerak ALA nen ari logonet, “Ee'nabuwak, mbake nogo tebenogo puurak meek kenok, kwe ya wukak enggali lek eerit nege menggi kwak aret eerit nege agaarik o.

Yetikiyen 44:23

It nen yi mendek ndi mendek eraambe liippogo logonet, Ambi ti, Ala ake eekak yuurak leenak kagi. Ambi yi, we ugun eekak yuurak ake kagi, yuwak nduk, napuri mamunirogwe, Ambi eeriyak mage aret kagi. Ndi, ambi eeriyak op aret kagi, yinuk, yelok kaawak nduk yorogwe, eeko logowak o.

Oteya 7:9

Aakumi inambik nen it Eparayim mendek inomaawi nogo lek eerogo piigwi kwe, Yogop ee'ninaka o, yinuk, mbakwi, Ineeruwak kenen ambik wunggerak wonage kwe, Aakelo ee'ninake o, yinuk, yelok kogwe, Eeka'lek aret agaarik o.

Ala Unde 10:10

Kit nen eraambe liippogo logonet, Ambi yi Ala ake eekak yuurak leenak kagi. Ambi yi we ugun eekak yuurak ake kagi. Ambi eeriyak mage aret kagi. Ndi, ambi eeriyak op aret kagi, mba'nuk, liippogo logonip o.

Ala Unde 13:10

Pi wogwe iinok, aap an neebe unde nen pekkage logomenggerik, agabolo paga piirik ti laambu lombok logonet omoori tari kunogo pege, ndi, awin piirik nogo amiya tiimbo eeke, eeke wonage kage logomenggerik kenok,

Ala Unde 13:2

“Aap ambi oba piike, agabolo paga piirik-kunik eeke, agabolo paga ndoongga negen eeke, eeke wonage kenok ti, Awin aaga'ne oba age logonet, eekerak kwa? yinuk, an neebe unde Karun ilik, at apuri wigannarit nogo logogun nogo mendek ambi a, inowagam pi wogo logowak o.

Ala Unde 13:20

Wage kenok, an neebe unde nen pekkage logomenggerik, awin wonagam obaane'me ane'nep eeke nogo agabolo paga nen inikime kanu yi unggwage, awin wonage me taa'nogo omoori yanggwi negen kunogo pege, eeremenggerak kage kenok, kumbi piirik nogo awin aaga'ne aret agaarak me, aap nogo yoge, Kat keebe ogole warak abu maluk aret agandak o, yinuk, yoruwak o.

Ala Unde 13:4

Ndi, agabolo paga we yanggwi negen kila ari logonet, inikime kanu yi unggwi noolik, awin wonage me taa'nogo omoori tari wonage lek abe wonage enegen kage logomenggerik kenok, aap an neebe unde nogo nen ne 7 paga alik logowak nduk, awi wurogo puwak o.

Ala Unde 13:8

Wage kenok, pekkage logonet, agabolo paga piirik-kunik aago nogo eebe paga wiganinuk namenggerak kage kenok, Awin nogo aaga'ne aret agaarak kagi, mbake logomenggerik, aap nogo yoge logonet, Keebe ogole warak abu maluk aret agandak o, yinuk, yoruwak o.

Ala Unde 14:37

Aap an neebe unde nogo pekka nage logomenggerik, anggira ndoonogo punuk, yugum o wurik nogo neninit unggwage logonet, aluk-puut eerak me nogome mili nogu eerogo pege ilik, maa'ngga negen kunogo pege a, eeremenggerak kage logomenggerik,

Ala Unde 14:54

Inawin aaga'ne aganake, yigani aganake, inayum ku'lu eerogo pege, inawi paga anggira ndu eerogo pege, inagabolo paga piike, inagabolo paga ndoongga mbogok kere eerogo piige, inawin inamok kila eerogo piige, eeke kenok, Yi maluk mendek, yi obeelom mendek, yinuk, eeko logorak wone koonak nogo ti aret. Wone yi ti, inawin aaga'ne mendek age, inayum ku'lu eerogo pege, inawi paga anggira ndoonogo pege, eeke kenok, eeko logorak wone lengganogo yoragagerak nogo ti aret.

Ala Unde 5:3

Ndi, aap ambi nen liippega'lek logonet, aakumi inoona mendek mbaanggoorak mage yugu nogo mendek mbaanggage kenok, at oba obari aret lenggembunuk, eebe maluk aremenggerak me, eenu age logomenggerik, Yi maluk aret eekirak kagi, mbaruwak o.

Agayi 2:11

“Nomaawi Lombok Minggirak Naliku an ALA nen, Aap ambi an nake alik leenak mendek warak mbanak ayuma yonggo'nuk wonok wage kagak, ayum warak mbanak yonggolak nogo paga oroti worarak a, mbiingga larak a, anggur amburu toolak a, tayitun amburu toolak a, yi mendek ndi mendek alik mendek larak a, mbaanggage kenok, ti paga yi mendek ndi mendek ti, alik leenak aret arigin ilik, lek a? yinuk, eeko logorak Muta nen liiru mbaneegerak nogo ngge o? yinuk, it aap neebe unde nogo kin wogiyet o, yinuk, Nomaawi Lombok Minggirak Naliku an ALA nen aret yagi o.” Yoreegerak nogo, at Agayi nen aap Ala unde nogo yorage mbareegi, “Togop arigin lek o,” yinuk, yoreegwaarak.

Maleyaki 2:7

It aap an neebe unde nogo ti, Nomaawi Lombok Minggirak Naliku an ALA nayonggo aret me, it aap neebe unde nogo nen yi wone ndi wone ugun yoraga'lek inoone liippunuk yorogwe, it inambe paga abet mban wungge nogo paga mamunggolaawak nduk, yorogwe, eeko menggaarak kwe,

Matiyut 16:19

At mbogut paga mendek abu'me piige menggim tu kunci nogo kat aret wokkiriminggirak me, kat nen nggween paga yime, Eeriyak mage o, ari keenok ti, mbogut paga kunduk eeriyak lek aret kaamunggun o. Ndi, kat nen nggween paga yime, Eeriyak op o, ari keenok ti, mbogut paga kunduk eeriyak aret kaamunggun o, yinuk, yokkigi o.”

Yaya 20:23

“Kit nen aakumi inomaluk lek eerogo piigwi kiinok, lek aret arigin o. Ndi, it inomaluk lek eerogo piigwi lek kiinok ti, inomaluk ti itok kunik aret logogin o,” yinuk, yoragagerak.

Nappiigak 20:28

At ninogoba Yetut amiya paga Ala apuri kuwak eeko menggaarak inonggo mbaninabeegerak nogo ti, at andomba kwak aret me, inarum logobagip nduk, Aberiniki nen mippinagagerak me, kit kiniki tum wakkologo logonet, it inom liirogon ndegeninako logonip o.

Oroma 7:7

Ti kenok, nit wone nonggop yuwok mbakop? Ala wone yugu Muta liiru mbaneegerak nogo ti, maluk aret mbakop? Mondok lek o. Wone Muta yo'netak lek en, an maluk eeke minggirak neenu a'netak lek o. Wone yugu ti paga nen, “Uugwe-uugwe eerugup o,” yenetak lek nen, an uugwe-uugwe mbake ti, neenu a'netak lek o.

1 Timotiyut 1:20

It aap Kimeneyut kunduk, aap Alekandet kunduk, togop eereegwaarak me, an nen Ala endage miyuk-meya eerogo pugwi inagabiti mbaruwak nduk, Ibilit unde eeppereegirak aret o.

2 Timotiyut 3:13

Togop aret kwe, it aakumi maluk eeka inom, pilit pugungga inom, maluk ambinom nggwok eerit nugu logonet, it mban-mban inambokan laganggologo logogun kwe,

Iberani 13:7

It aa'nduk togon Ala wone yokkirogo nogogwaarak kinogobamini nogo, inoba abeko logonet, it abet mba'nuk obeelom eerit nugu nogogwaarik, kambit nogogwaarak nogo, liippunuk, kit togop ndak-ndak abet mba'nuk eerit nogo logonip o.

Wayu 2:23

Kwe ti, aagalogwe nogo abok aret inoorit nage neenok, it an napuri yi awi ndi awi kuwak eeko menggaarak nogo abok nen, Nit niniki mbakwi inom, niniki koombunuk eerit nogwe inom, abok aret liippinaninuk onggo ndak-ndak wo'nirage menggerak ti, at aret kogo o, yinuk, an neebe ineenu arugun o.