Ala Unde 12:3 - Ala Wone Peenok Peebi Mbanak

³ Nogo 7 yippege logomenggerik, ko'lu ari nage kenok, aagaluk wulaga nogo agabolo mbanuwak o.

Ala Unde 12:3 ပူးပေါင်းရင်းမြစ်များ

Wundeegwaarak 22:30

Manggu ndarak kenok, leenogo panugwi kwak, inaanggumi lembu-tapi inom, kambin-ndomba inom, inaagalogwe ndaka'lek me, iyaalok nda'nogwe iinok, inagalo inom iigak, ne 7 logonuk, ko'lu paga nake leenogo panugo logowak o.

Ala Unde 12:4

Mbanogo punuk, elege ndake logonet amiya eeremenggerak nogo, nggaruk ari tokkage kagak, ne 33 logorak yugu nogo wonage logonet, nawooliya wurik me unggwi nage, yi mendek ndi mendek nake leenogo pugu nogo mbaanggage, eerugurik o.

Ala Unde 15:3

Oona mendek paga anggore'na wundi wage kenok a, wundi waga'lek wonage kenok a, nogo ti, at eebe maluk aret eerogo pigin me, eebe maluk aremenggerak wonage kagak, aap ambi nen mbaanggage kenok eeko logorak nogo yi o.

Lukat 1:59

Eeko mbareegwa, nda'nagagerak kagak, nogo 7 yippunuk, ko'lu wulaga nogo agabolo mbanuwok nduk, ka nogogwaarak. Ka nogo nogogwaarik, agabolo mbambunuk, “Endage ti, ogoba Takariya endage ndak-ndak toonuwok,” mbareegwaarak kwe,

Lukat 2:21

Nogo 7 yinuk, ko'lu elege nogo agabolo mbaniyak age kenok, mbanggo mbareegwa, at agalo awo abila aga'lek kagak at malayikat nogo nen, “Endage Yetut toonenu o,” yoreegerak nogo aret endage Yetut tooneegwaarak.

Nappiigak 15:1

Nogome wonogwe me, it Yureya mendek ando o Andiyokiya nogo nogogwaarik, ninoreewi Ala apuri time yorogo logonet, “At Muta nen, Aap inagabolo mbaniyak o, yo'niragagerak nogo ti ndakndak eekkinaka'lek kenok, kit kinagap ndarigin lek o,” yinuk, yorogo mbareegwa,

Oroma 3:19

Ti kenok, Ala nen, “Yogop ee'nu, ndogop ee'nu,” yinuk, wone Muta yoreegerak nogo abok aret it woppunuk eeko menggaarak ti, inake aret nineenu me, it yi aap ndi aap o yime menggaarak abok aret inoone lek agago piinok, “Nit abok aret maluk eekwi onggo eeppinanigin kogo o,” yinuk, yelok kaawak nduk, wone Muta yoreegerak kogo ogoorik o.

Nggalatiya 3:17

At Ala nen Abarakam imbirak wone mondok abuk nggaruk togon mbaneegwaarak kagak, tahun empat ratus tiga puluh eeppunuk, wone Muta yoreegerak me, peebi yoreegerak nogo paga nen, aa'nduk yugu nogo awo eeka'lek kagak, lek eerogo puurak op mbakop? Meek me nduk, yokkiragi o, noreewi.

Nggalatiya 5:3

Kit kinagabolo mbaniyak mbakwi kenok, wone, “Yogop ee'nu, ndogop ee'nu,” yugu liiru mbanak nogo, ambiriluk ambi eeriyak lek ti lek mondok tigitogon eeko logorak ariyak me, mbo pubagip nduk, muk yokkiragagirak me, ne ambinom yokkiragi o, noreewi.

Pelaareegerak 30:6

Eerogo pinagage kenok, kit kineenik wonogo logonet, kiniki kineebe abok aret at Aliku kinogoba Ala kiniki kunik logomunggup nduk, at Aliku ALA nen kit inom, kinapuri-kinombowologwe inom, aakumi inagabolo mbanggo mengga kwak kiniki omaawi wonage nogo lek eerogo mbo pege,

Pilipi 3:5

An ndarak neegak nogo 7 yippunuk, 8 paga nagabolo mbaneegwaarak. Neebe ti, Iterali mendek aret kwe, nanebunu perak, Mbeniyamin mendek aret o. Nagalo-nogoba kunduk, Iberani mendek aret. Ndi, Muta wone yugu liiru mbanak li'lak eeka an Pariti mendek aret wonagagirak.

Kolote 2:11

Ndi, at kinom kunik logonet, kinagabolo mbanogo pinagareegerak negen aret ogotik o. Ti eereegerak nogo ti, it aakumi nen eekkinabulik o. Ata, aakumi inagabolo mbanogo piigo mengga kwak, kit maluk eeriyak mban eekkinake menggerak alom nogo, at Keritut nen muk omaawi lek eerogo tebembereegerak me nduk, yokkiragi o.