Ala Unde 11:32 - Ala Wone Peenok Peebi Mbanak

³² Ti mendek ambi kangge logomenggerik, yum paga a, ndomba agabolo paga a, karun paga a, eyo paga a, oba a'nuk, obari lenggek ari kenok, lek age kagak oonegen kilu yi nawak nduk, yi mendek ndi mendek eeko menggaarak abe a, maluk a, kagak aret waganogo niyoome taambi nogo logowak o.

Ala Unde 11:32 ပူးပေါင်းရင်းမြစ်များ

Ala Unde 11:31

yi mendek ndi mendek inaanogum nggween paga mbaanggagak nugu menggaarak ti apit aret noorak mage yugu me, ti mendek kambak it ambi nen mbaanggogwe kenok, obari inoba lenggenemenggerak wonage kagak oonegen aret kilu yi nawak o.

Ala Unde 14:46

Ndi, o nogo tu narak kagak aap ambi unggwi nage kenok, at maluk aret eekkolaagin me, maluk aremenggerak wonage kagak, oonegen aret kilu yi nawak o.

Ala Unde 15:12

Aap ti nen togolowak nggween mendek ogobakkigirik nogo mbaanggage kenok, togolowak ti telenogo pugwi, eyo mendek paga yi mendek ndi mendek eeko menggaarak mbaanggage kenok, niyo paga koorogo pugwi, eeruwak o.

Ala Unde 15:15

Pi wage kenok, aap an neebe unde nen towe ore aap nogo omaluk lek eerogo pikit nduk, nake warogo wo'nege, ndi, towe ore nogo nake warogo kani kungge, eeruwak o. Togop eeko logorak ti, aap oona mendek paga anggore'na wungge logonet, eebe maluk aremenggerak nogo obeelom eerogo puwak nduk, aap an neebe unde nen Naliku ALA nenggaanom paga eeko logorak nogo ti aret o.

Ala Unde 16:26

Ndi, aap kambin wonok karume time nappi namenggerak nogo wage logomenggerik, ayum yirik logomenggerak nogo yi paga kooke, eebe ngguu'mo wake, eeppunuk nen aakumi inawooliya oore'nggam unggwi wage logowak o.

Ala Unde 17:15

Ndi, it aakumi Iterali mendek ambi nen ilik, aakumi nggiru it inenggela'me menggaarak ambi nen a, alik en kambemenggerak enggaanggum inom, nggeewo ta'ngge anini warak nen nibinemenggerak enggaanggum mendek inom, nengge logomenggerik kenok ti, ayum liirogon yi kooke, eebe liirogon ngguu'mo wake, eeke logomenggerik, eebe maluk eekkolamenggerak wonage kagak, oonegen kilu yi nage kenok, obeelom aret arigin o.

Ala Unde 22:6

at kunduk maluk aremenggerak me, niyo paga agabolo kooka'lek kagak nake pugu leenak nogo nengga'lek aret oonegen kilu yi nawak o.

Ala Unde 6:28

Ndi, togolowak nggween mendek ogobakkigirik paga nake warak ti, lako logomenggaarik, togolowak nogo telenogo pugwi, ndi, togolowak mbuti tembaga paga ogobakkigirik nogo paga lako logomenggaarik kenok perak, niyo paga mbilik-mbelek koorogo pugwi, eeko logowak o.

Linggineegwaarak 19:15

Ndi, yi togolowak ndi togolowak abit lenggenak lek ponggonak logomenggerak kenok, ti paga obari abok aret lenggennarigin o.

Linggineegwaarak 19:7

Ti eeppunuk, aap an neebe unde nogo ayum kookkolage, eebe niyo paga ngguu'mo wakkolage, eeke logomenggerik, o aakumi inawooliya wurik oore'nggam time unggwi noorak op aret kwe, obari oba aremenggerak nogo nggaru yaga'lek wonage kagak, oonegen kilu yi nawak o.

Titut 2:14

Nit yi maluk ndi maluk eeko monggoorak nogo eeko logokwak ninonggo mbanogo piinogo pinanege, ndi, “An napuri nake leenak logonet, obeelom eeriyak iniki aganggen paga eerit nugu logowak,” mba'nuk, ninomaluk koorogo pinanege, eerikit nduk, nit ninake niya wagagerak.

Titut 3:5

ninagap nda'ninabeegerak. Nit obeelom eeko nogogurak paga ninagap nda'ninabulik o. Ata, at alik iniki nen ninabuwa mba'nuk, obeelom eeppinanege logonet, niniki maluk koorogo punuk, obaane'me ngget ndarogo pinanege, Aberiniki nen niniki ngget ogobakkigi'ninake, eereegerak ti paga ninagap nda'ninabeegerak.