Ala Unde 11:13 - Ala Wone Peenok Peebi Mbanak

¹³ Yirowe-ndirowe ogole warak me it nen, Ogole o, yinuk, nonggo logorak mage nogo yi o. Towe wu inom, pen ware inom, muruwe inom,

Ala Unde 11:13 ပူးပေါင်းရင်းမြစ်များ

Ayup 28:7

Waganggo menggam tu time nogwe nogo towe pen ware eenggo'lek wonage, Towe ya'ngge-ya'ngge enegen liippega'lek wonage,

Ayup 38:41

Towe ya'ngge-ya'ngge oo'nu nogo, Mbi abu nen inoone nggwok paga an Ala yo'nugwi, Inambi nengga'lek me, nabuk-kabuk nogwe, Eekwi iinok, Ta nen it noorak mendek wogorage menggerak mbaken?

Yeremiya 4:13

At wage yi, kinigen pekkaanip o. Ndugwi kilanogo nippit wage menggi kwak, at kin ari wage, O wiya nombok-kombok eerit wage menggi kwak, at anggweendo wim eeka togop aret wogwe, Towe nggindooni nggarek togon nogo menggaarak kwe, at aguda perak, mondok nggare agan wogwe, Eekwi paga Nit mondok lek eerogo pinanigin me, ninabuwa o!

Yeremiya 4:22

At Aliku ALA nen ari logonet, “An napuri ti, wi negen aret wonogwe, it an liippanega'lek wonogwe, Elege iniki lek pogom wonogwe, op ariyak maluk ariyak ineenggo'lek kobak aret wonogwe, Obeelom eeriyak mendek kobak logonet kwe, maluk eeriyak kenok perak, Iniki penenak logonet, aganggen kerek togon eerit nugwi, Eeko menggaarak,” yegerak o.

Yeremiya 48:40

At Aliku ALA nen yegerak nogo yi aret. “Towe pen ware kwak, at a'naabit wiga agan o Mowap irimbaga taati nege ti, kaawak o.

Leendawi 4:19

Towe nggindooni o oolo ya'i nggare agan nege ti, iya negen kwe, It nit mu'niren-ma'niren nugwi inogowa perak, iya lombok wonogwe me, Puut-puut paga mu'niren nugwi, o karume paga wangge'ninakwi, Eeko nogogwaarak o.

Oteya 8:1

“Yi punu eeke kagi, mbaruwak nduk, oone nggwok eeka trompet nogo oone pu eeruwak o. It an napuri eeriyak wone ninom abuk nggaruk togon koonogo pereegirak nogo taganogo mbo pugwi, Eeko logorak wone nogo eeriyak ineebi mbakwi, Eereegwaarak me, Towe nggindooni wiga agan Naliku ALA nawi wurik paga nari wagaarak wonage agaarik o.

Ala Unde 11:11

Ogole o, yinuk, nonggo logorak mage me, enggaanggum nengga'lek mbo pugwi, ineebe kambak kenok, Ogole o, yinuk, mbo pugwi, eeko logowak o.

Ala Unde 11:12

Yi mendek ndi mendek niyoome menggaarak inagabolo omaawi obaga nabenak mondonogo nappugwi lek eraabin kwi nogo mendek inom, inamborowak anggege paga niyo kilaarit nugwi lek nogo mendek inom, abok aret, Ogole o, yinuk, nengga'lek mbo pogo logowak o.

Ala Unde 11:14

pen ware mili tari anebunu ti mendek inom,

Abakuk 1:8

Nggeewo inogowa ti, iya negen kwe, it inaguda inogowa perak, abu iya lombok wonogwe, Oonikiya paga mba'ngge noorak abu nen inanini ambik menggaarak kwe, It inaguda perak, inanini abu iya lombok wonogwe, Eeko menggaarak o. It inaguda paga kwi'na'nuk ineebe apit aago me o nda nen iniyok oone mbogu-mbogu wogwe, Towe nggindooni at nengge menggerak wariyak nduk, nabuk togon wangge menggi kwak, it togop aret wogwe, Eeko menggaarak.

Takariya 5:9

Ti'nuk, nena tiya ari nagarik, kumi mbere ina'naabit towe nggin ina'naabit aago kwak me, ina'naabit wiganogo punuk, o wiya wake kagak, it kumi nen muun yarak nogo wonok, mbogut agi kagak, nggween ogu kagak, o oolo ya'i pi laganggwi iigirak.

Matiyut 24:28

Wam pili agaatak wonage me nogome aret towe enggaanggum nengga ninggiko menggaarak o,” yinuk, yoragagerak.

Titut 3:3

Nit kunduk, maan togop aret nineenggo'lek wi negen wonogwe, wone yo'niragaatak konengga'lek wonogwe, tu alik me nomo agan nogwe, aap ambi ayeloman yoge kenok, “E o,” yinuk, eeke menggi kwak, nit niniki nengge kenok eeriyak ninikilom mbakwi nogo mban eekwi, eeko nogogurak. Yi mendek ndi mendek eerit nogo logonet, maluk mban eekwi, neebi-keebi yogwe, nanini-kanini yogwe, ti mendek mban eeko nogogurak kwe,