Ala Unde 11:11 - Ala Wone Peenok Peebi Mbanak

¹¹ Ogole o, yinuk, nonggo logorak mage me, enggaanggum nengga'lek mbo pugwi, ineebe kambak kenok, Ogole o, yinuk, mbo pugwi, eeko logowak o.

Ala Unde 11:11 ပူးပေါင်းရင်းမြစ်များ

Wakkagagerak 7:2

Yoge nagagerik, “Ne 7 paga aret logonuk o mayu nggwok lombok wuppi woraminggirak wangge aret kagak, nogo 40 yigin o. Nogo 40 yege kagak, niyo yenggenit laganemenggi-laganemenggi, alu'me-puurom abok aret tebengge logonet, an nen yi mendek ndi mendek ogobakkigirinabeegirak nogo ambi teppiyaagin lek abok aret niyo ndonggonogo piyaagin o. Ndonggonogo piyaagin me, peebi obaane'me wigak yuwak nduk, yi mendek ndi mendek op nonggo logorak mendek inigen mbolok lek inigen mbolok kwi inom, yirowe-ndirowe inom, anebunu lombok abok aret ngguunok-kooli mbere'ndak lombok mban 7 kuli leenogo piige, ndi, nunggulik mendek anebunu lombok ngguunok-kooli ineebe mbere'ndak lombok mban leenogo piige, eeppege logomenggendik, wogoren unggwi nanu o,” yinuk, yoreegerak.

Ala Unde 11:10

yi yikwe ndi yikwe inom, yi mendek ndi mendek niyo inikime nugut-tiyak agan nugu menggaarak mendek inom, agabolo omaawi obaga nabenak lek agabolo eraabin kwi kenok a, amborowak anggege paga niyo kilaarit nege lek kenok a, Ogole o, yinuk, nonggo logorak mage o.

Ala Unde 11:12

Yi mendek ndi mendek niyoome menggaarak inagabolo omaawi obaga nabenak mondonogo nappugwi lek eraabin kwi nogo mendek inom, inamborowak anggege paga niyo kilaarit nugwi lek nogo mendek inom, abok aret, Ogole o, yinuk, nengga'lek mbo pogo logowak o.

Ala Unde 11:13

Yirowe-ndirowe ogole warak me it nen, Ogole o, yinuk, nonggo logorak mage nogo yi o. Towe wu inom, pen ware inom, muruwe inom,

Ala Unde 11:2

“It aakumi Iterali mendek wone yoroorak nogo yi aret. Yi mendek ndi mendek inigen mbolok kwi inigen mbolok lek nggween paga nugu menggaarak it nonggo logorak nogo ti,

Ala Unde 5:2

Ndi, ne ambi paga aap ambi nen yi mendek ndi mendek inigen mbolok kwi penaame mendek ilik, inigen waanggo oome mendek a, inaanogum paga nugu menggaarak mendek a, abok aret ineebe mbaaniyoorak mage yugu kagak, kambemenggaarak enegen kaga'lek logonet, mbaaniyamenggerak paga obari oba lenggenemenggerak nogo paga eebe maluk aret aremenggerak kenok, Yi maluk aret eekirak kagi, mbaruwak o.

Pelaareegerak 14:4

Ndi, yi mendek ndi mendek kit ugun nunggo logorak nogo yi o. Lembu, ndomba, kambin,