Ala Unde 10:2 - Ala Wone Peenok Peebi Mbanak

² Aliku ALA nen kani kunik inoba wuppi wagagerak paga mondok yoguk togon eerogo piige mbareegi, Ala enggaanom awooliya wurik tungga paga taati aret kambeegwaarak.

Ala Unde 10:2 ပူးပေါင်းရင်းမြစ်များ

2 Tamuwen 6:7

Pigagangge mbareegi, Aliku ALA anini mi'nage logonet, Uta nen, “Pigoorak iya lek o,” yinuk, pigaganeegerak paga Ala aloobut mbanak me taati aret wareegerak kambeegerak.

1 Endagembogut 13:28

keledai amborowak paga kwi'na'nuk, wage nagagerik, aap nogo warak tu paga mbo pugu wonage kagak singa nen aap warak nogo nengge, keledai nogo eyak nibinogo nengge, eeka'lek keledai imbirak taati mi'ndak we arum wonogwe negen iyareegerak.

1 Endagembogut 18:38

Nogo awo yoge kagak, at Aliku ALA mbogut paga nen kani wuppi wagagerak paga ake warak inom, kani ndoonak inom, yugum ogobakkigirik nogo inom, nggween inom, pu mbanak me yi yenggenak inom, abok aret kani pup eerogo nenggegerak.

2 Endagembogut 1:10

Yogo mbareegwa, at Eliya nen aap ineegin warak inowe nogo yoge logonet, “An aap Ala wone liirogon eeka abet aret kenok, kat inom, kawuri 50 inom, kineebe apit kani namunggup nduk, kani mbogut paga nen kinoba wambi woraawak o.” Ari kagak, kani mbogut paga nen wambi wage logonet, awuri 50 nogo inom abok aret kani nunggugwaarak.

2 Endagembogut 1:12

Yoge mbareegi, at Eliya nen, “An Ala wone liirogon eeka abet aret kenok, kat inom, kawuri ineebe 50 inom, kineebe apit kani namunggup nduk, kani mbogut paga nen kinoba wambi woraawak o.” Ari kagak, Ala kani mbogut paga nen wuppi wagagerak paga awuri ineebe 50 nogo inom abok aret kani nunggugwaarak.

1 Mbinineegwaarak 13:10

Pigagangge mbareegi, Aliku ALA anini mi'nage logonet, Uta nen pigaganeegerak paga Ala nen wareegerak me, enggaanom taati aret kambeegerak.

1 Mbinineegwaarak 15:13

Aa'nduk lombok Ala aloobut mbanak wonok woraawok nduk, eekwi niigak, kit aap Lewi mendek nen piyaninuk woroolik me, Aliku ninogoba Ala nen anini ninoba kwippinaneegerak nogo o. Nonggop eerogo wonok woroorak koonak nogo, nggino yorulik me, anini ninoba kwippinaneegerak o,” yinuk, yoragagerak.

1 Mbinineegwaarak 24:2

At Narap Abiku imbirak inogoba kangga'lek kagak, it aa'nduk kambeegwaarak o. Inapuri aap ndaganaka'lek kagak kambeegwaarak me, inawuri Eleyatat Itamat imbirak nen Ala unde logonet, eeko nogogwaarak.

Ayup 1:16

Yinuk, wone nogo awo yoge me, aap alik ambi wage nagagerik, yoge logonet, “Ndomba inom, aap arum wonogwe inom, Ala nen o yabok pindanogo nappi wage menggerak nogo mbogut paga nen wunuk agan wambi wage logonet, yaganinake kagak, nalik mban mbagangge nagarik, wone wonok yokkiri wagi o.”

Ndawi 50:3

Ninogoba Ala woraagin me, we woraagin lek o. Wage kagak, kani aa'nduk a'nuk, Yi mendek ndi mendek nenet wage, At enaagan-ambokan o wiya nabuninuk wage, Eerigin o.

Wundeegwaarak 24:1

Yoge nagagerik, at Aliku ALA nen Muta ambinom yoge logonet, “Kat inom, Karun inom, Narap inom, Abiku inom, it aakumi Iterali yo'nggok ineebe 70 inom, kit apit aret Naliku ALA nowagam lagi wogo logomonggotik, it ando ineebe tayorogon taati nen nalut eekwi iigak,

Yetaya 30:33

At aap endagembogut Atiyut mendek nogo kani kuniyak ake aa'nduk muk pipuk eerogo pereegerak wonage o. Ti eerogo pereegim nogome inikime teberogon kabunik wonage, ambe wiganak lombok wonage, Kani wurik mban yagabit aago wonage, eerak me, kani kunik kwindagala eerogo nagake menggi kwak, Aliku ALA ambe aagi nappemenggerak paga kani logonak nogo abok aret wunuk yigin o.

Ala Unde 10:5

Yorage mbareegi, at Muta nen yoragagerak nogo ndak-ndak aret aap mbere kanggaarak nogo inayum akem agi yirika nggorek nogo mban yirik iigak, wogoren yagat endekem time piya nogogwaarak.

Ala Unde 16:1

Aap Karun apuri wologwe mbere nogo Aliku ALA owagam wogwe iinok, Ala nen inooreegerak kanggo mbareegwa, at Aliku ALA nen Muta yoge logonet,

Ala Unde 9:24

enggela'me nen kani omoonuk wunuk agan wundi wage logonet, ake warak kani nawak nduk kani kunggo menggam pugu nogo inom, amok leenak pugu nogo inom, abok aret ne ambit wunuk togon nengge it aakumi nogo inigen kogo nogogwaarik, inale'nggen nen keekok yogo nogogwaarik, inendobanggun yindumbunuk, alut eereegwaarak.

Linggineegwaarak 14:37

kugi andi ogo nogogwaarik, at Aliku ALA enggaanom paga taati aret kambeegwaarak.

Linggineegwaarak 16:35

Mbaganit nogwe iigak, at Aliku ALA nen it aakumi ineebe dua ratus lima puluh obari abe kaga kani kunggwi nogo ne ambit ti eyom paga aret kani omoonuk paga lek eerogo piyareegerak.

Linggineegwaarak 16:49

Ndi, at aap Kora inom kambeegwaarak nogo ti, ineenggi lingginulik o. It aakumi andi nen kambeegwaarak nogo mban ineebe lingginik ti, empat belas ribu tujuh ratus aret.

Linggineegwaarak 26:61

aap Narap Abiku imbirak nen Ala aga'ni nogo paga lek iniki mba'nuk nen inaga'ni alik paga Aliku ALA enggaanom ake kani kunggo mbareegwa, inooreegerak kambeegwaarak.

Nappiigak 5:10

Awo yoge kagak, kwe nogo Peterut owagam taa'nogo aret kweyak togon ngginnage nagagerik, kambeegerak. Kangge mbareegi, it aap tawe nogo nen unggwi woraanuk, kambeegerak kogo nogogwaarik, eebe wonok, ogonggelo imbirak tabonogo nggween taambi nogogwaarak.

Nappiigak 5:5

Yoge nogo Ananiyat aruk konengge nagagerik, kweyak togon nggween paga ngginna'nuk, taati aret kambeegerak. “Kanggerak o,” yogwe inaruk koneneegwaarak nogo abok aret nen, “Ia!” yinuk, inagabiti ambik ogogwaarak.

1 Korindut 10:11

It eereegwaarak nogo ti, in wakkagak nit nineenu aruwok nduk, eereegwaarak me, o age yobok eeriyak eyom panggoni wage kagak, nit yogondak wonogwe yi, niniki liippatuwok nduk, wone yi, liiru mbanniragagerak.

1 Tamuwen 6:19

It aap Mbet-Temet mendek ando nen Aliku ALA aloobut mbanak me nogome ina mannogo mbareegwa, Ala nen ineebe 70 aret inooreegerak. Inooke mbareegi, “At Aliku ALA nen abu iya lombok eeppinanegerak kogo o,” yinuk, leenggu maako nogogwaarak.