Ala Unde 10:14 - Ala Wone Peenok Peebi Mbanak

¹⁴ Ti aret kwe, aakumi Iterali nen Ala inom lambunik logowak nduk ake warogo wogogwi ape uruwak inom, aawi kinik inom, Yi Kaliku ALA kake o, yinuk, titik eerogo punuk, pugwi nogo ti, kat kapuri wologwe-komologwe kinom nonggo logomunggup nduk, koonogo pugu aret me, o ti nenggak yuurak nduk, leenogo pugume nogome nen mban nonggo logomunggup o.

Ala Unde 10:14 ပူးပေါင်းရင်းမြစ်များ

Wundeegwaarak 29:33

Aap Karun apuri inom nake leenogo mippiigo logonet, ninom lambunik logowok nduk, nggami aanggo wakwi kwak nake warogo wo'niri wogo logorak mbanemenggaarak nogo ti, abu mage nake leenak lombok me, aakumi ugun noorak mage o. Ata, Karun apuri inom mban nonggo logowak o.

Yetikiyen 42:13

Kage mbareegi, at nen an yo'nege logonet, “Ko ogoorik-ogoorak aago o omarip paga pa'nggwe wonage inom, o ame pa'nggwe wonage inom, ena Ala awi wurik me oore'nggam koonak wonage nogo ti, it aap Ala unde inago aret me, it Ala enggaanom paga eeri unggwagak eeko logorak Ala unde nogo nen Ala ake pugu alik leenak nogo time aret nonggo logogun o. Ko ogoorik-ogoorak aago ti, abu mage alik leenak aret me, Ala ake pugu alik leenak gandum anggen pugwi, inomaluk lek aruwak nduk ake warogo wogogwi, Ala ake pugu lalembunuk iniki abe'nage kenok, obaane'me pugwi, eeko logorak nogo time aret pi unggwogo logogun o.

Ala Unde 10:13

Yi mendek ndi mendek at Aliku ALA ake pugu kani kunggo logonet, ando ndiinnage kenok ti, Aap an neebe unde wogorage logowak o, yinuk, Ala nen yo'nireegerak nogo ndak-ndak kat kapuri kinom kinamendek aret me, waganogo o alik leenak lombok menggim time nen mban nonggo logomunggup o.

Ala Unde 22:13

Aap an neebe unde apuluk kolaga ambi aagaluk awo ndaka'lek kagak, nanu pugu ilik, ogonggelo nen mbo pemenggerak a, at ogoba an neebe unde nogo ka wage kenok perak, kolaga awo tawe wonagaarak togop nogo aret ogoba imbirak wonage me, at ogoba an neebe unde nen mbi nake pugu ti, magariyak op aret kwe, aakumi we ugun mendek ti perak, magaroorak mage o.

Ala Unde 9:21

ape uruwak inom, aawi abe'nggan kinik inom, Muta yoreegerak nogo ndak-ndak aap Karun wagangge nagagerik, “Yi Kaliku ALA kake o,” yinuk, titik eerogo Aliku ALA wogoreegerak.

Linggineegwaarak 18:11

Ndi, ambi it aakumi Iterali mendek nen, Yi Ala ake o, yinuk, titik eerogo wo'nugwi ando nogo ti kunduk, kit kinamendek aret me, kat inom, kapuri wologwe inom, komologwe inom, mondok-mondok nonggo logobagip nduk, kinake leenogo pinagagi o. Ndi, nonggo logonet, kit kinom monggotak ambi oba maluk lenggenak lek obeelom wonage kenok, kinom nonggo logorak op aret o.

Linggineegwaarak 5:9

It Iterali mendek nen, Ala ake o, yinuk, nggomoorogo pemenggaarak abok aret aap an neebe unde wogora wogwe nogo ti, it an neebe unde inamendek aret logowak o.

Yaya 4:34

Yogo mbareegwa, Yetut nen, “At nappani wagagerak nen eeriyak mbake menggerak nogo eeke, ndi, at eeriyak mbake menggerak nogo an nen worok togon eeke, eeriyak ti, an nambi aret o.