Ala Unde 10:13 - Ala Wone Peenok Peebi Mbanak

¹³ Yi mendek ndi mendek at Aliku ALA ake pugu kani kunggo logonet, ando ndiinnage kenok ti, Aap an neebe unde wogorage logowak o, yinuk, Ala nen yo'nireegerak nogo ndak-ndak kat kapuri kinom kinamendek aret me, waganogo o alik leenak lombok menggim time nen mban nonggo logomunggup o.

Ala Unde 10:13 ပူးပေါင်းရင်းမြစ်များ

Yetikiyen 42:13

Kage mbareegi, at nen an yo'nege logonet, “Ko ogoorik-ogoorak aago o omarip paga pa'nggwe wonage inom, o ame pa'nggwe wonage inom, ena Ala awi wurik me oore'nggam koonak wonage nogo ti, it aap Ala unde inago aret me, it Ala enggaanom paga eeri unggwagak eeko logorak Ala unde nogo nen Ala ake pugu alik leenak nogo time aret nonggo logogun o. Ko ogoorik-ogoorak aago ti, abu mage alik leenak aret me, Ala ake pugu alik leenak gandum anggen pugwi, inomaluk lek aruwak nduk ake warogo wogogwi, Ala ake pugu lalembunuk iniki abe'nage kenok, obaane'me pugwi, eeko logorak nogo time aret pi unggwogo logogun o.

Ala Unde 10:12

Yoge mbareegi, at Muta nen aap Karun inom, at apuri Ala nen ineenik teppiyareegerak Eleyatat Itamat imbirak inom, yorage logonet, “Yi mendek ndi mendek Aliku ALA ake pugu kani kunggo logonet, gandum anggen yigirik inom Ala ake pugwi nogo, ando ndiinnage kenok, abu leenak mage lombok me, piiruwak nduk ragi inom pega'lek kagak, worarogo punuk, ake kani kunggo menggam eraaninu taati nen nonggo logomunggup o.

Ala Unde 10:14

Ti aret kwe, aakumi Iterali nen Ala inom lambunik logowak nduk ake warogo wogogwi ape uruwak inom, aawi kinik inom, Yi Kaliku ALA kake o, yinuk, titik eerogo punuk, pugwi nogo ti, kat kapuri wologwe-komologwe kinom nonggo logomunggup nduk, koonogo pugu aret me, o ti nenggak yuurak nduk, leenogo pugume nogome nen mban nonggo logomunggup o.

Ala Unde 2:3

Yi mendek ndi mendek an wo'niriyak nduk, kani kunggo logorak nogo ti, Naliku ALA nake leenogo pugu abu mage lombok me, ando ndiinik nogo it Karun apuri inom inake aret teppogo logowak o.

Ala Unde 6:16

Ndi, ando nogo Karun apuri inom nen nonggo logorak kwe, ragi inom pega'lek oroti mban worarogo punuk, ninom lambungge minggim nawooliya owa'nagat wurik me nenggak yuwam leenogo pugume taati nen nonggo logowak o.

Linggineegwaarak 18:10

kinapuri aap mban kinom nonggo logonet, Yi Ala ake alik leenak mage lombok kagi, mba'nuk, nonggo logomunggup o.

Linggineegwaarak 5:10

Aap ambi nen, An nake Ala wogori o, mba'nuk pi wage ti, at obaalombok aret. Ndi, aap an neebe unde ira wogwe ti perak, it aap an neebe unde nogo inobaalombok me, it nen aret koonggo logowak, yegerak, yoret o,” yinuk, yoreegerak.