Ala Unde 10:12 - Ala Wone Peenok Peebi Mbanak

¹² Yoge mbareegi, at Muta nen aap Karun inom, at apuri Ala nen ineenik teppiyareegerak Eleyatat Itamat imbirak inom, yorage logonet, “Yi mendek ndi mendek Aliku ALA ake pugu kani kunggo logonet, gandum anggen yigirik inom Ala ake pugwi nogo, ando ndiinnage kenok, abu leenak mage lombok me, piiruwak nduk ragi inom pega'lek kagak, worarogo punuk, ake kani kunggo menggam eraaninu taati nen nonggo logomunggup o.

Ala Unde 10:12 ပူးပေါင်းရင်းမြစ်များ

2 Mbinineegwaarak 31:14

Ndi, yi mendek ndi mendek onggo lek we aret Ala wogori wogwe, Aliku ALA wogoriyak mbakwi nogo pi wogwe, Yi we aret wogorikit o, yinuk, leenogo punuk, pi wogwe, eekwi nogo, tumburirage logowak nduk, aap Ala awi wurik me tu endage, Oonegen Lagi Wage Menggim, arum wonage aap Lewi mendek endage Yimana aput Kore nogo nen aret unde wonagagerak.

Etara 7:5

Mbuki ogoba Abituwa. Abituwa ogoba Pinekat. Pinekat ogoba Eleyatat. Eleyatat ogoba aap Ala unde inowe Karun aret.

Wundeegwaarak 29:2

gandum anggen yigirik abu obeelom woppunuk, oroti ragi inom pega'lek worarogo wagangge, oroti ragi inom pega'lek amburu paga amok mbanogo punuk, longgo warogo wagangge, ndi, oroti ragi inom pega'lek tabak worarogo amburu labunogo wagangge,

Wundeegwaarak 29:33

Aap Karun apuri inom nake leenogo mippiigo logonet, ninom lambunik logowok nduk, nggami aanggo wakwi kwak nake warogo wo'niri wogo logorak mbanemenggaarak nogo ti, abu mage nake leenak lombok me, aakumi ugun noorak mage o. Ata, Karun apuri inom mban nonggo logowak o.

Wundeegwaarak 6:23

Ndi, Kora apurilogwe ti, Atit, Elakana, Abiyatap aret. At Kora paga nen ndegen-ndegen ndarak wiganak nogo ti aret.

Yetikiyen 44:29

Gandum anggen nake pi wogwe, inomaluk lek eerogo piyoorak nake warogo wo'nugwi, nake pugu lalembunuk, iniki aberak wonage me, obaane'me wo'niri wogwe, eekwi nogo abok ti, it aret nunggwi, yi mendek ndi mendek o Iterali time Naliku ALA nake nggomoorogo pugwi nogo ti, it aret unde eekkologwe, eeko logowak o.

Ala Unde 10:13

Yi mendek ndi mendek at Aliku ALA ake pugu kani kunggo logonet, ando ndiinnage kenok ti, Aap an neebe unde wogorage logowak o, yinuk, Ala nen yo'nireegerak nogo ndak-ndak kat kapuri kinom kinamendek aret me, waganogo o alik leenak lombok menggim time nen mban nonggo logomunggup o.

Ala Unde 21:22

Awinde-obaande eerak kagak, yi mendek ndi mendek ogoba Ala an nake pugu mage lombok nggomoorak inom, nake pugu abu leenak inom, nogo perak, at noorak op aret kwe,

Ala Unde 7:9

Gandum anggen yigirik wun awi ndoonak paga worakwi inom, kuwali paga lakwi inom, togolowak ndoonak paga worakwi inom, abok aret it aap an neebe unde nen, Yi Ala ake o, yinuk, nggomoorogo pugwi me, ando ndiinnage nogo it aret kologo logowak o.

Linggineegwaarak 3:2

At Karun apuri ndaganabeegerak nogo inendage ti, manggu Narap. Narap ambo'me Abiku, Abiku ambo'me Eleyatat, ndi, Eleyatat ambo'me Itamat.