Ala Unde 1:6 - Ala Wone Peenok Peebi Mbanak

⁶ Werenogo pit nogwe iinok, it aap nogo nen tapi nake warogo kani kuniyak nogo agabolo mbelanogo punuk, eebe liirogon aret mbanogo pogo logowak o.

Ala Unde 1:6 ပူးပေါင်းရင်းမြစ်များ

Wakkagagerak 3:21

Toongge mbareegi, at Aliku Ala nen ndomba agabolo mendek mbelanogo ogobakkigirogo punuk, aap nogo akwe imbirak inayum yippiyareegerak.

1 Endagembogut 18:33

ti'nuk, kani ndoonogo pege, tapi ngguunok nogo wappunuk, mbanogo kani nogo paga pi lagangge, eeke nagagerik, it yorage logonet, “Niyoowak kole 4 ti paga niyo tooppunuk, tapi warak paga inom, kani ndoonak paga inom, kilirogo pinip o.”

Yetikiyen 40:43

ndi, yugum paga wurik yendok-wandok ya'nggage nggorek aap ineenggi ogut kenaarak kwak ngget mbere aago tugunik mban wonage kage, eyo ndoonak paga inom, yugum ndoonak paga inom, ti, Ala ake warogo wogogo logonet, enggaanggum puurak ake wonage kage, eereegirak o.

Ala Unde 1:7

Mbanogo pugwi iinok, it aap an neebe unde Karun apuri nogo nen kani kunggo menggam nogome kani ndoonogo pogo logomenggaarik, kani wuninogo punuk,

Ala Unde 2:6

mbuulogwe-mbaalogwe mbanogo amburu obaga kilirogo punuk, wo'nogo logowak o. Ti eeko logorak nogo ti, anggen yigirik paga worarogo an nake wo'nogo logorak nogo ti aret o.

Ala Unde 7:8

Aap ambi nen an Ala nake warogo kani kungge agabolo nogo aap an neebe unde nogo kunduk koloorak op mban o.