Ala Unde 1:4 - Ala Wone Peenok Peebi Mbanak

⁴ Pi wogwe iinok, an nen inomaluk lek eerogo punuk, ninom lambunik logokit nduk, it aap ti ineenggi tapi nogo anobak pippunuk logonet, nggami aanggo wako mengga kwak,

Ala Unde 1:4 ပူးပေါင်းရင်းမြစ်များ

Wundeegwaarak 28:38

Meeli tabak negen nogo ti, Karun enggaawak paga pugunogo pemenggerak wonage me, aakumi Iterali maluk eeppunuk, nano mendek leenogo nake wo'niri wogwe iinok, at Karun nen owak loonogo Naliku an ALA wo'nege kenok, wagangge logokit nduk, mondok-mondok enggaawak paga pugunik aret logowak o.

Wundeegwaarak 29:10

Ti eeke logomenggendik, tapi ngguunok nogo wonok ninom lambungge logowam nawooliya wuremenggenom enaame taati pi wage keenok, Karun apuri inom nen tapi anobak nogo ineenggi lebembunuk wonogwe iigak,

Wundeegwaarak 29:15

Ti eeke logomenggendik, ndomba ngguunok ore nogo wonok wage keenok, Karun apuri inom nen ndomba anobak ti, ineenggi tebembunuk wonogwe iigak,

Wundeegwaarak 29:19

Ti'nuk, ndomba ngguunok ore nogo waganogo pi wage keenok, aap Karun apuri inom nen ndomba ti, anobak ineenggi lebembunuk, wonogwe iigak,

Wundeegwaarak 29:33

Aap Karun apuri inom nake leenogo mippiigo logonet, ninom lambunik logowok nduk, nggami aanggo wakwi kwak nake warogo wo'niri wogo logorak mbanemenggaarak nogo ti, abu mage nake leenak lombok me, aakumi ugun noorak mage o. Ata, Karun apuri inom mban nonggo logowak o.

Yetaya 56:7

An nen it aap ti wogoren nabuut alik leenak nogome piya nage, Tamban eeko menggam nawi wurik me iigak, inale'nggen kaawak nduk, eeppiige, An nake kani kunggo menggam warogo wo'nugwi, nake we wo'nugwi, eekwi nogo aret wagangge, Eerigin o. Ti eerigin nogo ti, Nawi wurik ti, yi aakumi ndi aakumi inanebunu lombok tamban eeko menggam aret, yogo logowak nduk, eerigin o,” yinuk, yegerak me, yagi o.

Yetikiyen 45:15

Iterali inanggween amburu warak kenok iri'ngga ambik wungge logowam ndomba ineebe dua ratus wonage kenok mban ambitak nggiginogo waganggak eekwi, eeko logowak o. Ti waganggo logorak abok aret ti, an nen inomaluk lek eerogo punuk ninom lambunik logowok nduk, yi anggen ndi anggen mbanogo yigiremenggaarak nake niri wogwe, warogo nake kani kunggwi, ninom lambunik logowok nduk niri wogwe, eeko logonet, woppunuk inom wo'niri wogo logowak o, yinuk, Naliku Nitok Minggirak an ALA nen aret yagi o.

Ndaniyen 9:24

It aakumi kat mendek inom, kat kagota alik leenak nogo paga menggaarak inom, Ala wone yugu taganogo pit nogwe ti, Nineebi o, yuwak nduk eeppiige, Nit maluk eekwi nogo nineebi o, yinuk, mbo puwak nduk eeppiige, maluk eeko nogogwaarak nogo, aaninggin kaawak nduk, eeppiige, eekaatak onggo mondok a'me nggelok eeppiigak yuwak nduk mippiya wage, kabinggaanggo kagandak alom inom, Ala nen yorage kagak yoraga nen yorogo nogogwaarak inom, nogo ndak-ndak eeke, at abu alik leenak menggerak nogo amburu eerogo mippege, eeriyak eyom koonak nogo ti, tujuh puluh kali tujuh aret.

Ala Unde 16:21

eenggi imbirak waganogo kambin eenik wonage nogo anobak paga lumbunuk, it aakumi Iterali mendek maluk eeko logomenggaarak inom, mage yugu kagak taganogo punuk eeko logomenggaarak inom, inake inomaluk abok aret paganogo kambin nogo oba pege logomenggerik, aap ambi leenogo pugu nogo nen kambin nogo teerogo karume time pi nawak nduk, wogoruwak o.

Ala Unde 16:24

Nggoorogo punuk, ngguu'mo wako logowam ake aago me time ngguu'mo wappunuk, at ayum yirik menggerak nogo yikko'nok endekem wundi woraanuk, at inom, it aakumi Iterali mendek inom, inomaluk lek eerogo piinok, an ninom lambunikit nduk, nggami aanggo wako mengga kwak nake warak nogo, at ake inom, aakumi Iterali mendek inake inom, waganogo an Ala nake kani kunuwak o.

Ala Unde 22:21

Ndi, aap ambi nen nimbirak wone nggaruk togon mbanumonggoorak abeke logonet wo'niriyak ilik, onggo lek we aret wo'niri woroorak a, mba'nuk, Ala nimbirak lambunik logokit o, yinuk, lembu-tapi a, kambin-ndomba a, Naliku ALA an wo'niri wogwe iinok, niniki ale'nggen nen waakit nduk, awinde-obaande eerak lek amuni mbanak kero mban wo'niri wogo logowak o.

Ala Unde 22:27

“Tapi aagaluk ilik, kambin-ndomba aagaluk a, ndaremenggerak ne 7 paga agalo imbirak logowak o. Ndi, ko'lu paga Naliku ALA nake warogo kani kuniyak op aret kwe,

Ala Unde 3:13

an ninom lambungge minggim nawooliya wurik me tu unggwogo menggam taati pi wogo logomenggaarik, nake puurak nogo anobak paga ineenggi tebenogo punuk, warogo puwak o. Warogo pugwi iinok, Karun apuri nogo nen amiya waganogo kani kunggo menggam irip aru-ogwe, ambe agi-ogu, eyo nabenak paga abok aret werenogo pit nawak o.

Ala Unde 3:2

ninom lambungge minggim nawooliya wurik tu unggwogo menggam taati nen nake puurak tapi nogo anobak paga ineenggi tebenogo punuk, warogo puwak o. Warogo pugwi iinok, it aap neebe unde Karun apuri nen amiya nogo waganogo kani kunggo menggam irip aru-ogwe, ambe agi-ogu, eyo nabenak paga abok aret werenogo pit nawak o.

Ala Unde 3:8

an ninom lambungge minggim nawooliya wurik me tu unggwogo menggam taati pi woraanuk, nake puurak nogo anobak ineenggi tebenogo punuk, warogo puwak o. Warogo pugwi iinok, Karun apuri nen amiya nogo waganogo kani kunggo menggam irip aru-ogwe, ambe agi-ogu, eyo nabenak paga abok aret werenogo pit nawak o.

Ala Unde 4:15

it aakumi Iterali inoweewi nogo nen Naliku ALA nenggaanom paga tapi ngguunok nogo anobak ineenggi tebenogo punuk, nenggaanom paga waruwak o.

Ala Unde 4:20

Kani kumbunuk, tapi ngguunok eebe nogo eeriyak ti, aap ambi nen maluk eeke kenok omaluk lek eerogo puwak nduk, tapi ngguunok eeriyak yagarak togop nogo aret eeruwak o. Ti eeko logorak nogo ti, an nen inomaluk lek eerogo piinok, ninom lambunik logokit nduk, aap an neebe unde nen nggami aanggo wakwi kwak eeko logorak nogo ti aret.

Ala Unde 4:24

an nake warogo kani kunggo menggam pi woraanuk, Naliku ALA nenggaanom paga taati kambin nogo anobak eenggi tebenogo punuk, waruwak o. Ti eeko logorak nogo ti, omaluk lek eerogo pikit nduk, nake warogo pogo logorak nogo ti aret.

Ala Unde 4:26

Pege logomenggerik, amok nogo abok aret an ninom lambunik logowak nduk, nake warogo wo'nogo logonet, amok kenok kani kuniyak yagarak nogo ndak-ndak aret eerogo punuk, kani kunggo menggam kani kunuwak o. Ti eeko logorak ti, aap nogo omaluk an nen lek eerogo punuk, nimbirak lambunik logokit nduk, aap an neebe unde nen nggami aanggo wakwi kwak eekwi iinok, omaluk lek eerogo puwak nduk eeko logorak nogo ti aret.

Ala Unde 4:29

an nake warogo kani kunggo menggam pi woraanuk, omaluk lek eerogo puwak nduk, kambin wariyak nogo anobak eenggi tebenogo punuk, waruwak o.

Ala Unde 4:31

Ndi, amok nogo abok aret an ninom lambunik logowak nduk nake warogo wo'nogo logonet, amok kenok aap aanggo unde nen leenogo puurak yagarak nogo ndak-ndak leenogo pege kenok, aap an neebe unde nen Naliku ALA nake kani kunggo menggam kani kunemenggerak obari abe kage logonet, niniki ale'nggen kaakit nduk, kani kunuwak o. Ti eeko logorak ti, aap nogo omaluk an nen lek eerogo punuk, nimbirak lambunik logokit nduk, aap an neebe unde nen nggami aanggo wakwi kwak eeke kenok, omaluk lek eerogo puwak nduk, eeko logorak nogo ti aret.

Ala Unde 4:33

an nake warogo kani kunggo menggam pi wage logomenggerik, omaluk lek aruwak nduk, ndomba wariyak nogo anobak eenggi tebenogo punuk, waruwak o.

Ala Unde 4:35

Kilirogo pege logomenggerik, amok nogo abok aret an ninom lambunik logowak nduk, ndomba nake warogo wo'nogo logonet, amok kenok aap aanggo unde nen leenogo puurak yagarak nogo ndak-ndak leenogo pege kenok, aap an neebe unde nen amok leenak nogo alik mendek nake kani kuniyak nduk, kani kunggo menggam pi woramenggaarak wonage nogo, inom lambunogo kani kunuwak o. Ti eeko logorak ti, aap nogo omaluk an nen lek eerogo punuk, nimbirak lambunik logokit nduk, aap an neebe unde nen nggami aanggo wakwi kwak eekwi iinok, omaluk lek eerogo puwak nduk, eeko logorak nogo ti aret, yegerak, yoret o,” yinuk, yoreegerak.

Ala Unde 4:4

an ninom lambungge minggim nawooliya wurik me tu unggwogo menggam nenggaanom paga taati pi wage logomenggerik, nake puurak nogo anobak paga eenggi tebenogo punuk, Naliku ALA nenggaanom paga waruwak o.

Ala Unde 5:6

omaluk lek eerogo pikit nduk, ndomba kooli a, kambin kooli a, warogo at maluk eeremenggerak nogo onggo Naliku ALA nake pi woraawak o. Pi wage kenok, omaluk lek eerogo punuk, nimbirak lambunik logokit nduk, aap an neebe unde nen nggami aanggo wakwi negen aret eeruwak o.

Ala Unde 6:7

Wogori wage kenok, an nen omaluk lek eerogo punuk, nimbirak lambunikit nduk, aap an neebe unde nen nggami aanggo wakwi negen Naliku ALA nake warogo pege kenok, aap ti eerit namenggerak paga maluk eerigin nogo an nen lek eerogo pigin aret o,” yinuk, Muta yoreegerak.

Ala Unde 8:14

Ti eeppiige nagagerik, inomaluk lek eerogo piyaawak nduk, tapi ngguunok wariyak nogo wonok woraawak nduk yoragagerak wonok wogo mbareegwa, Karun apuri inom nen tapi nogo anobak ineenggi tebembunuk, wonogwe iigak,

Ala Unde 8:18

Ti eeppunuk, ndomba ngguunok Ala ake warogo kani kuniyak nogo ambi wonok wage nagagerik, Karun apuri inom nen ndomba anobak ineenggi tebembunuk, wonogwe iigak,

Ala Unde 8:22

Ti eeppege nagagerik, at Muta nen aap Ala unde mippiigo logonet, ndomba ngguunok wako menggaarak me, wariyak nduk pi wagagerak ore nogo wonok Muta iri wogo mbareegwa, aap Karun apuri inom nen ndomba nogo anobak ineenggi tebembunuk, wonogwe iigak,

Ala Unde 9:7

Yorage nagagerik, Karun yoge logonet, “Komaluk mbo puwak nduk, wariyak wonok wagandak inom, Aliku ALA ake warogo kani kuniyak nduk wonok wagandak inom, Ala nen yegerak nogo ndak-ndak kat inom, kapuri inom, kinomaluk lek eerogo punuk, Ala kinom lambunik logomunggup nduk, aa'nduk nggami aanggo wakwi kwak warogo Ala wogoge, ndi, ti'nuk, it aakumi inomaluk mbo puwak nduk, wariyak wonok wagaarak nogo inomaluk lek eerogo punuk, Ala inom lambunik logowak nduk, nggami aanggo wakwi kwak warogo Ala wogoge, eerenok nduk, Ala ake warogo kani kunggo menggam time nak o.”

Linggineegwaarak 15:25

iniki mbarulik kagak perak togon maluk eeremenggaarak nogo, lek eerogo piyaakit nduk, an nake warogo kani kunggwi nogo mendek inom, inomaluk lek eerogo pikit nduk, an nake wo'niriyak mendek inom, wonok woramenggaarak nogo it an neebe unde nen ninom lambuniyak nduk, nggami aanggo wakwi kwak, warogo wo'nugwi kenok, inomaluk ti, lek eerogo mbo pigin aret o.

Linggineegwaarak 15:28

Pi wage kenok, at eenggo'lek logonet maluk eeremenggerak nogo, omaluk lek eerogo punuk nimbirak lambunik logokit nduk, ndomba wonok woramenggerak nogo aap an neebe unde nen nggami aanggo wakwi kwak, Naliku ALA nenggaanom paga nake warogo pege kenok, omaluk lek eerogo pigin o.

Linggineegwaarak 25:13

At ogoba Ala an nayuk warak logokit nduk, mondok mi'nage logonet, naana'le mbangge, it aakumi Iterali mendek inooke neyo, inagap ndarogo maluk mbet-mbet aret nggarengge, eekerak ti paga at inom, apuri-ombowologwe wigannarit nogo logogun paga inom, an neebe mondok-mondok unde logowak o, yinuk, wone abuk nggaruk togon yegerak, yorumunggun o,” yinuk, yoreegerak.

Linggineegwaarak 8:10

Yoramenggendak time kuwak eeri wogwe iinok, it aap Lewi mendek Naliku ALA nenggaanom paga wonogwe iigak, it aakumi Iterali nen ineenggi it inanobak tebembiyaawak nduk, yoraamunggun o.

Linggineegwaarak 8:12

Ti eeke kenok, it aap Lewi mendek nen tapi ngguunok imbirak inanobak paga ineenggi tebenogo piinok, ambi warogo inomaluk lek eerogo piyoorak ake pugwi, ambi warogo it Lewi mendek Naliku ALA ninom lambunik logorak ake pugwi, eeruwak o.

Oroma 12:1

Ti kenok, nowe-nawot o. At ninogoba Ala ninabuwa mba'nuk, nggwok togon eeppinanege menggerak me, Ala ake warogo pogo mengga kwak, kit nen, “Nineenik logonet, Ala ake mban eerit nugu logowok nduk, nineebe apit aret Ala ake leenogo pogo o,” yinuk, “Ineebe apit aret Ala wogo'nuk logowak lak, an ao,” mbake logonet, yokkirage agarik o. Ti eerumonggotak paga Ala nen, “It yi abet aret nalut ee'nakwi iigi,” yinuk, ale'nggen kinombake logogin o.

Oroma 3:25

Maan aa'nduk it aakumi maluk eekwi iigak, Ala iniki yanggonak logonet, maluk onggo eeppiiga'lek teppiyareegerak kwe, yogondak perak, maluk eekwi niinok, irip kunduk eeke menggerak nineenu aruwak nduk, it Yetut abet mbakwi iinok, at amiya wundemenggerak paga it maluk eekwi nogo, inomaluk lek eerogo piige, Ala iniki yanggo ari, eeruwak nduk, Ala nen, “Yetut waruwak o,” yinuk, punogo pereegerak o.

Oroma 5:11

Ti eereegerak paga mban ninale'nggen mbako logorak lek o. Ata, ambi nit ninowe Yetut Keritut eereegerak nogo paga Ala ninom lambunogo pinaneegerak me, “Ala wa,” yinuk, ninale'nggen mbako logowok o.

Pilipi 4:18

Kit nappani wogogutak nogo, abok aret waganeegirak me, lek aga'lek wonage aret o. Ala ake pugu kani kunggwi obari obeelom kenok Ala nen, “Op wo'nega o,” yinuk, iniki ale'nggen mbake menggi kwak, kit an nake pugu aap Epapororitut nen wo'niruwak nduk nappi wogogutak nogo, wonok niri wage mbareegi, wagangge nagagirik, ndiinik-piinik agago pereegirak lek aga'lek wonage aret o.

1 Yaya 2:2

Ala iniki yanggo yuwak nduk, ninomaluk lek eerogo punuk, Ala ninom lambunogo pinaniyak ninake eeka ti, at Yetut aret o. Nit mban ninomaluk lek eerogo punuk, Ala ninom lambunogo pinaniyak nduk, ninake eeke ti lek o. Ata, nit yi aakumi ndi aakumi o nggween paga yime monggoorak abok aret ninomaluk lek eerogo punuk, Ala ninom lambunogo pinaniyak nduk, ninake eeke menggerak o.