Ala Unde 1:11 - Ala Wone Peenok Peebi Mbanak

¹¹ kani kunggo menggam o omarip paga pa'nggwe Naliku ALA nenggaanom taati aret warogo pugwi iinok, it aap an neebe unde Karun apuri nogo nen amiya nogo waganogo kani kunggo menggam irip aru-ogwe, ambe agi-ogu, eyo nabenak paga abok aret werenogo pit nogo logowak o.

Ala Unde 1:11 ပူးပေါင်းရင်းမြစ်များ

Wundeegwaarak 24:6

at Muta nen amiya nogo wagangge nagagerik, eegu togolowa'na toologo pege, ndi, eegu nogo Ala aanggo warogo kani kunggo menggam taati werenogo pege, eeke nagagerik,

Wundeegwaarak 40:22

Wuppi wage nagagerik, at Aliku ALA nen Muta yoreegerak nogo ndak-ndak oroti pegak eyo ndoonak nogo Ala inom lambungge logowam ooliya wurik yum tugunik kagak magame o omarip paga pa'nggwe time pege nagagerik, oroti worarak nogo eyo ndoonak ogombaga Aliku ALA enggaanom paga taati pereegerak.

Yetikiyen 43:18

Kage mbareegi, at nogo nen an yo'nege logonet, “Aakumi nen ndarak yi wae. At Aliku Itok Menggerak ALA nen yegerak nogo yi aret o. Warogo kani kunggak ogobakkigippunuk, ti paga ake warogo kani kunggwi, amiya werenogo pugwi, eekak yuurak wone yugu nogo yi aret o.

Yetikiyen 8:5

Kage mbareegi, at nen an yo'nege logonet, “Aakumi nen ndarak yi wae. O omarip paga pa'nggwe time kenegen na'naru o.” Yo'nege mbareegi, na'nage nagagirik, o omarip paga pa'nggwe ake warogo wogori ungguurak tu unggwogo menggam koorok taati Ala alut eeriyak kagak alik alut eekwi Ala eebi mbake kugi ogut eerak nogo wonage kagagirak.

Ala Unde 1:5

Naliku ALA nenggaanom paga warogo pugwi iinok, an neebe unde Karun apuri nen tapi amiya nogo waganogo nawooliya wurik tu unggwogwe me, kani kunggo menggam irip aru-ogwe, ambe agi-ogu, eyo nabenak paga abok aret werenogo pit nogo logowak o.

Ala Unde 14:13

Panege logomenggerik, nake warogo kani kunggwi, aap inomaluk lek eerogo puwak nduk, nake warogo wo'nugwi, eeko menggam magame taati nen ndomba ngguunok nogo warogo puwak o. Aap eebe maluk aremenggerak obeelom eerogo puurak onggo an wo'niremenggerak nogo ti, aakumi inomaluk lek eerogo puwak nduk, nake warogo wo'nugwi kwak, nake leenak abu mage aret me, aap an neebe unde nogo aret kolaawak o.

Ala Unde 4:29

an nake warogo kani kunggo menggam pi woraanuk, omaluk lek eerogo puwak nduk, kambin wariyak nogo anobak eenggi tebenogo punuk, waruwak o.

Ala Unde 6:25

“Aakumi inomaluk lek eerogo piyaawak nduk, nake warogo pi wogwe iinok, Karun apuri inom eeko logorak yoroorak nogo yi aret. It aakumi inomaluk lek eerogo puwak nduk, nake pi wogwe nogo ti, an nake pugu abu alik leenak aret me, an nenggaanom paga nake pugu warogo kani kunggo menggam nogome aret warogo pege kenok,

Ala Unde 7:2

Ala ake pugu lalenemenggaarak nogo iniki abe'nagak mban eekwi kenok, lek aruwak nduk, obaane'me kambin-ndomba wonok wo'niri wogwe iinok, an nake warogo kani kunggo menggam nogome warogo punuk, aap an neebe unde nen amiya waganogo kani kunggo menggam irip aru-ogwe, ambe agi-ogu, eyo nabenak paga abok aret werenogo pit nawak o.

Ala Unde 8:19

Muta nen wake nagagerik, amiya waganogo Ala ake warogo kani kunggo menggam irip aru-ogwe, ambe agi-ogu, eyo nabenak paga abok aret werenogo pit nagagerak.