Agayi 2:4 - Ala Wone Peenok Peebi Mbanak

⁴ Togop aret kwe, an Nomaawi Lombok Minggirak Naliku ALA ninom aret logogin me, at Terubaben ti, iniki nu'lek eeppunuk logowak o, yinuk, Aliku ALA nen yegerak nogo yoge, at Yotarak aput an neebe unde inowe Yotuwa ti, iniki nu'lek eeppunuk logowak o, yinuk, yegerak nogo yoge, ndi, it aakumi o time menggaarak nogo iniki kwippunuk, yabu eeko logowak o, yinuk, Aliku ALA nen yegerak nogo yorage, eeke logot o.

Agayi 2:4 ပူးပေါင်းရင်းမြစ်များ

1 Mbinineegwaarak 22:13

Wone lengganak inom, eeko logorak wone yugu inom, it Iterali eeko logowak nduk, Aliku ALA nen Muta yoreegerak nogo, liippunuk, eerit nage keenok, eeriyak mbake nogo a'me nggelok mban arit nage kaamunggun o. Togop me, kagabiti mbake, kiniki yungguppegak eeke, eekelobok o. Ata, kiniki mondok nu'lek eeppunuk, kogogumbuk logomunggun o.

1 Mbinineegwaarak 28:20

Ti'nuk, at Ndawut nen at aput Talomo nogo ambinom yoge logonet, “Kat kogogumbuk kiniki mondok nu'lek eeppatinuk logonet, eerit nage logomunggun o. Aliku Ala ti, an nogoba Ala aret me, at nen teppagage, eraangge mbo paganuk mbagangge, eerigin lek kimbirak keegak, Aliku ALA awi wuremenggenom eeko logorak ti age worok togon aret eerumunggun me, kagabiti mbake, anggon eekkake, eeriyak mage o.

Etara 10:18

It aap Ala unde paga wiganak nen kumi alik mendek wogonabeegwaarak inendage yi aret. Aap Yotarak aput Yetuwa oreewi inom it paga wiganak ti, Maateya, Eliyetet, Yarip, Nggeraliya aret.

Etara 5:2

Wone yorogo nogogwaarak nogo paga aap Teyalitiyen aput Terubaben inom, Yotarak aput Yetuwa inom, “Ala awi obaane'me wuruwok aret o,” yinuk, wukwi iigak, it aap Ala wone yoraga nogo nen yeenggwaarogo nogogwaarak.

Wundeegwaarak 3:12

Yoge mbareegi, at Ala nen Muta yoge, “An yeenggwa kirigin lek mbaken? It aakumi Iterali mendek o Metit wonogwe nogo wogoren wundi woraanuk, puut yi paga an nalut eeri wogo logomonggotik kenok, Ala nen abet aret nappaneegerak kagi, yinuk, keenu arumunggun o.”

Agayi 1:13

Inagabiti mbako mbareegwa, aakumi yoraawak nduk, Aliku ALA nen nappi wagagerak Agayi nogo nen at Aliku ALA yoreegerak nogo it yorage logonet, “At Aliku ALA nen, An ninom aret logogin, yegerak o,” yinuk, yoragagerak.

Takariya 4:6

Yoge mbaki, at nen an yo'nege logonet, “At Aliku ALA nen at Terubaben yoriyak yo'negerak nogo yi aret. At alilaakwi paga, at omaawi paga, eerigin lek o. Ata, an Naberiniki paga eeppege neegak eerigin o, yinuk, at Omaawi Lombok Menggerak Aliku ALA nen aret yegerak, yoru o.

Takariya 8:9

At Omaawi Lombok Menggerak Aliku ALA nen an yo'nege logonet, “Nomaawi Lombok Minggirak Naliku an ALA nawi wuriyak ogowa kwippit nogwe iigak, it an nen yorage neegak yoraga nen yorogo nogogwaarak inaruk koneneegwaarak nogo, yogondak eebe age yobok togon wuriyak ineenggi omaawi eekkologo logowak o.

Marakut 16:20

Ndi, it at oone waganggwi nogo yi awi ndi awi abok aret wone yoranet nugwi iigak, ninowe Yetut nen yeenggwaaranet nege nagagerak me, inagabiti warak ineenu ariyak mendek eerit nugwi paga it aakumi apit nogo nen, “Wone yi abet aret kogo o,” yinuk, waganggo nogogwaarak.

Nappiigak 7:9

Nit ninombomini nen yogo logonet, Ninogoba nen ninawuluk Yutup mban obeelom eeppege yi, Nineebi a! yinuk, it Metit mendek inayeloman aruwak nduk, onggo nggerenggo mbareegwa, o Metit wonok nogogwaarak. Wonok nogo mbareegwa, o time Ala imbirak wonage me,

1 Korindut 16:13

Kit kinagabiti lek kinogogumbuk logonet, Ala abet mbakwi nogo paga kiniki kwippunuk, tum pippak wako logonip o.

Epetut 6:10

Wone abu aret yokkiragarak me, age yobok ambi yi yokkira o. Kinowe omaawi ambik nogo paga kiniyok panggombunuk, kinogogumbuk logonip o.

Pelaareegerak 31:23

Mamunirage mbareegi, ti'nuk, at Aliku ALA nen aap Nun aput Yotuwa nogo yoge logonet, “Kat nen it aakumi Iterali mendek yi, Nggween wokkiraagin o, yinuk, abuk nggaruk togon kumbuk mbanogo yoragagim time wogoren unggwi namunggun me, wogoren nage keegak, an lombok nimbirak aret nagin me, kogogumbuk kiniki mondok nu'lek eeppatinuk logot o,” yoreegerak.

2 Timotiyut 2:1

Naput kat perak, Keritut Yetut ninom kunik me, Ala iniki kunik nen omaawi eeppagage kagak, nu'lek logonet, eerit nage logot o.

Yotuwa 1:6

Kinombomini nggween wogoroorak wone abuk nggaruk togon kumbuk mbanogo yoragagirak nogome aret ineyate kwak unde a'nuk logowak nduk, kat nen aakumi Iterali yi, wogoren wunda namunggun me, kat kogogumbuk kiniki mondok nu'lek eeppatinuk, logot o.

Yotuwa 1:9

Kat kogogumbuk kiniki mondok nu'lek eeppatinuk logot o, yinuk, yokkigirak nogo lek a? Kat ambime nage keegak, Naliku kogoba Ala an nimbirak nagin me, kat kagabiti mbake, eerit nage logonet anggon eekkake, eeriyak ti mondok mage o,” yinuk, yoreegerak.

Owak Loongga 2:18

Piyareegerak wonogwe me, inawim nogo nen tebenogo piigwi, andi-pandi eerogo piigwi, eekwi iinok, “Ai! Ao!” yogwe nogo at Aliku ALA aruk konembunuk, inabuwa nen inake kulinik-kalinik aap inowak loongga mippege nagaatik, yeenggwaage kagak, at eenik wonage logonet, it aakumi Iterali nogo inawim ineenggime nen inagap ndake nagagerak.

1 Tamuwen 16:18

Yorage mbareegi, at ayeloman ambi nen yoge logonet, “Aap Itayi o Mbe'lekem mendek apuluk ambi nggitat abu obeelom eeke menggerak eenu kagarak o. Aap ti, wim nambuka wakaa'ngget kalu-kalu menggerak aret me, eebe abu kigirikwe, wone liippunuk mbangge menggerak o. Ndi, at Aliku ALA imbirak wonage o,” yoreegerak.