Agayi 1:4 - Ala Wone Peenok Peebi Mbanak

⁴ “It an napuri ti, an nawi wurik langgu-langgu aago wonage kagak, it inawi eyo abe kigirikwe lombok paga nabenogo wuppunuk logorak eyom muk panggoni wagaarak ya? yinuk, yegerak o.

Agayi 1:4 ပူးပေါင်းရင်းမြစ်များ

2 Tamuwen 7:2

Ndawut nen aap Ala nen yoge kagak yoraga Natan nogo yoge logonet, “An nawi o nggwok abe wurik yi, eyo abe nggabina paga abu obeelom wuppanegaarak wonage neegak kwe, Ala aloobut mbanak kenok we ooliya wurik me wonage ti ket o.”

2 Endagembogut 5:26

Yoreegerak kwe, at Elita nen Nggekati yoge logonet, “At Naman anggweendo paga nen wambi wage eyom kat kimbirak lambungge keegak, an niniki time nagaarak nogo lek a? Wu inom, yum inom, eyo tayitun yarak inom, eyo anggur yarak inom, kambin-ndomba inom, lembu-tapi inom, kayeloman mini kumi-aap inom, abok aret woorak eyom yogondak yi aret panggoni wagaarak mbaken?

Ndawi 102:14

O yugum paga wurik yugum ti, Kayeloman mini nen inikilom mbakwi, O minik liirubu kale'ngga aago kunduk abuwa mbakwi, Eeko menggaarak o.

Ndawi 74:7

Kat kawi alik leenak menggim kani mbelanogo pugwi, Kat kendage ki menggenom nogome ogole warak logowak nduk, eerogo pugwi,

Wone Alom Kibingga 3:3

Inooriyak eyom wonage, obeelom eeppiyoorak eyom wonage, Minogo puurak eyom wonage, wuriyak eyom wonage,

Yeremiya 22:14

Aap ti nen, An nawi o nggwok abe lombok wunom-weenom wuke logonet, wunom paga ambe nggwok wigak togon eerogo pigin o, yinuk, Wuke logonet, pugagi ambe kole mbanogo pit nage, Eyo nggabina abe poorak paga akem nabenogo pit nage, Amburu maa'ngga warogo pit nage, Eerogo pemenggerak kwe,

Yeremiya 26:18

“At Kitikiya it Yekura inowe endagembogut wonage eyom paga aap o Moreteyet mendek endage Mika nogo nen it Yekura mendek abok aret wone yorage logonet, At Omaawi Lombok Menggerak Aliku ALA nen yegerak nogo yi aret. O Tiyon ti, yabu waganggo mengga kwak eerogo pege, O kota Yerutalem ti, yigirik-noonom eerak logonak logowak nduk, eerogo pege, Ndi, puut paga nawi wurik wonage nogo eyoongga tibinik-wandinik eerogo pege, Eerigin, yegerak o, yinuk, yoragagerak.

Yeremiya 26:6

an nen nawi wurik yi, o Tilo kwak eerogo pege, yi aakumi ndi aakumi o nggween paga wonogwe nen o kota yi, pulunogo pegak eeko logowak nduk eeppiige, eerigin, yegerak, yoret o,” yinuk, yoge mbareegi, yoragagerak.

Yeremiya 33:10

At Aliku ALA nen yegerak nogo yi aret. Kit nen yogo logonet, O yi, aakumi inom, ndiimbu-nggwiya inom, abu wonogolik kugume aret o, yinuk, yogo monggotak kwe, o Yekura kota-kota inom, o Yerutalem tu nogo menggam inom, aakumi kunduk, ndiimbu-nggwiya kunduk, ineebe lek paga yi oone ndi oone lek agaarak nogome

Yeremiya 33:12

At Omaawi Lombok Menggerak Aliku ALA nen yegerak nogo yi aret. Aakumi inom, ndiimbu-nggwiya inom, wonogolik o kugume kota-kota enaagan-ambokan yime it aap ndomba ndegeninaka nen inandomba inagari'ngga mbanogo nenok, yonggonggologo logowak nduk, piigo logowam ambinom wonage kogo logogun o.

Yeremiya 52:13

Wage nagagerik, Aliku ALA awi wurik inom, aap endagembogut awi o nggwok abe wurik inom, it aap nagawan-nagawan inawi wurik o Yerutalem wonage abok aret inom, kani pit nage nagagerik,

Leendawi 2:7

Inogoba Ala nen at ake warogo kani kunggak ogobakkigirik nogo mbo pege, At awi wurik alik leenak nogo mbo punuk nage, O Tiyon oweewi inendagembogut inawi o nggwok abe wurik nogo, yigirik-noonom eerogo puwak nduk, awim ineenggime pege, Eereegerak me, Iterali inale'nggen paga laago lariyak koonak nogo lako logonet, inale'nggen nen keekok piyanggogo mengga kwak awim nen Aliku ALA awi wurik me unggunuk logonet keekok piyanggogogwaarak.

Leendawi 4:1

Mbuti emas abinak pindan-pindan eeke nogo lek age, Mbuti emas at mendek mban wonage nogo abinak lek arit wangge, Yi yugum ndi yugum onggo nggwok Ala awi wurik me menggerak nogo, tu paga ugun mbo pit nogogwaarak wonage, Eereegerak yi, ao!

Ala Unde 19:25

Ndi, tahun 4 abu eeppunuk, tahun ambi eeke logonet kenok perak, eyo anggen yit namenggerak nogo mbanogo it nonggo logorak op aret o. Togop eekwi iinok, yaremenggaarak anggen ti oba lu'luk yi'nage aret logogin o, yinuk, Naliku inogoba Ala nen aret yagi o.

Mika 3:12

Togop aret yogo monggotak me, o Tiyon ti, yabu kabunogo nippit nogo mengga kwak age, O kota Yerutalem ti, nggween yigirik-noonom eerak logonak negen age, Ndi, puut Ala awi wurik menggim ti, alok-palok mban kunogo pege, Eerigin o.

Agayi 1:3

Yorage nagagerik, Aliku ALA nen at yoge kagak yoraga Agayi nogo it aakumi yoraawak nduk, yoge logonet,

Agayi 1:5

Ari nagaarik, at Omaawi Lombok Menggerak Aliku ALA nen ambinom ari logonet, It eeginabit nage nogo liippogo logowak o.

Agayi 1:9

At Omaawi Lombok Menggerak Aliku ALA nen ari logonet, Anggen ambik aret mbanggoloorak mbareegwaarak kwe, mbuuluk mban mbanggologwe, ndi, mbuuluk mban mbanggo'nok iname pi wogogwaarak nogo, o wiya nen wonok ma'naruwak nduk, eeppege mbareegi, wonok mappege, eereegerak nogo ti, nonggop nduk eereegerak? Ti eereegerak alom nogo ti, an nawi wurik langgu-langgu aago kagak, it inalitak lombok inawi wukkoloorak kenok mban iniki taganak eerit nugwi ti paga eereegirak o.

Matiyut 6:33

Kit aa'nduk kinogoba abu'me pinagarak, Ao, mbakwi, ndi, at obeelom lombok eeke logorak mbake nogo, kit ndak-ndak eeko logorak miikwi, eeko logonip o. Togop eekwi kiinok, kit nen, Ti mendek lek me, uugwe mbakwi nogo inom abok aret oba lunogo wokkirage kaamunggup o.