Agayi 1:2 - Ala Wone Peenok Peebi Mbanak

² “At Omaawi Lombok Menggerak Aliku ALA nen yegerak nogo yi aret. It aakumi yi nen yogo logonet, Aliku ALA awi obaane'me wuriyak eyom awo panggoni waga'lek, yogwe, iigirak o, yinuk, yegerak me, yokkiragi o,” yoragagerak.

Agayi 1:2 ပူးပေါင်းရင်းမြစ်များ

2 Endagembogut 12:7

at endagembogut Yowat nen aap Ala unde Yoyara inom, it aap Ala unde alik inom, inayonggo pereegerak wogo mbareegwa, yorage logonet, “Nonggop nduk kit nen Ala awi wurik maluk agaarak kagak ogobakkigika'lek ogotik? Ne yogondak yi kuli, wu wokkira wogwe iinok, kit koloorak mage o. Ata, Ala awi ogobakkigiko logowak nduk, ake pogo logonip o.”

Etara 4:23

Ndi, at endagembogut Aratakata nen liiru mbanogo nappiya wagagerak nogo, it aap Erekum inom, o ti ake liiru mbangga Timatayi inom, inoreewi nogo inom, inaruk konenggwi iigak, malenggo mbareegwa, it mbet-mbet aret o Yerutalem wogo nogogwaarik, it aap Yakuri mendek yabu eekwi nogo puk aruwak nduk, inoone omaawi paga yorogogwaarak.

Nekemiya 4:10

Mippiyareegurak ninarum wonogwe iigak, it aakumi o Yekura wonogwe nogo nen yogo logonet, “O langgu-langgu wambit wagagerak logonak ti, iya negen wonage, ndi, nit piyaniyak kunduk ninomaawi lek age, eeke me, yugum pak wuriyak meek ee'ninake o,” yinuk, yogwe,

Kini Wuppiige 22:13

Aap eenggi tanep nogo nen, “Singa endekem wonage,” Ndi, “Wundi nage neenok, nibininake, eeke kero,” yinuk, oome mban menggerak.

Kini Wuppiige 29:25

Aakumi paga inagabiti mbarit nugwi ti, keele pugu kwak inenggaanok nggerenggologo menggaarak kwe, Iniki Aliku ALA oba panggombugwi nogo perak, tu kuuri'me aret nugu menggaarak.

Wone Alom Kibingga 11:4

Aap ambi nen o wiya wage nogo lek aruwak nduk, tokkage logonet, yi awi ndi awi yumbunit nage, Ndi, ndugwi lek aruwak nduk enegen mban wagangge logonet, yi anggen ndi anggen mbanggolage, Eekeelik o.

Wone Alom Kibingga 3:3

Inooriyak eyom wonage, obeelom eeppiyoorak eyom wonage, Minogo puurak eyom wonage, wuriyak eyom wonage,

Wone Alom Kibingga 9:10

Kambunuk namenggenom time nen yabu eekwi, eeriyak koonogo pugwi, yi wone ndi wone ineenu arit nogwe, iniki warak eekkologwe, eekulik me, yi mendek ndi mendek abok aret eeriyak kage kenok, keenggi mondok omaawi paga eerit nage logot o.

Agayi 1:1

Aap Ndariyut endagembogut a'nuk wone lengganogo yorage kagak, tahun ambit eeppunuk, ambi eeke tut 5 penembunuk ambi penenak tanggal 1 ti eyom paga, Aliku ALA nen at yoge kagak yoraga Agayi nogo Ala nen yoge kenok, at Agayi nen aap Teyaletiyen aput o Yekura unde wonage Terubaben nogo inom, aap Yotarak aput Ala unde inowe Yotuwa nogo inom, yoragagerak.

Agayi 1:3

Yorage nagagerik, Aliku ALA nen at yoge kagak yoraga Agayi nogo it aakumi yoraawak nduk, yoge logonet,

Linggineegwaarak 13:31

Yorage nogo it aap inom nogogwaarak nogo nen yogo logonet, “It aakumi time mendek inomaawi ambik wonogwe iigoorak me, nit ninom wim eeriyak ninobam lek o,” yorogo nogogwaarik,