Abakuk 3:6 - Ala Wone Peenok Peebi Mbanak

⁶ At mi'nage kagak, nggween na'ndo-wa'ndo eeke, At enegen enaagan-ambokan pi'nage kagak, yi aakumi ndi aakumi inaganak warit nage, Puut-puut aa'nduk lombok nen itok negen wonage nogo, yigirogo wurabit wage, Puut-puut teberogon o maan nen wonage nogo, aambira-mbira wangge, Eeke kagarak o. Ti eeke kagarak ti, o aa'nduk lombok eeke nagagerak nogo aret eeke kagarak.

Abakuk 3:6 ပူးပေါင်းရင်းမြစ်များ

Wakkagagerak 49:26

Puut mondok tiyanak itok menggerak inom, Puut lunik mondok taati menggerak paga Anggen abe yarak mban kologwe inom, Kat kombomini nogo ti, ti kwak logonet, Inale'nggen noba paneegwaarak mbuuluk negen kwe, An kogoba nen koba pagage ti, nggwok negen aret me, Koreewi inenggela'me nen kat mban tiyanak wonage keenok, It ninom lambuk togon ninale'nggen abu iya koba pagago o.

Ayup 21:18

Wiiri anggen o wiya nen wonok nage menggi kwak, Eyoongga menenak nombok-kombok wonok nage kwak, it togop aganake, Eeke menggerak nogo ti, Kuluk aret aganake menggerak mbakop?

Ayup 9:5

Puut ugun wonage kagak tayorogon nappege, Anini paga nippegak-wuppegak eeke,

Ndawi 103:17

Togop aret kwe, It aap Aliku ALA inagabiti mbakwi iniki kunik aganake nogo ti, Lek ageelik o aa'nduk nen nok peebi itok aret menggerak o. Ndi, it inombowologwe nen Inombomini Ala inom wone koonogo pereegerak nogo Liirogon porogo wonogwe, Eeko logorak wone mbo pega'lek ndak-ndak aret eekwi, Eekwi iinok, Aliku ALA nen obeelom eeppiinet wundi wage logogin.

Ndawi 35:5

Aliku ALA ayonggo malayikat nen mugogo nappiige kagak, Wiya nen iri'ngga ameneno wonok nage menggi kwak, Togop aret aruwak o.

Ndawi 68:16

Kit puut-puut elaganggen yi wae. Ala wone lengganogo yorage logowam leenogo pake, Aliku ALA nen mondok-mondok logorak koonogo pake, Eereegerak puut ti kenok, kit nen yogo logonet, “Nit puut ti kokwak logowok lak, Ao,” yinuk, Pekkogo logonet, kineebi mbakwi ti, nonggop nduk o?

Ndawi 90:2

Puut-puut alom awo kwippega'lek logonet, O nggween yi, awo wakkaga'lek logonet, Mbogut-nggween awo wakkaga'lek logonet, O aa'nduk nen nok, age yobok kuli kitok mondok-mondok menggendak kat Ala aret o.

Ndawi 97:5

Aliku ALA enggaanom paga, Yi aakumi ndi aakumi nggween paga wonogwe abok aret Inogoba enggaanom paga, Kani eyak nen teemok amburu nggalo-nggalo wangge kwak, Puut-puut togop aret nggalo-nggalo wangge, Eeke menggerak o.

Wundeegwaarak 15:14

Yi aakumi ndi aakumi inanebunu lombok abok aret konenggo logomenggaarik, inaganak wake, It Pilitin wonogo menggam wonogwe nogo inagabiti ambik mbakwi, It aap nagawan Erom mendek iniki ma'nage.

Wundeegwaarak 15:15

Aap yo'nggok Mowap mendek inaganak nugirage, It Kanan mendek nogo iniki abu lek age, Eerugun o.

Wundeegwaarak 15:17

Kat keyate kwak, kabuut leenogo pake, Kaliku ALA kat logowam ogobakkigirogo pake, Ndi, Kaliku ALA kendage alut eeko logowam Kat keenggi paga wukkolage, Eereeginom nogome aret, It kapuri Iterali mendek yi, Mondok-mondok inakom awi yarak logowak nduk, piya namunggun o.

Wundeegwaarak 19:18

at Aliku ALA nogo kani omoonuk wunuk ari enggela'me puut Tinayi nogo paga wambi wage mbareegi, puut nogo paga yugum yugu ka'luk negen yonggo-ndonggo lagangge logonet, puut nogo paga ka'luk penggaarogo pege, puut nogo na'ndo-wa'ndo eeke,

Wundeegwaarak 21:31

Tapi nen aap ambi apuluk wulaga a, kolaga a, eyak nibinogo pege kenok, wone yugu yi ndak-ndak aret eeko logowak o.

Yetaya 51:6

Kina mbogut nikkogwe, kinigen nggween pekkogwe, Ee'nip o. Ka'luk lek age menggi kwak mbogut lek age, Yum yiko logonet nibik ari menggi kwak, nggween yi togop aret age, Eeke kenok, It aakumi nggween paga wonogwe nogo laami ne ambit liingge kanggo mengga kwak kambit nagun kwe, An kinagap ndake neenok, kinagap ndarak mondok-mondok wonogwe, Ndi, obeelom eerogo pinagage neenok, mondok obeelom aago aret wonogwe, Eeko logomunggup o.

Yetaya 51:8

Kutaabak nen yum nibinogo pege menggi kwak it aap ti togop aret eerogo piigwi, Yininuwo nen ndomba agabolo mbelanak leenogo nenet nage menggi kwak it ti, ineebe togop aret eerogo piigwi, Eerugun kwe, An aakumi obeelom eerogo piige neenok, mondok obeelom aago aret wonogwe, Ndi, inagap ndake neenok, inagap ndarak iigak, inapuri-inombowologwe wiganit wundi nogwe, Eeko logogun o,” yinuk, yorage kagarak o.

Mika 5:8

Kit Iterali kinawim kinom nambuko logonet, tebenogo piigwi, Kinom ogoorak nogo lek eerogo piigwi, Eeppunuk, “Nineegin tiyak yigi o,” yinuk, keekok piyanggogo logomunggup o.

Nakum 1:5

At wage kagak puut-puut na'ndo-wa'ndo eeke, Puut-puut teberogon amburu tigi-tigi wundit nage logonet lek age, At wage kagak o nggween inom, yi mendek ndi mendek nggween paga wonage nogo abok aret inom, inaganak wake, Eeke kagak,

Abakuk 1:12

Kaliku ALA wae. Kat kanggeelik mondok kitok menggendak nogo lek a? Kat nogoba Ala maluk eekeelik nogoba obeelom mban wonage menggendak o. It Mbaben mendek nen nit aaninggin-paaninggin eerogo pinanuwak nduk, koonogo piige, Kat yugum kole lunik kwak ninogoba wae. Nit maluk eekwi onggo ninoba kwippinanuwak nduk, kat nen aret it mippiige, Eereegindak kagi o.

Abakuk 3:10

Puut-puut nen inigen keenok, inaganak warit nage, Kat keegak niyo wu'nuk nage, Niyo kole yenggenak laut kiiniki lombok paga anggut-nggut oone ari logonet, Kilaarak-mogonik eerogo nippit wage, Eereegerak o.

Matiyut 24:35

Mbogut-nggween yi, lek arigin aret kwe, an noone ti perak, lek arigin lek mondok aret logogin o,” yoragagerak.

Lukat 1:50

It aakumi at inagabiti mbakwi iinok, muk ndarak ngget ndarak abok aret inabuwa nen obeelom eeppiinet wundi wage logogin o.

Nappiigak 17:26

At yi awi ndi awi abok o nenaarit nogo logowak nduk, kuli ogoorogo piinet nage, ti'nuk, nineyom-naneyom eerit nogo logowak nduk, koonogo pege, eeke nagagerik, yi aap ndi aap inanebunu lombok yi awi ndi awi wiganuwak nduk, alom aap ambit aret wakkagagerak.

Pelaareegerak 32:8

Aliku ALA anggween mbanak kwak iniki kundugu ti, at apuri aret o. Ndi, at eyate pugu kwak ti, Yakup aret me, At alik Tiyanak Lombok Menggerak nogo nen yi aakumi ndi aakumi mogonogo nappiige, Aakumi inanebunu lombok ineyate kwak wogorage, Eereegerak nogo ti, Yi aakumi ndi aakumi inanggween mbanogo wogorage logonet, Iterali apuri kunduk ineebe ndarak ndak-ndak aret inanggween kuli mbanogo piinet nagagerak o.

Pelaareegerak 33:15

Puut-puut oba nggenik menggerak nogo paga abe mendek mban eerogo wogorage, Ndi, puut mbuulogwe itok lunik paga anggen abe mendek mban wogorage,

Iberani 13:8

Maan inom, yogondak inom, peebi inom, at Yetut Keritut alik ageelik mondok itok aret menggerak o.

Yotuwa 10:42

At Aliku Iterali inogoba Ala nogo nen inom a'nuk wim eereegwaarak me, at Yotuwa awuri inom ne ambit wundeegwaarak paga aret aap inendagembogut yi abok aret inoorogo piinet nogo nogogwaarik, inanggween tebenggologogwaarak.

Owak Loongga 5:5

Puut Tinayi unde menggendak Kaliku ALA kenggaanom paga, Kaliku Iterali inogoba Ala kenggaanom paga, Puut-puut na'ndo-wa'ndo eeke, Eekerak o.