Abakuk 3:4 - Ala Wone Peenok Peebi Mbanak

⁴ At wage kagak, eya kwindagala aago wonage ti, At omaawi nogo eenggime kumaarak wonage me, time nen abinak pindanogo wumbi wage,

Abakuk 3:4 ပူးပေါင်းရင်းမြစ်များ

Nekemiya 9:12

O liingge ndugwi paga wogoren wage, ndi, it tu woraawam eya paga woraawak nduk, oonikiya ndugwi kani negen wuninogo punuk, wogoren wage, eereegindak o.

Ayup 26:14

Ti eeke nagagerak ti, eebe wonage kagak irip mban liippugwi, Yagap wone paga yogwe konenggwi kwak konenggwi, Eeko monggoorak me, Oone nggwok ngguurubu eeke nogo ti, Ta nen liippuurak mbakop? Lek aret o,” yinuk, yoragagerak.

Ndawi 104:2

Kabinak paga keebe lenggembatinuk wonage, Yum tabak paga ooliya lenggenogo punuk mengga kwak, Kat togop aret mbogut mbiganogo punuk wonage,

Ndawi 18:12

Enaame eya ndelenak-welenak aago logonet, Ndugwi kilanogo wumbit wage, Mayu anggen wambit wage, O kimbik pindanogo nappit nage,

Wundeegwaarak 13:21

Wogwe iigak, at Aliku ALA nogo aa'nduk a'nuk, o liingge kenok, ndugwi paga mugurok wogo logowak nduk mippege, o kiip age kenok, ndi eya paga wogo logowak nduk, ndi wuninogo mippege, eereegerak paga aakumi Iterali nogo liingge-oonikiya aret wogo nogogwaarak.

Wundeegwaarak 14:20

it Metit mendek ineegin warak inom, aakumi Iterali ineegin warak inom, oolo ogoorogo piinok, wonage logonet, it Metit mendek wonogwe me, o apit eerogo pege, ndi, it Iterali wonogwe me, o eya eerogo pege, eereegerak me, oonikiya paga it ambi nen it ambi inowagam wagak eeka'lek aret wonogogwaarak.

Kini Wuppiige 18:10

Aliku ALA endage ti, o nggorek omaawi wurik kwak aret wonage me, Aap iniki abe koonak nogo nen mbe agan time unggwi na'nuk, ineebe obeelom aret wonogo menggaarak o.

Yetikiyen 1:27

At omarip irimbaga ti, mbuti kani worakwi me, kere eerogo pege menggi kwak wonage, ndi, at omarip abu'me ti, kani omoonuk wunuk ari enaagan-ambokan wanggerak pindan-pindan eerak kwak wonage, eeke kagagirak o.

Yetikiyen 43:2

Iterali inogoba Ala abu tiyanak eya aago kagak oonegen lagi wage menggim pa'nggwe nen wage kage neegak, at abu tiyanak eya pindanogo nggween paga pege logonet, niyo takut oone wo ari menggi kwak, oone ari kagagirak.

Matiyut 17:2

inenggaanom paga at eebe alik negen age logonet, enete oonegen pogom pindanggage, ndi, ayum o eya pogom laambu lombok age, eeke kagak,

1 Timotiyut 6:16

At kanggeelik mondok-mondok eenik menggerak aret o. At wonage me time eya ambik me aakumi at owagam wok yi noorak meek o. Aakumi nen aa'nduk at eebe inigen koolik me, yogondak kunduk inigen kogwe lek mban aret. “At endage mondok tiyanak yi aakumi ndi aakumi abok at abu'me tebe yinuk, at oone mban konenggo logowak o,” yinuk, amin.

Wayu 21:23

At Ala abu tiyanak eebe eya ndelenak-welenak eeke nogo paga o kota ti, eya eeke, ndi, ndi wuninik pogom ti, Ndomba Aagaluk nen aret eya eeke, eekwi me, it aakumi nen, “Oonegen inom, tut inom, eya aruwak lak ao,” yinuk, yaga'lek aret iigirak.

Wayu 22:5

Time o kiip age, o weege, eeka'lek o liingge mban wonage kagak, it aakumi nen Ala eya paga nugu logogun me, nugu logonet, “O eya aruwak nduk, oonegen wundi wage, ndi, ndi wuninggwi, eeruwak lak ao,” mbaka'lek it aap inendagembogut negen logonet, mondok-mondok wone lengganogo yorogo logogun o.