Abakuk 3:3 - Ala Wone Peenok Peebi Mbanak

³ Tamban eeke mbareegi, at Ala nogo o Teman nen wage, At Kikak Nakeelik abu obeelom menggerak nogo puut Paran nen wage, At abu tiyanak me, “Wi!” yogwe nogo, o mbogut paga ndak warak wonage, O nggween paga kunduk, at alut eekwi nogo ndak warak wonage, Eerak aret agaarik o.

Abakuk 3:3 ပူးပေါင်းရင်းမြစ်များ

Wakkagagerak 21:21

Ndi, o karume Paran nogome aret wonage kagak, agalo nen kolaga awi Metit mendek ambi kwaarogo wogoreegerak.

Wakkagagerak 36:11

At Elipat nogo apuri inendage Teman, Omat, Tepo, Nggayetam, Kenat, aret ndaganabeegerak.

1 Endagembogut 11:18

inom o Miriyan nen o Paran nogo nogogwaarik, it aap time mendek, “Ninom aret nawi o,” yinuk, inom o Metit aap endagembogut Pirawun wonage me nogogwaarak. Nogo mbareegwa, at Pirawun nen aap Karat nogo awi inom, anggween inom, wogoge nagagerik, ambi nengge logorak inom punogo piyareegerak.

Ndawi 113:4

Yi aakumi ndi aakumi inirimbaga Aliku ALA tiyanak lombok wonage, Mbogut irimbaga at tiyanak lombok wonage, Eerak menggerak o.

Ndawi 148:13

At mban endage tiyanak lombok wonage, At endage abu tiyanak, “Wi!” ugwi nogo ti, O nggween inom, mbogut inom, abu'me kagak Irimbaga lombok tiyanak wonage, Eeke menggerak me, Kit abok aret Aliku ALA endage tiyappogo logonip o.

Ndawi 3:2

It apit nen nabok mbanggo logonet, “Ala nen agap ndarigin lek o,” yinuk, yogwe, Eeko agaarik o.

Ndawi 3:4

Niniki puru ari logonet, Noone nggwok paga Kaliku ALA yokkege neenok, Kabuut leenak menggim paga nen Onggo yo'nege menggendak o.

Ndawi 4:4

Kinanini nen maluk eeriyak mage o. Kit nogo yogo monggo'nom windak logonet, Kinoone lek kinikime mban kwaakkologo logonip o.

Ndawi 48:10

Ala wae. Kendage yi o ndi o wiganinuk nagagi kwak, Kabok konembunuk, kendage tiyappagawi nogo ti, O irip-irip abok aret wiganinuk nage, Keenggi abe omaawi paga A'me nggelok eeppiige menggendak nogo Yi awi ndi awi ineenu arit nage, Eeke agaarik o.

Ndawi 68:17

At Ala anggweendo wim eeka nogo ambik aakumi ineenggi lingginiyak abu meek aago, Mondok iya lombok me liippuurak meek aago, At enaagan-ambokan wogwe iigak, Nogoba Ala puut Tinayi nen At alik leenak menggim nogome unggwi wagagerak o.

Ndawi 9:16

At Aliku ALA nen eekaatak a'me nggelok eeppiige menggerak kenok, Endage wigak yereegerak me, It maluk eeka nen keele pereegwaarak paga it aret ggerenggologo menggaarak o.

Ndawi 9:20

Kaliku ALA wae. It aakumi ti, Inamineeri ne agan nawak nduk eeppiige, Yi aakumi ndi aakumi nen, “Nit yi we aakumi aret,” mbaruwak nduk eeppiige, Eeru o.

Wundeegwaarak 20:18

It aakumi abok aret nen o yabok kunik-kunik pindanggage logonet, ngguurubu eeke nogo inigen kogwe, enggela'me trompet oone nggwok pu eeke nogo inaruk konenggwi, ndi, puurom paga ka'luk yarugu-parugu lagangge nogo inigen kogwe, eeko nogogwaarik, inagabiti nen inaganak wake mbareegi, tayorogon taati mi'ndak logonet,

Yetaya 31:1

It aakumi iniki at Kikak Nakeelik Alik Leenak Iterali inogoba nogo oba panggombugwi, “Aliku ALA yeenggwa niraawak o,” yinuk, nggino yogwi, Eeka'lek, “It Metit mendek nen yeenggwa niraawak o,” yinuk, o Metit nogwe, “It inaguda paga iniki panggombugwi, Inanggweendo ambik wonage paga panggombugwi, Kuda paga kwi'na'nuk wim eeka inomaawi ambik o,” yinuk, inoba panggombiigwi, Eekwi nogo, inabuwa o.

Yetaya 6:3

Eerak wonogo logonet, it inoone nggwok paga at ambi nen at ambi yogak eeko logonet, “Kat mondok kikak nakeelik alik leenak aret o. Kat mondok kikak nakeelik alik leenak aret o. Kaliku ALA Komaawi Lombok Menggendak ti, mondok kikak nakeelik alik leenak aret o. Keebe abu tiyanak o nggween paga mondok ndak warak menggendak o,” yinuk, yogwe iigirak.

Yetaya 64:3

Iya eeriyak mendek nogo nit nen eeriyak mbaka'lek niigak eeri wambi wagagindak paga Puut-puut na'ndo-wa'ndo eeke nagagerak nogo o!

Yeremiya 49:7

O Erom eeppuurak wone nogo yi aret. At Omaawi Lombok Menggerak Aliku ALA nen ari logonet, “O Erom time iniki warak wonogogwaarak nogo yogondak ambi wonogwe ilik lek a? It aap iniki warak nen wone abe koonogo yorogo menggaarak nogo, ineebe abu lek aret ya? Ndi, iniki warak nen wone koonogo yorogwe nogo iniki apit agaarak ya?

Yetikiyen 43:2

Iterali inogoba Ala abu tiyanak eya aago kagak oonegen lagi wage menggim pa'nggwe nen wage kage neegak, at abu tiyanak eya pindanogo nggween paga pege logonet, niyo takut oone wo ari menggi kwak, oone ari kagagirak.

Amot 1:12

An nen o Teman kani nappi woraminggirak paga o Mbotera yugum pak wurik me inarum logorak inawi wurik nogo kani nen lek eerogo nagin o,” yinuk, yegerak o.

Obaya 1:9

It aakumi o Teman mendek inawuri wim eeka ti, inagabiti lombok mbakwi, Ndi, it aakumi Etawu wonogo menggam puut nggelok-nggobok me wonogwe nogo, abok aret inoorogo piigwi iinok, kanggwi, Eerugun o,” yinuk, ari kagarak.

Abakuk 2:14

Niyo nggwok yenggenak laut nen nggween kiiniki paga lombok wonage nogo, nobappunuk menggi kwak, Naliku an ALA abu tiyanak minggirak wone nogo, aakumi o nggween paga ilin-unggut wonogwe abok aret ineenu arugun o.

Linggineegwaarak 10:12

it aakumi Iterali mendek nogo, inawot lombok ndegen-ndegen aago woroorak yugu nogo ndak-ndak aret mugurok wogwe me, ndugwi nogo o karume Paran time puk age mbareegi, it nogo time aret puk ogogwaarak.

Pelaareegerak 33:2

“Kat Kaliku ALA puut Tinayi paga nen wage, O Teyit paga nen eya inoba pindanogo piige, Puut Paran paga nen eya pindanogo nappi wage, Eereegindak o. Iniki kikak naka'lek kake leenak ineebe lingginiyak meek lombok aago wonogwe iigak, Inenggela'me nen wage keegak, Keeben abe'nggan paga kani omoonuk wunuk agan wage keyareegwaarak o.

Pelaareegerak 5:24

yo'nogo logonet, At Aliku ninogoba Ala abu nggwok endage mondok tiyanak kenok, Wi, ugwi nogo ninigen abet nen aret kogwe, kani omoonuk wunuk ari enggela'me nen oone ari ninaruk konenggwi, eekoorak me, ne yogondak yi paga aret Ala aakumi inom wone mbanggwi iinok, aakumi kangga'lek ineenik logorak aret iigo o.

1 Tamuwen 25:1

At Tamuwen nogo kangge mbareegi, it aakumi Iterali mendek abok aret kuwak eeppunuk, aleenggu maako nogogwaarik, eebe wonok at ame Arama time nggween taambi nogogwaarak. Ndi, at Ndawut nogo o Mawon karume time nagagerak.