Abakuk 3:2 - Ala Wone Peenok Peebi Mbanak

² “Kaliku ALA wae. Kat eeke menggendak nogo an muk konengge, Kaliku ALA o. Kat eerit nage nogo paga an nagabiti mbake, Eeke agarik o. Kat eeke menggendak ti, nit kaawok nduk, ambinom eeke, Kat eeke menggendak nogo, nit yogondak wonogwe yi paga kin eeppege, Kanini ninoba pinanege logonet kwe, ninabuwa mbake, Eeru o,” yinuk, tamban eereegerak.

Abakuk 3:2 ပူးပေါင်းရင်းမြစ်များ

Etara 9:8

Ne yogondak yi paga iluk Kaliku ninogoba Ala ninabuwa nen obeelom eeppinanege logonet, nineebe ando yumbunik mban wondet eerogo pinanuwak nduk, koonogo piige, ndi, kat leenogo pateeginom yime ninakom kwippinanege, eereegindak paga nit tebeppinanogo wonogwe me, ninigen pirak ari, niniki tayok ari, eeko ogoorik o.

Ayup 42:5

O aa'nduk aakumi nen kabok yogwe mban naruk konengge nagagirak kwe, Yogondak perak, nenegen abe nen aret keegi o.

Ndawi 119:120

Kat keebe paga nagabiti nen naganak wake, Eekaatak ndak-ndak eeppiigo logorak koone yugu nogo paga Nagabiti nen neenggi neyak tikkolage, Eeke minggirak o.

Ndawi 25:6

Kaliku ALA wae. O aa'nduk lombok nen mondok iya tit aakumi inabuwa mbake, Kiniki kunik eeginabit wundi wage, Eerit nage menggendak nogo abeke logot o.

Ndawi 38:1

Kaliku ALA wae. Kanini paga mbe'nege, Kiniki aagi mi'nage logonet, Niniki koonnaruwak nduk eeppanege, Eeriyak mage o.

Ndawi 44:1

Ala wae. Aa'nduk lombok ninombomini wonogwe eyom paga kat eerit wagagindak It nen mbininogo yo'nirogogwaarak nogo Nit ninaruk abe nen koneneegurak o.

Ndawi 71:20

An andi-pandi kaakit nduk, Aaninggin mondok alik negen noba kwippanege, Ale-pale eerogo panege, Eeke nagandak kwe, An aa'nduk wonagagirak kwak eerogo panege, Nggween kiiniki paga ari nagarak nogo pilanogo mippani wage,

Ndawi 78:38

Togop eekwi iigak kwe, At Ala nen inabuwa mbake, It maluk eeko nogogwaarak paga inoorulik inomaluk nogo mari eerogo piige, “O wiya warit nage nagaatik, Yungguninuk warit wageelik kwak, Aakumi ti, kanggo menggaarak mendek aret o,” yinuk, Abeke nagagerik, anini wuk togon inoba piyoorak mbaketak kwe, Iniki yanggo yinuk puk age, At anini age nogo perak togon eeppiiga'lek tebenogo punuk wonage, Eeke nagagerak o.

Ndawi 85:6

Kat eeppinanemenggendak paga Kapuri ninale'nggen kombako logowok nduk, Aa'nduk wonogogu kwak obeelom eeppinaniyak lek mbaken?

Yetaya 53:1

Wone nit agan wogoorak nogo taani nen abet mbakwi, Ndi, at Aliku ALA eenggi omaawi tiyanak nogo, taamini nen inigen kogwe, Eereegwaarak mbakop?

Yetaya 54:8

Nanini abu alik negen ee'nake mbareegi, ne ambiriluk nenete kumaarak wonagagirak kwe, Niniki mondok-mondok kunik eeppege logokit nduk, abuwa nen waagin o,” Yinuk, at onggo mbangga Aliku ALA nen aret yegerak o.

Yetaya 63:15

Abeko nogogwaarik, Aliku ALA yogo logonet, “Ai, ninogoba Ala. Kat mbogut paga wone lengganogo yorage menggenom abu tiyanak alik leenak keenok, Wi! kugwi nogome nen kenegen wu'niya mok o. Kat keebabunik logonet, komaawi paga eeppinaniyak mbake nagagindak nogo nonggop aga o? Ninabuwa nen yanggorogon eeppinaniyak nogo eeppinanega'lek aret agandik o!

Yetaya 66:2

Yi mendek ndi mendek ogobakkigirik yi, an nen mban ogobakkigireegirak me, Aret wonage menggerak nogo lek a?” yinuk, Aliku ALA nen yegerak o. “It aap iniki tebenak wonogwe, Maluk eekirak, ao, mbakwi, noone ari neenok inaganak wake, Eekwi iinok, An liippiige minggirak kwe,

Yeremiya 10:24

Togop me, Kaliku nogoba Ala o. Niniki koonogo paniyak ti, op aret kwe, Kanini nen niniki koonogo panege keenok neebe lek eerogo panukwak, Kanini nombake logonet, niniki koonogo paniyak ti mage o. Ata, eekirak ndak-ndak eeppanege logonet, niniki koonogo panege logot o.

Yeremiya 10:7

It yi aakumi ndi aakumi inowe endagembogut yi wae. Taani nen kat kayuk wuriyak lek mbako agaarik? It aakumi inanebunu lombok inom, it inoweewi aap inendagembogut inom, apit aret inenggela'me Kat kokwak aap iniki warak ambi lek aret me, Kat mban kayuk wuko logorak ti op aret o.

Yeremiya 29:10

At Aliku ALA nen yegerak nogo yi aret. “It an napuri aakumi Mbaben mendek inayeloman a'nuk wonogwe iigak, tahun 70 abu ari nage kenok, an liippiige logominggirik, iniyokan o yime piya woroorak koonogo pereegirak nogo ndak-ndak aret eerigin,” yegerak o.

Yeremiya 46:28

At nayeloman Yakup paga wiganak ti, ninom logogin me, inagabiti mbarugwaarik o. Tak-mak eerogo yi aakumi ndi aakumi wonogo menggam inenggela'me It Yakup mendek nappiinet naminggirak logowam nogome ineebe lek eerogo piyaagin kwe, It perak, lek eerogo piyaagin lek o. Eerit nogo nogogwaarak onggo aaninggin inoba piyaagin lek ti lek, eeppiyaagin aret me, Iniki koonnaruwak nduk, eeppiige ti, eekaarak ndak-ndak aret eerogo piige logogin o,” yinuk, Aliku ALA nen aret yegerak me yokkiragi o.

Leendawi 3:32

At Aliku ALA ninabuwa nen iniki kunik ee'ninake nogo, lek aga'lek itok kunik aret menggerak me, Inikilom ninombake logonet, nit aakumi nen ndarak nogo aaninggin eeppinanege, Nit niniki puru yuwak nduk eeppinanege, Eekeelik o. Ata, niniki puru yuwak nduk eeppinanege nagaatik, ti'nuk, ninabuwa mbake menggerak o.

Ndaniyen 8:17

Konengge nagagirik, an taati mi'ndak wonage me koorok neya wage mbareegi, nogut nggigik yinuk, nambuluk yipuk nggween paga ngginnagagirak. Ngginnage mbareegi, at nen an yo'nege logonet, “Aakumi nen ndarak yi wae. Kabinggaanggo kagandak nogo ti, age yobok eeriyak nogo aret kagandak me, liippumunggun o,” yinuk, yo'nege kagagirak.

Ndaniyen 9:2

Endagembogut a'nuk tahun aa'nduk eeke ti paga wone lengganogo yorage kagak, an Ndaniyen nen Ala wone yugu mbanak lunit unggwage logonet, “O kota Yerutalem langgu-langgu aago aret kagak, tahun 70 aret eerigin o,” yinuk, Aliku ALA nen at yoge kagak yoraga Yeremiya nogo, yoreegerak liiru mbanak wonage kagagirak.

Abakuk 3:1

At Ala nen yoge kagak yoraga Abakuk tamban eereegerak nogo yi aret.

Abakuk 3:16

Agan wage yi abok aret naruk konengge, niniki ma'nage, Nagabiti nen nambe lele ari, Nowak ne agan nage, Naganak ndik-ndik ee'nake, Eereegerak kwe kagak, It aakumi tebenogo pinani unggwogwe nogo, aaninggin inoba kwippiyorak eyom ari woraawak nduk, An niniki aanaganggenggwi lek tokkage logogin o.

Takariya 1:12

Yogo mbaka, Aliku ALA nappi wagaarak malayikat nogo nen ari logonet, “Komaawi Lombok Menggendak Kaliku ALA wae. O Yerutalem menggaarak inom, o Yekura kota-kota wonogwe inom, kanini inoba piige keegak, tahun 70 eereegerak ti, inabuwa mbaka'lek wonage keegak, ne mande ari nagin o,” yinuk, yoge kagarak.

Yaya 10:10

It aap kiraaka nogo nen ndomba kiraakkologwe, inookwi, lek eerogo piigwi, eeruwok nduk, wogo menggaarak kwe, an perak, ineenik eeginabikit nduk, wagagirak o. Ineenik eeppiyaminggirak logonet, iniki ale'nggen mondok alik negen kaawak nduk wagagirak.

Oroma 10:16

Togop kwe, at Yetaya nen ari logonet, Nogoba o. “Wone nit agan wogoorak nogo taani nen abet mbakwi o,” yinuk, yereegerak nogo ndak-ndak, it aakumi Iterali abok wone obeelom wone yorogwe nogo wagangga'lek aret agaarik o.

Pilipi 1:6

“At Ala nen obeelom eekkinaburak nduk, aa'nduk eereegerak kuli nogo nen, kinikime eekkinake tit kagak, o age yobok Keritut Yetut woraagin,” an abet aret mbake logonet, yokkiragi o.

Iberani 11:7

Aap Nu kunduk, peebi eeriyak awo kin kaga'lek kagak, Ala nen kurumbi yoge mbareegi, “Yi abet aret eeriyak yo'nege kagi,” yinuk, ayuk wuke logonet, akwe-apuri inom inagap ndaruwak nduk, o yiiro wureegerak. Ala nen at yoreegerak nogo abet mba'nuk, yiiro wureegerak ti paga, “Kit aakumi maluk eekwi onggo niyo paga kinoorigin o,” yinuk, ineenu eeppiyareegerak me, nit abet mbakwi paga at Ala nen, “Aap yi, iniki abe koonak aret o,” yinuk, yo'nirage nogo ndak-ndak, at Nu iniki abet mbareegerak paga, “Aap yi, iniki abe koonak o,” yinuk, yereegerak.

Wayu 15:4

Ninogoba o. It taani nen kayuk wukwi, kendage tiyappagagwi, eeka'lek logogun mbaken? Lek aret o. Kat maluk eekeelik kalik leenak obeelom mban menggendak o. Kat mondok a'me nggelok mban inowak loongge menggendak ineenu me, It aakumi inanebunu lombok abok aret kowagam tebe yi wogo logomenggaarik, kalut eeko logogun o,” yinuk, ndawi wakwi iigirak.