Abakuk 3:19 - Ala Wone Peenok Peebi Mbanak

¹⁹ An nomaawi ti, at Aliku Itok Menggerak nogoba Ala aret. Rusa iyok teeluk me, ya pegak nda pegak nege menggi kwak, an niyok togop aret eerogo panege, Puut-puut tiyarogon niyok pit nage logokit nduk, eerogo panege, Eeke menggerak o. Ndawi pugu yi, nggitat eekwi iigak, tiyanggo logowak nduk, inowe wogoreegwaarak.

Abakuk 3:19 ပူးပေါင်းရင်းမြစ်များ

2 Tamuwen 2:18

Ndi, Teruya aagalogwe ineebe kenagan inendage Yowap, Abitayi, Atayen, inom time aret wonogwe me, at Abenet nogo, mbaganit nage mbareegi, mba'ngge penaame nen nggare agan nage menggi kwak, at Atayen nogo ogowa ambik me, ena agigan-ogugan aga'lek mondok nggare agan mugurok nage me,

2 Tamuwen 22:34

Rusa iyok nggilik-nggelok pit nage menggi kwak, An niyok togop aret eeppanege, Puut kirin paga mi'ndak logokit nduk, Nomaawi eerogo panege,

Ndawi 18:1

Kaliku ALA wae. Nomaawi eerogo panege menggendak kat aret me, An niniki kunik eekkake agarik o.

Ndawi 18:32

Kat Ala nen aret nomaawi eerogo panege, An obeelom mban eerit nage logokit nduk, Naru koonogo panege,

Ndawi 18:33

Rusa iyok nggilik-nggelok pit nege menggi kwak, An niyok togop aret eeppanege, Puut kirin paga mi'ndak logokit nduk, Nomaawi eerogo panege,

Ndawi 18:34

Wim op nambuke logokit nduk, yigin woorak mamunnege, Neegin linggira kwak, mbuti tembaga paga wurik kagak kwe, Neenggi yomok togon miirikit nduk eeppanege,

Ndawi 27:1

At Aliku ALA ti, Eya eerogo panega, nagap ndaka, At aret wonage me, Aap ta paga nagabiti mbake, Neenik logokit nduk, nomaawi eeppanega ti, Aliku ALA aret me, Ta paga naganak wake, Eeriyak mbakop? Lek aret o.

Ndawi 46:1

Nineebe op logowok nduk Abu'me pinaninuk wonage, omaawi eeppinanege, Aaninggin ninoba age kenok yeenggwa nirage, Eeke menggerak ti, Ala aret o.

Ndawi 54:1

Ala wae. Kendage tiyanak menggendak me, nagap ndake, Komaawi lombok menggendak me, naana'le mbanogo panege, Eeru o.

Ndawi Iya 2:7

O Yerutalem aagalogwe komologwe kit yi wae. Kijang inom, rusa kooli penaame mendek inom, aap inoone yogonok lalok yogo mengga kwak eerukwak, “At iniki kunik imbirak inoba tayok yaga'lek iigak, ninoone yoraagun lek o,” yinuk, kumbuk mbaninip o.

Yetaya 12:2

Kat Ala ti, ninagap ndaka aret me, Kat paga panggonak logonet, ninagabiti lek aret ogoorik o. Ninomaawi eeppinanega, ninendawi paga kanep pega, ti, Kat ninogoba Kaliku ALA aret o. Kat ninagap ndareegindak me, ninagap ndaka aret wonage agandik o,” yinuk, at yogo logomunggup o.

Yetaya 58:14

Naliku ALA nen eerogo piige paga inale'nggen mbakwi iigak, Yi aakumi ndi aakumi it inanggween mbanogo wogoraagim paga wonogwe nogo abok aret inayuk wuko logowak nduk eerogo piige, Ndi, it inombo Yakup anggween yate pereegim unde wonogo logonet, anggen yugu mbanogo nenet nogo logowak nduk eerogo pege, Eerigin o,” yinuk, Aliku ALA nen yo'negerak me, yokkiragi o.

Yetikiyen 36:2

At Aliku Itok Menggerak ALA nen yegerak nogo yi aret. It inom wim mbanak nen puut-puut eekwi nogo abok mbanggo logonet, Puut-puut mondok itok tiyarogon menggerak nogo, nit muk unde eekkologogurak me, kayik a! yinuk, yogwe me,

Takariya 10:12

Naliku ALA an aret me, an napuri inomaawi eeppiige neenok, An nendage kumbunuk, inale'nggen paga eerit nogo logogun o,” yinuk, Aliku ALA nen aret yegerak o.

Epetut 3:16

“Kat mondok tiyanak logonet, koba ngginik kagak kapuri eeppiige menggendak nogo ndak-ndak, kat Kaberiniki nen eeppiige kagak komaawi paga iniki nu'lek eerogo piige logot o,” yinuk, kinake tamban eeke minggirak.

Pelaareegerak 32:13

Wogoren wage logonet, Puut-puut lagit nugu logowak nduk, unde wonogwe, Yi mendek ndi mendek yabume yarak anggen mbanogo nenet nogwe, Nggiin amburu yugum enoona nen toologo nunggwi, Eyo tayitun puut paga wundit namenggerak amburu tookkologwe,

Pelaareegerak 33:29

Togop aret me, kit nowe-nawot Iterali mendek yi wae. Kinogoba Ala nen kit kinagap ndareegerak ti kwak, Aakumi inanebunu lombok inagap ndareegerak togop ambi ngge mbakop? Lek aret me, at Aliku ALA nen yeenggwa kirage logonet, Kinanggeemu pogom age, kinawooluwak ngget nggabonak negen age, Ee'nuk, kinom nogwe me, Kinawim kinabu'me yik-pik ari wogwe iinok, Kiniyok aan lebenogo piigo logomunggup me, Kinale'nggen aret mbako logomunggup o,” yinuk, yoragagerak.

Pilipi 4:13

Keritut nimbirak kunik logonet, omaawi eeppanege kagak, an yi eekak ndi eekak abok eeriyak op aret kage minggirak o.

Kolote 1:11

It Ala apuri ake leenak nogo, Ala abu'me eya aago menggim logonet, pipuk eerogo piyareegerak kolaawak nduk, kooneegerak nogo, ninom ndak-ndak kolaawok nduk, niniki koonogo pinaneegerak me, aaninggin-paaninggin kinoba age kenok, kinaanaganggenggwi lek kiniki kwi'ndak nu'lek logonet, kiniki ale'nggen paga, “Ninogoba Ala wa,” yinuk, waganggo logobagip nduk, tamban eeko monggoorak. Kit kiniki kwi'ndak logonet, waganggwi kiigak, at mondok tiyanak logonet omaawi paga yi mendek ndi mendek eeke menggerak nogo nen, kit ndak-ndak omaawi eeppinagage logowak nduk, kinake tamban eeko monggoorak.