Abakuk 3:18 - Ala Wone Peenok Peebi Mbanak

¹⁸ An perak, Aliku ALA paga nale'nggen nggwok mbake, Nagap ndaka nogoba Ala aret me, nale'nggen nen ndawi lubuk ari, Eeke logogin o.

Abakuk 3:18 ပူးပေါင်းရင်းမြစ်များ

2 Tamuwen 6:15

it aakumi Iterali abok aret inom iniki ale'nggen paga Aliku ALA aloobut mbanak nogo wonok, oone nggwok eekak trompet nogo oone pu eekwi, keekok yogwe, eerit wogogwaarak.

Ayup 13:15

An ambi eeriyak niniki lunik lek me, nooriyak mbake kagak kwe, Nawone nogo at enggaanom paga an nen aret naana'le mbanggolaagin o.

Ndawi 104:34

Kaliku ALA nen eeppanege paga nale'nggen mbake logonet, niniki koonit nage nogo, Kat kinikilom nombariyak, “Ao,” mbake kwe,

Ndawi 149:2

At ogobakkigirogo piyareegerak kenok, It Iterali nen inale'nggen mbakwi, It inowe endagembogut kenok, It Tiyon mendek inale'nggen nen keekok yogwe, Eeko logowak o.

Ndawi 25:5

Kat nogoba Ala nen nagap ndake keenok, Niniki kat paga mban lunik neegak, o kiip age, weege, eeke menggerak me, “Wone yi abe o,” yinuk, ari menggendak nogo Eeke logokit nduk, pi'neren nage, Liirogon mamunnake, Eeke logot o.

Ndawi 27:1

At Aliku ALA ti, Eya eerogo panega, nagap ndaka, At aret wonage me, Aap ta paga nagabiti mbake, Neenik logokit nduk, nomaawi eeppanega ti, Aliku ALA aret me, Ta paga naganak wake, Eeriyak mbakop? Lek aret o.

Ndawi 33:1

Kit aap kiniki abe monggotak yi wae. It aap iniki koonak nen At alut eeko logorak op me, Aliku ALA eekkinake paga Kinale'nggen nen ndawi wako logonip o.

Ndawi 85:6

Kat eeppinanemenggendak paga Kapuri ninale'nggen kombako logowok nduk, Aa'nduk wonogogu kwak obeelom eeppinaniyak lek mbaken?

Ndawi 97:12

Togop aret me, kit kiniki abe koonak yi wae. At Aliku ALA nen eeppinagit wage paga kinale'nggen mbakwi, At endage abu abe alik leenak kenok, “Wa!” yinuk, tiyappugwi, Eeko logonip o.

Wundeegwaarak 15:1

At Aliku ALA nen aakumi Metit mendek inooke mbareegi, alut eeruwak nduk at Muta aakumi Iterali mendek inom ndawi wareegwaarak nogo yi o. “Aliku ALA alut eeko logonet, Ndawi ambi tiyanikit o,” Ari nagagerik, tiyangge logonet, “Aliku ALA mondok tiyanak menggerak me, Kuda inom, aap amborowak paga kwi'ndak wogwe inom, Niyoome mbo mambiyareegerak o.

Wundeegwaarak 15:2

At Aliku ALA ti, Nomaawi inom, nendawi inom, aret wonage o. At nen aret nagap ndareegerak o. At Aliku ti, nogoba Ala aret me, Alut eeke agaarik o. At ti, an nombomini inogoba Ala aret me, Endage tiyappege agaarik o.

Yetaya 12:2

Kat Ala ti, ninagap ndaka aret me, Kat paga panggonak logonet, ninagabiti lek aret ogoorik o. Ninomaawi eeppinanega, ninendawi paga kanep pega, ti, Kat ninogoba Kaliku ALA aret o. Kat ninagap ndareegindak me, ninagap ndaka aret wonage agandik o,” yinuk, at yogo logomunggup o.

Yetaya 25:9

Ne ti eyom paga it aakumi nen yogo logonet, “Eeppinanege yi ti, ninogoba Ala nen aret o. Ninagap ndaruwak nduk, tokkogo nogoorak nogo at aret. At tokkogo nogoorak nogo Aliku ALA yi aret me, ninale'nggen mbakwi, Ninagap ndakerak me, ninale'nggen nen ndawi lubuk yogwe, Eeko logowok o,” yinuk, yugun o.

Yetaya 41:16

Ameneno wambit nage kenok, o wiya nen wonok nage, Wiya omaawi nabuninuk wage logonet, ameneno wonok nggarek ari, Eeke menggi kwak Togop aret eerogo piyaamunggup kwe, kit perak, Naliku ALA eeppinagage paga kinale'nggen nggwok nombakwi, An Kikak Nakeelik Nalik Leenak kinogoba nendage tiyappanugwi, Eeko logomunggup o,” yinuk, yorage kagarak o.

Yetaya 61:10

O Tiyon nen ari logonet, “Aap kwe lambumbugwi paga aap nen anobak paga obaanggi-obaangge eekkolage menggi kwak, Kolaga nen alilibano eekkolage menggi kwak, Yum yippiigo mengga kokwak at nogoba Ala nen nagap ndarogo panege, Yum age langgumbiigo mengga kwak, an obeelom eerit nage logokit nduk eeppanege, Eekerak me, Aliku ALA eeppanegerak ti paga nale'nggen alik negen ee'nake, Nogoba Ala nen eekerak paga niniki ale'nggen kani negen wunuk ari, Eeke agaarik o.

Yowen 2:23

Kit aakumi o Tiyon wonogwe yi wae. Kinogoba Aliku Ala nen a'me nggelok eeppinagage logonet, Aa'nduk eereegi kwak, o kibi wonagaatik mayu nappi wage, O loongge nagaatik, mayu wuppi wage, Eeppinagagin me, Gandum agabolo mbelanggo menggam anggen mban yagabit age, Anggur amburu mburunogo tooko menggam anggur amburu inom, eyo tayitun amburu inom, Eno korok yinuk, kilu-kilu wangge, Eerigin me, Kiniki ale'nggen mbakwi, Kinogoba Aliku Ala eeppinagamenggerak ti paga ndawi lubuk yogwe, Eeko logomunggup o.

Mika 7:7

Togop aret kwe, an nogo, an nen at Ala yoge nogo aruk konenigin me, Aliku ALA yeenggwa niri wage kero, nenegen wonage, Niniki lunik nagap ndaka ninogoba Ala nogo neya wage kero, tokkage, Eeke agarik o.

Takariya 10:7

It Eparayim mendek aap wim kalu-kalu kwak ogwe, Anggur amburu nenok, inale'nggen mbakwi kwak, iniki ale'nggen mbakwi, eekwi nogo, Inapuri nen inigen iigo logomenggaarik, it kunduk, inale'nggen mbakwi, At Aliku ALA nen eerogo piigerak ti iya, yinuk, inale'nggen nen ndawi lubuk yogwe, Eeko logogun o.

Pelaareegerak 12:18

Ata, kit inom, kinapuri wologwe-komologwe inom, kinayeloman kumi-aap inom, it aakumi Lewi mendek kit kiname kinom logowam inom, abok aret at Aliku kinogoba Ala nen, An wonage me yime mban nendage tiyappogo logowak o, yinuk, o leenogo patemenggim time nen mban, Yi mendek ndi mendek nineenggi paga eekwi niigak, at Aliku ninogoba Ala nen obeelom eeppinanegerak me, yinuk, at Aliku ALA enggaanom paga kiniki ale'nggen paga nonggo logomunggup o.

Pilipi 4:4

“Ninowe kinom kunik logonet, kiniki ale'nggen mban mbako logonip o,” yinuk, ne mbere paga yokkiragi o, noreewi.

Yakobut 1:2

Nowe-nawot o. Aaninggin-paaninggin kinoba age kenok, kiniki ale'nggen mban mbako logonip o.

1 Peterut 1:8

Kit Yetut kinigen kaga'lek kwe, kagak, kiniki kunik eekwi, ndi, yogondak at eebe kinigen kaga'lek kwe, kiniki at oba panggombunuk, abet mbakwi, eeko logonet, “Nit niniki abet mbakwi nogo, anggen yugu paga nineebe ninagap ndarigin,” mba'nuk, kiniki ale'nggen mbakwi nogo ti, mondok nggwok alik negen agaarak me, nonggop togon mbininogo yuubok aga o.

1 Tamuwen 2:1

Eeko nogogwaarik, kwe Kana nogo tamban eeke logonet, “Kaliku ALA nen eeppanegendak paga Niniki ale'nggen ambik mbake agarik o. Kaliku ALA nen yeenggwa nege keegak, An nomaawi tiyak yigi o. Ninom ogoorak tebenogo piinok, Nagap ndareegindak me, Nale'nggen nen wogoppake agarik o.