Abakuk 3:10 - Ala Wone Peenok Peebi Mbanak

¹⁰ Puut-puut nen inigen keenok, inaganak warit nage, Kat keegak niyo wu'nuk nage, Niyo kole yenggenak laut kiiniki lombok paga anggut-nggut oone ari logonet, Kilaarak-mogonik eerogo nippit wage, Eereegerak o.

Abakuk 3:10 ပူးပေါင်းရင်းမြစ်များ

Nekemiya 9:11

Kapuri wunda woraawak nduk, niyo mogonogo agi-ogu eerogo pereegindak kagak, nggween woloonak paga wunda wogwe iigak, it inambo'me muguret wogogwaarak nogo niyo omaawi ambik kagak yugum inikime mbo pegaatak yobok togon lek age menggi kwak, it togop aret eeginabeegindak o.

Ndawi 148:7

Kit nggween paga monggotak nen At Aliku ALA tiyappogo logonip o. Kit yi waalo ndi waalo yo'nggok niyo kole laut inikime monggotak inom, Kit niyo kole laut kinaloboguk warak abok aret inom,

Ndawi 18:15

Aliku ALA nen aakumi mberirage, Anini aagi ogobak me nen wundi wage, Eeke kenok, Yi nggwok laut abena aluk-puut kin eeppege, Ndi, o yi, alom yarak kin eeppege, Eekerak o.

Ndawi 65:13

O karume kambin-ndomba ineebe ambik me, Iri'ngga enete lek eerogo punuk nenet nugwi, O kobappaga gandum mban yarak me, engga nen nggween enete lek eerogo pege, Eerak logonet, Karu nen inale'nggen yogwe, Kobappaga nen ndawi wakwi, Eeko agaarik o.

Ndawi 66:6

At nen niyo nggwok yenggenak laut nogo mogonogo punuk, Nggween kin eeppege mbareegi, Niyo nggwok nage nogo paga Ninombomini wunda wogogwaarak me, Ninale'nggen mbako logowok o.

Ndawi 93:3

Kaliku ALA wae. Niyo nggwok ugun-ugun wonagagerak nogo, Niyo nggwok oone lek wonagagerak nogo oonebu ari, Niyo kole yenggenak laut nogo Kilaarak-mogonik eerogo nappit nage, Eeke agaarik o.

Yetaya 43:20

Ninogoba Ala iya o, yinuk, agan nugu logowak nduk, it aakumi leenogo piige nagagirik, Inendage toonogo piyareegirak napuri nogo nen inagi nonggo logowak nduk, o karume niyo warak eerogo pege, Aakumi lek me karume niyo nage logowak nduk koonogo pege, Eeke paga it eyonggaame mendek ndiimbu-nggwiya nen inale'nggen nombako agaarik kwe,

Yetaya 55:12

Inale'nggen mbako logonet wundi wogwe, Wogoren wage neegak, iniki ugun tayenak aret wonogwe, Eerugun o. Wogwe iigak, puut-puut tiyarogon inom, puut-puut teberogon inom, it inaame nen Inale'nggen yogo logonet, na'ndo-wa'ndo yogwe, Yi eyo ndi eyo penaame wonage nogo nen ineenggi telak yogwe, Eerugun o.

Yeremiya 4:24

Puut-puut tiyarogon nakkanet nage logonet, ndipuk eeke kage, Puut-puut teberogon pekkanet nage logonet, abok aret na'ndo-wa'ndo eeke kage,

Mika 1:4

Kundali kani nen tigi-tigi eerogo pege menggi kwak, Puut-puut paga nen niyo taga-taga wambit nage menggi kwak, At iyok pit nage kagak, puut-puut amburu a'nuk, taga-taga wambit nage, Aluk-aluk nggogu-nggogu wambit wage, Eeke agaarik o.

Nakum 1:5

At wage kagak puut-puut na'ndo-wa'ndo eeke, Puut-puut teberogon amburu tigi-tigi wundit nage logonet lek age, At wage kagak o nggween inom, yi mendek ndi mendek nggween paga wonage nogo abok aret inom, inaganak wake, Eeke kagak,

Abakuk 3:6

At mi'nage kagak, nggween na'ndo-wa'ndo eeke, At enegen enaagan-ambokan pi'nage kagak, yi aakumi ndi aakumi inaganak warit nage, Puut-puut aa'nduk lombok nen itok negen wonage nogo, yigirogo wurabit wage, Puut-puut teberogon o maan nen wonage nogo, aambira-mbira wangge, Eeke kagarak o. Ti eeke kagarak ti, o aa'nduk lombok eeke nagagerak nogo aret eeke kagarak.

Matiyut 27:51

Iniki woronggo'nok abu kangge mbareegi, yum Ala awi wurik me akenggwe tugunik wonagagerak nogo, agi nen oolo muundak nggoguk yi wambi wage, nggween nuk ari, yugum puut-puut abok langgu-langgu wambi wage, eeke logonet,

Matiyut 8:24

abera'lek me o wiya nggwok yi yenggenak paga nabuninuk warit wage logonet, yi nogo kilaarak-mogonik eerogo yiiro nogo taaniyak eeke kagak, at Yetut nogo, nogo yege wonagagerak.

Iberani 11:29

Ala nen yoragagerak nogo abet mbako logonet, nggween woloonak paga nugu mengga kwak, Iterali mendek nogo niyo Merah yenggenak paga wunda wogo mbareegwa, it Metit mendek nen togop aret wunda woraawok nduk, eekwi me, niyo ndonggoninabeegerak o.

Wayu 16:12

It malayikat ineebe 5 nogo nen Ala anini inarologowa'na togolowak inalitak lombok kilirogo wuppogo mbaka, ambi nen arologowa'na toolak nogo niyo nggwok endage Eparat paga kilirogo wuppege kagarak. Wuppege mbaki, niyo nogo porok yegerak. Niyo porok yegerak ti paga it aap inendagembogut oonegen wundi wage menggim nen woraawak nduk, inaru koonogo piige kagarak.

Wayu 20:11

Ti eekwi iige nagarik, wone lengganogo yorage menggim eyo nggwok ndoonak yanggwi lombok lan ari nogo paga aap ambi kwi'nage kagarak. Awo kwi'nage kagak, mbogut-nggween eenggi-iyok lek, lek age mbaki, ti'nuk, peebi obaane'me ari wage koolik mondok-mondok lek aret age kagarak.

Wayu 6:14

mbuku pirik-perek eeko mengga kwak mbogut nggoguk ari logonet, pirik-perek arit nage, ndi, puut inom, niyo inikime nggween kup mbanak inom, abok aret wo'narok ambi me ari nagak eeke, eeke kagarak.