Abakuk 2:6 - Ala Wone Peenok Peebi Mbanak

⁶ It aakumi at owagam kuwak eerogo piyamenggerak nogo nen at meek eerogo pugwi, agi'ndok kanggwi, eerugun nogo lek a? Eeko logonet, At aap at amendek lek aakumi inamendek kuwak eerogo pati wage, Aakumi inamendek kolaakit nduk, oone omaawi yorage paga eenggi warak eekkolage, Eeke nogo, abuwa o! Ti eeke kagak, ne mande ari nagin o?

Abakuk 2:6 ပူးပေါင်းရင်းမြစ်များ

Ndawi 94:3

Kaliku ALA wae. It maluk eeka nogo Onggo eeppiiga'lek keegak ne mande ari nage, It aap maluk mendek nogo Inale'nggen mbakwi iigak, ne mande ari nage, Eerigin o?

Kini Wuppiige 22:16

Aap ambi eenggi warak eekkolaakit nduk, it aap ineenggi lek nogo tebenogo piige logonet, inamendek wagangge inom, Aap ambi nen it ineenggi warak onggo lek we wogorage inom, imbirak ndak-ndak ineenggi lek aret eekkologo menggaarak.

Yetaya 10:13

It Atiyut mendek inowe endagembogut nen ari logonet, An nalik neenggi omaawi paga yi eerit nage, Niniki warak lombok yi wone ndi wone neenu me eeke, Eeke logonet, It aakumi inanebunu lombok inanggween kuli ogoorak nogo ya langgok eerogo pege, Inamindik-inamendek pipuk aago wonage nogo ndinogo wagangge, An aap wakaa'ngget me, inoweewi inendagembogut tebenogo piinet nage, Eereegirak o.

Yetaya 44:20

It aap ti nen, “An neenggi amburu paga ogut eeke yi, eebe abet aret me nduk, eeke ilik, eebe lek kagak we ogut mban eeke a?” yinuk, yogwe, “Yi paga nen nagap ndarigin me, eeke ilik?” mbakwi, Eeka'lek pilit kagak neenu mbakak eekwi ti paga tu alik paga nogwe, Wun nunggulik kagak nunggwi kwak eekwi, Eeko agaarik o.

Yetaya 5:8

Kit nen aakumi inawi tek kunggun wurik abok aret kunggo'net nogwe, Ineyabu agigan-ogugan aago abok aret unde eekko'net nogwe, Eekwi nogo kinabuwa o! Ti eerit nogo logonet, aakumi ando logorak lek Kit kinalik mban o yime unde eeppatinuk logorak mba'nuk eekwi kiigi o.

Yetaya 55:2

Mbi abe mendek lek kagak nonggop nduk yi mendek ndi mendek kunggo'net nugwi, Yabu liirit-laarit eeppunuk, Op togon kunggolagi, yinuk, iniki ndonggo yuurak lek kagak nonggop nduk yabu eerit nugwi, Eeko agaarik o? Inaruk logowak o! An yorage yi, inaruk konenggwi iinok, It yi mendek ndi mendek ombat abe mban nunggwi, Yi mendek ndi mendek amburu warak nenok, inale'nggen eeginaburak kogo menggaarak nogo mendek mban nunggwi, Eeko logogun o.

Yeremiya 17:11

Aap ambi aakumi wi-wi aganake logonet, eenggi warak eekkolage nogo ti, Towe at ako lek alik ambi ako kagak tebeni unggwage nagaatik, tubungge menggi kwak aret menggerak o. At nda'nagagim obate paga kagak amindik-amendek unde agaarak nogo lek age, Ndi, at nda'nagagim abu ari nage kagak, at eeremenggerak paga, “Aap yi, wi yuundurak kwak wonage o,” yinuk, aakumi ineenu ogwe, Eeko logogun o.

Yeremiya 29:22

It ti agan nugwi paga aakumi o Yekura nen kugun wogoren Mbaben piya nogogwaarak wonogwe nogo nen it ambi kugi pulunogo piyoorak mbakwi kenok, yogo logorak nogo yi aret. Aap Akap Terekiya imbirak it Mbaben inowe endagembogut nen ineenik ngge-ngge kani kunik me mambiyareegerak nogo kwak, Aliku ALA nen togop aret eekkinabuwak o, yinuk, yorogo logogun o.

Yeremiya 50:13

Naliku ALA nanini oba piminggirak paga o Mbaben ti, aakumi wonogwe lek, o wogo aret wonage kenok, Aakumi tu ti paga nogo logonet, Enete abu maluk aago yi, iya, yinuk, Inamineeri ne agan nage logogin o.

Yetikiyen 32:21

It aap inomaawi ambik wim wakaa'ngget nogo kambunuk nogo menggam nen yogo logonet, It o Metit mendek kunduk, inom ogogwaarak kunduk, yime wambi wogo nagaarik, nit aap ninagabolo mbanak lek mendek wooluwak paga ninoorak kambeegurak wonogwe me, ari wagaarak ninom wonogwe o, yinuk, yugun o.

Mika 2:4

Ne ti eyom paga it aakumi nen, Op togon eeppinagagi, yinuk, yorogo logogun o. Nineebe lek eerogo pinanege, ninanggween mbanogo wogorage, Ndinggolage nagagerik, it aap tebenogo pinanugwi nogo wogorage, eereegerak o, Yinuk, yogwe nogo inomaani mbanggo logonet, Kayik a! yinuk, le ndawi paga inanep pogo logogun o,” yinuk, Aliku ALA nen yegerak me, yokkiragi o.

Abakuk 1:15

It aakumi eerogo piyareegindak ti, Yikwe niyo nggwok yenggenak laut paga ambik wonogwe nogo, mbuti eyak keele paga pugumbunuk niik eerogo wumbiya wogo mengga kwak, It aap Mbaben mendek nen togop eerogo piigwi, It yum yikwe wagangga nogo paga yonggo'naremenggaarak me, niik eerogo wumbiya wogwe, Yum yikwe wagangga nggorek lombok yugu paga kuwak eerogo yonggorinakwi, Eekwi iinok, Inale'nggen mbakwi, keekok yogwe, eeko menggaarak o.

Abakuk 2:12

Aap ambi nen aakumi inooke logonet, o kota ogowa pit nage, Aakumi maluk eeppiinet nage logonet, o kota nambit-mbit wurogo pit nage, Eeke nogo, abuwa o.

Abakuk 2:13

Yi aakumi ndi aakumi nggwiirit-nggwaarit eekwi nogo ti, kani noorak ake eekwi, Aakumi inanebunu lombok ambi koloorak lek we aanom warogo kagak, anggon-panggon eekwi, Eeko logowak nduk, Nomaawi Lombok Minggirak Naliku an ALA nen kooneegirak paga eekwi nogo lek a?

Linggineegwaarak 23:18

Yoge mbareegi, at Mbileyam nen ore warak negen peebi eeriyak wone Mbalak yoge logonet, “Tipot aput Mbalak wae. An nen wone yokkege yi, karuk konengge, Liirogon wagangge, Eeke logot o.

Linggineegwaarak 23:7

Iya wage nagagerik, at Mbileyam nen ore warak negen peebi eeriyak wone nogo yoge logonet, “An puut nggelok-nggobok oonegen lagi wage menggim o Aram pa'nggwe time wonage me, Aap Mowap mendek inowe endagembogut Mbalak nogo nen, An woraawak nduk nayonggo pege logonet, Yakup pulunogo pege, it Iterali yi, pulunogo piige, Eeri mok o! Yo'negerak kwe,

Lukat 12:20

Yereegerak kwe, at Ala nen, at aap nogo yoge logonet, Kat aap wi yi, wae! Yogondak oonikiya yi paga aret kat kiniki an wa wage me, kat pipuk eerogo pakendak nogo peebi ta nen unde logogin mbaken o?

1 Peterut 4:7

O age yobok paga eeriyak abu koorok panggo yi wagaarak me, tamban eeko logobagip nduk, kiniki kwi'ndak nu'lek logonet, kinagaket paga logonip o.