Abakuk 2:17 - Ala Wone Peenok Peebi Mbanak

¹⁷ Aakumi inamiya wunabit wage, It aakumi inanggween inom, inawi kota-kota inom, pup eerogo pege, Ndi, it inawi kota-kota wonogwe nogo, ineebe inoorogo piinet nage, Eereegerak me, At ogogumbuk lombok logonet, it puut Libanon menggaarak eyo muurogo pit nogo mengga kwak, eeppiinet nage nagagerak nogo ti, Yungguk togon at oba kwi'nari wage, Ndi, ndiimbu-nggwiya eyonggaame time lek eerogo piinet nage nagagerak nogo nen Melak togon at agabiti mbaruwak nduk, eeppugwi, Eerugun o, yinuk, at yogo logogun,” yegerak o.

Abakuk 2:17 ပူးပေါင်းရင်းမြစ်များ

Ndawi 137:8

O Mbaben Aagalukwe kwak kit o Mbaben mendek yi wae. Kit kunduk lek eerogo pinagarak koonak wonage me, Maluk lombok eeppinaneegutak onggo eeppinagago logonet,

Ndawi 55:23

Togop aret me, Ala wae. It aap maluk eeka nogo Lek ogo menggam mbuun ambena kabelogo wuppiige, It aap inoone pilit yaga inom, inamiya nengga inom, It ndarak eyom awo ari naga'lek iigak, kambuwak nduk eeppiige, Eerumunggun kwe, An perak, kat nen an eeppanenok nduk, Niniki koba panggombunuk aret agarik o.

Kini Wuppiige 28:17

Aap ambi nen aap alik ambi warogo pege logomenggerik, “Eekirak paga noorukwak,” mba'nuk, Ambime nagak ambime nagak eerit-eerit eebe aret kambi nagin me, ili yuurak mage o.

Yeremiya 50:14

It aap ineenggi woloonak abok aret ti, Wim namburiyak o Mbaben yendok-wandok wakkumbunuk maale namburogo nappugwi, O Mbaben ti, Naliku ALA maluk eeppanege me, inomaale ambi teppuurak lek, abok aret namburogo nappugwi, Eeruwak o.

Yeremiya 50:28

It aakumi o Mbaben nen muk aago inagap ndakko'nok mbaganit o Tiyon wa'nuk yogo logonet, At ninogoba Aliku Ala nen it Mbaben mendek eereegwaarak nogo onggo eeppiige, At awi wurik maluk eerogo pereegwaarak onggo eeppiige, Eekerak, mbininggwi nogo Inaruk konenuwak o.

Yeremiya 51:24

Togop me, it Mbaben mendek nen it o Tiyon wonogwe nogo maluk eeppiinet nogogwaarak paga onggo at enegen kagak o Mbaben eeppege, it aakumi o Mbaben wonogwe nogo eeppiige, eerigin o,” yinuk, Aliku ALA nen yegerak me, yokkigi o.

Yetikiyen 28:16

At yi o ndi o amindik-amendek paga onggo-onggo eerit nege logonet, Anini lombok arit unggwage paga maluk eereegerak. Maluk eeke mbareegi, endage maluk agagerak paga an Ala nabuut paga nen mbo wumbege, At malayikat negen kerub logonet neyabu eerak arum waka ti, Yugum kani wuninik kwak abinak pindan-pindan aago enggela'me nen wumbege, Eereegirak o.

Yetikiyen 31:16

Eyo ti, it aakumi kambunuk mbuun ambena wambeegwaarak wonogwe nogo inom ari noorak wuppereegirak oone ndu wangge nogo, yi aakumi ndi aakumi inaruk konembunuk, inaganak waruwak nduk, eeppereegirak. Ti eeppege neenok, yi eyo ndi eyo Libanon mendek abu abe alik leenak yi niyo ndi niyo nen omanggen miin eerogo pit nagagerak o Eren yabume wonagagerak mbuk a'nuk, nggween abu'me ari nagagerak wonage nogo, abok aret nen iniki tayok yereegerak.

Yowen 3:19

Togop eerigin kwe, it Metit mendek inom, Erom mendek inom, nen inogogumbuk logonet, It Yekura mendek maluk eeppiinet nogwe, It Yekura mendek maluk eeka'lek iigak, inanggween paga inamiya kilirogo piinet nogwe, Eeko nogogwaarak paga O Metit time yi oone ndi oone lek age, Ndi, o Erom time eerilek karume aret age, Eerigin o.

Abakuk 1:17

It aakumi ti nen, yi aakumi ndi aakumi inabuwa mbaka'lek inawooluwak yabonogo inoorogo piinet nogo logorak op mbaken?

Abakuk 2:8

At nen aakumi inamiya wunake, Inanggween inom, inawi kota-kota inom, maluk eerogo pege, It o kota-kota wonogwe nogo inoorogo piinet nage, Eeke logonet, Aakumi inanebunu lombok ambik aret inagugun wonok nage nagagerak me, It aakumi eegu yumbunogo piyamenggerak nogo nen at amendek kugun wonok ndi yogo logogun o.

Takariya 11:1

Kat o Libanon yi wae. Kani nen kageyo nggabina nawak nen karungga paarogo patit nak o.