Abakuk 2:15 - Ala Wone Peenok Peebi Mbanak

¹⁵ It at enaagan-ambokan wonogwe nogo, Inagabolo kin iyaakit o, yinuk, Niyo kumili aganaka mendek toologo wogoramenggerak nenok, kumili aganake me, aap wogoraga ti, abuwa o.

Abakuk 2:15 ပူးပေါင်းရင်းမြစ်များ

Wakkagagerak 9:22

Ayum yirik lek we wonage me, at Kanan ogoba Kam nogo enegen kage nagagerik, yonggo at oreewi mbere nogo yora nagagerak.

2 Tamuwen 11:13

wonage me, ko'lu at Ndawut nen mbi imbirak nawok nduk, “Omok o,” yoge nagagerik, mbi inom, amburu inom, imbirak nonggo logonet, at Ndawut nogo nen Uriya kumili kunuwak nduk, anggur amburu wogoreegerak ambik aret nengge nagagerik, kumili kuneegerak kwe, oonikiya ame noolik. At ogoba ayeloman mini ame arum menggaarak inom nogo yereegim nogome nogo yi nagagerak.

Wundeegwaarak 32:25

Yoge mbareegi, at Muta nen, “It aakumi Iterali nogo ti, wam anggenogona nen tu paarogo wumbiigaatak nggarek yogo mengga kwak, at Karun nen teppiigerak paga iniki mba'nuk ugun eerit nogwe me, it inawim nogo nen miyuk-kayuk eerogo piigwi iigi o,”

Yetaya 28:7

Anggur amburu nenok langgok-panggok nugwi, Niyo omaawi mendek nenok nombok-kombok agan nugwi, Eekwi nogo ti, It aap Ala unde inom, Ala nen yorage kagak yoraga inom, nen eekwi nogo ti aret! It nogo ti, niyo omaawi mendek nenok langgok-panggok nugwi, Anggur amburu nenok inoone ugun-ugun agan nugwi, Niyo omaawi mendek nenok, nombok-kombok nugwi, Inabinggaanggo kogo nagaatik, “Ngge kagi?” yinuk, kobak ogwe, Inowak loonggo logonet, “Wone ngge yoroobok?” age, Eeko logonet,

Yetaya 28:8

Mbi nonggo menggaarak eyo ndoonak paga abok aret peyak wurogo pegaatak me, Peyak wurik mban ndak warak wonage agaarik o.

Yetaya 5:22

It aap anggur amburu nengga iyagalo inom, Amburu kumili aganaka nenggelak-kenggelak eeka unde inom,

Yeremiya 25:15

Iterali inogoba Aliku Ala nen an yo'nege kagarak nogo yi aret. “An nanini mbake niyoowak anggur amburu toolak kwak neenggime wonage yi, wagangge logomenggendik, wonok it aakumi inanebunu lombok wonogwe me, nappagaminggirak nanuk it abok aret nawak nduk, wogoraanu o.

Yeremiya 51:7

O Mbaben nogo ti, niyoowak emas paga ogobakkigirik kwak Nalik Ku ALA neenggime logonet eeriyak yoge neegak, Aakumi nggween paga abok kumili kunuwak nduk anggur amburu wogorage nagagerak. Anggur amburu toologo pereegerak nogo yi aakumi ndi aakumi nunggo nagaarik, kumili kunik aret agaarik o.

Oteya 7:5

Aap ninowe endagembogut ale'nggen agago laago lakwi eyom paga at awuri nagawan-nagawan nogo, anggur amburu nenok kumili kumbunuk ugun-ugun eerit nugwi, At meek mba'nuk eerit nugwi nogo, inom a'nuk aap wi eeko mengga kwak eerit nogwe, Eeko menggaarak o.

Abakuk 2:14

Niyo nggwok yenggenak laut nen nggween kiiniki paga lombok wonage nogo, nobappunuk menggi kwak, Naliku an ALA abu tiyanak minggirak wone nogo, aakumi o nggween paga ilin-unggut wonogwe abok aret ineenu arugun o.

Abakuk 2:16

At ayuk wuko logomenggaarak nogo obaane'me at aret enggali warogo pugun me, At aret nenok, agabolo kin kenok, enggali aruwak o. Amburu toolak kwak, at aaninggin oba kwippuurak Naliku ALA neenggi abe'nggan paga wonage nogo, At oba ari wage kenok, wogoriminggirak nagin me, endage tiyanak wonage nogo lek age logonet, enggali mban oba lenggenak aret logogin o.

Wayu 17:6

It Ala apuri ake leenak inom, Yetut eeke nagagerak wone mbo pega'lek mondok mugurok nogo menggaarak ineebe inom, kwe nogo nen inooppiinok, inamiya anggur amburu negen nenok, kumili kunggerak kage nagarik, “Wi!” mbakirak.