Abakuk 1:9 - Ala Wone Peenok Peebi Mbanak

⁹ It abok aret ti, inogogumbuk logonet, aakumi maluk eerogo piyoorak mba'nuk wogwe, O wiya karume nen warit wage menggi kwak, ineebe apit aago wogwe, Mbini niyo aa'nggi paga ineenggi lingginiyak meek menggi kwak, aakumi ineebe togop aret keele maageren nogwe, Eeko menggaarak o.

Abakuk 1:9 ပူးပေါင်းရင်းမြစ်များ

Wakkagagerak 41:49

Kuwak eerogo mambereegerak nogo ti, mbini kale'ngga niyo aa'nggi paga ambik wonage me lingginiyak meek nogo kokwak age mbareegi, “Lingginiyak meek o,” yinuk, puk agagerak.

2 Endagembogut 12:17

Ne ti eyom paga aap Aram inowe endagembogut Katayen nogo, aakumi Nggat mendek inom wim eeppunuk, tebenogo piige nagagerik, ti'nuk, o Yerutalem tebenikit nduk, eereegerak mendek,

Ayup 29:18

An mbake logonet, Mbini yi aa'nggi paga ambik menggi kwak, An yi tahun ndi tahun eeppunuk, nawi alom paga aret kangge,

Ndawi 139:18

Neenggi lingginiyak op logonetak en mbini niyo aa'nggi paga wonage nogo ti, Abu mbuuluk aret kaanetak o. Neenik age kenok, nimbirak mban aret wonage kaagin o.

Yetaya 27:8

Eeppiyoorak mbareegerak nogo liirogon eeppiige logonet, aap inambik wonogo menggam logowak nduk, nappiige, O wiya oonegen lagi wage menggim pa'nggwe time nen omaawi ambik warit wage kwak, Anini aagi nen it inanggween paga nen wumbiige, Eereegerak ti paga

Yeremiya 15:8

Mbini niyo aa'nggi paga wonage ti nggwok aret kwe, Kumi togwe nggininik inenggela'me mondok alik negen eerogo piige, Inagalomini iniki wakkolaawak nduk, wologwe awo tawe inoori woroorak o liingge-liingge nappi wage, Iniki ma'nage, inamineeri ne agan nage, eeruwak nduk, aberak lek me, maluk inoba kwippiige, Eerigin o.

Yeremiya 25:9

yi aakumi ndi aakumi o omarip paga pa'nggwe wonogwe nogo abok aret inom, it Mbaben mendek inowe endagembogut nayeloman Nebukanetat inom, yonggo piyaminggirak wogo logonet, o yi tebenggola unggwogwe, it o yime menggaarak inom, yi aakumi ndi aakumi enaagan-ambokan wonogwe inom, abok aret tebenogo piigwi, eerugun o. It o yime menggaarak nogo mondok pup eerogo piige, inamineeri ne agan noorak mendek eerogo piige, inagi'ndok kanggo logowak nduk eerogo piige, ndi, o nggween yi, mondok mbuk aago mondok-mondok logowak nduk, eerogo pege, eerigin,” yegerak o.

Yeremiya 34:22

At Aliku ALA nen ari logonet, “O kota yi, tebenogo puwak nduk, an nen wone lengganogo yoraminggirak paga iniyokan wogo logomenggaarik, inom wim nambuko logonet, o tebenogo pugwi, o kani mbelenogo pugwi, eeko logogun o. Ndi, an nen o Yekura kota-kota nogome aakumi wonogwe lek kugume aret eerogo pigin o,” yinuk, yegerak.

Yeremiya 4:11

Ne ti eyom paga at Ala nen, “O wiya aganggen mendek o karume puut puluk ko aago paga nen napuri wonogwe me pa'nggwe warit wage logonet, ambit me logonogo pit nage, wonok mappit nage, eeruwak nduk, warit wage menggi kwak woraagin lek o.

Yeremiya 4:7

At singa kwak kiraarak menggim nen wundi wage, Yi aakumi ndi aakumi lek eerogo piiga nogo wage, Kinanggween kugume eerogo pikit nduk at wonage menggim nen wage, eeke me, Kinawi kota-kota nogo aakumi lek me yigirik-noonom aago logowak nduk, eerogo pi woraagin o.

Yetikiyen 17:10

Eyo yarak ti, luurogo alik me yaremenggaarak kwe, abe lagagin mbakop? O wiya oonegen wundi wage menggim nen warit wage logonet, aganggen nen luurogo yaremenggam nogome aret teebat a'nuk, mbuk arigin nogo lek a? yinuk, yoret,” yo'negerak me, yokkiragi o, yoragagirak.

Yetikiyen 19:12

Togop aret kwe, aakumi inanini nen kinogo nggween paga nggimbogo mbareegwa, O wiya oonegen wundi wage menggim pa'nggwe nen warit wage logonet, aganggen nen eyo nogo teebat eerogo pege kenok, Anggen yugu nogo mono-mono wambit nagagerak o. Ndi, eno'mbak omaawi nogo kalenak-pugunik nagagerak mbuk age mbareegi, kani nen tigitogon nenggegerak.

Ndaniyen 11:17

At o omarip paga pa'nggwe endagembogut ti nen, Nawuri ineegin warak nabu'me piinok minggim inomaawi ambik wonogwe abok aret ninom aap o ame pa'nggwe endagembogut abu'me piinok menggim tebenggola nawok o, yinuk, awuri kuwak eeppiinok unggwi nogo logomenggaarik, aap o ame pa'nggwe inowe endagembogut nogo inom lambumbunuk, at abu'me piinok logowam tebenggolaakit nduk, apuluk kwe tawe nogo wogoremenggerak kwe, at koombunuk eeremenggerak ti, abe age, a'me nggelok ari, eerigin lek aret o.

Oteya 1:10

Togop aret kwe, mbini niyo aa'nggi paga wonage nogo ambik me, aaninggin wakkogwe, ineenggi lingginggwi, eeriyak meek menggi kwak, it Iterali mendek ineebe togop aret arugun o. Ogo mbaremengga, Kit an napuri lek o, yinuk, yoragagim nogome, It an neenik minggirak Ala napuri aret o, yinuk, yoraagin o.

Oteya 13:15

It inowe-inawot inenggela'me logonet ineebe aberogon wonogwe kwe, Naliku ALA nen o wiya aganggen mendek oonegen lagi wage menggim pa'nggwe nen nappi woraminggirak karume time nen wage kenok, Inaniyo eneeri poro-poro nage, It inaniyo nggween kabunik me, amburu lek age, Eerigin o. Ndi, inamindik-inamendek onggo iya pogo menggam wonage nogo abok aret aakumi nen wonok ndi yugun o.

Abakuk 1:17

It aakumi ti nen, yi aakumi ndi aakumi inabuwa mbaka'lek inawooluwak yabonogo inoorogo piinet nogo logorak op mbaken?

Abakuk 1:6

Ti eerigin nogo ti, inogogumbuk worokot nogo nen it inanggween lek kwe, Unde eeppatinuk logowak nduk, o nggween yi abok aret it mban tebeni nogwe aakumi Mbaben mendek aret mippiyaagin o.

Oroma 9:27

At Yetaya nen ari logonet, “It aakumi Iterali mendek ineebe mbini niyo aa'nggi paga menggi kwak wonogwe kwe, Ineebe mbuuluk mban inagap ndarigin o. It aakumi o nggween paga yime wonogwe lek eerogo piyoorak koonogo pugu nogo, At ninogoba nen abera'lek me mondok nggwik togon aret inoorigin me,” yinuk, yereegerak nogo ti, it Iterali aret eeppiyoorak nduk yereegerak o.

Owak Loongga 7:12

Nogo nogogwaarik, it aap Miriyan mendek inom, Amalek mendek inom, aakumi apit oonegen wundi wage menggim pa'nggwe mendek inom, ineebe murip-malo pogom apit aret o alu'me kobappaga time inawooliya wuppatinuk wonogwe, ndi, it inaanggumi unta togop mban aap ineenggi lingginiyak abu meek, mbini kale'ngga pogom wonogwe, eekwi iyareegwaarak.