Abakuk 1:8 - Ala Wone Peenok Peebi Mbanak

⁸ Nggeewo inogowa ti, iya negen kwe, it inaguda inogowa perak, abu iya lombok wonogwe, Oonikiya paga mba'ngge noorak abu nen inanini ambik menggaarak kwe, It inaguda perak, inanini abu iya lombok wonogwe, Eeko menggaarak o. It inaguda paga kwi'na'nuk ineebe apit aago me o nda nen iniyok oone mbogu-mbogu wogwe, Towe nggindooni at nengge menggerak wariyak nduk, nabuk togon wangge menggi kwak, it togop aret wogwe, Eeko menggaarak.

Abakuk 1:8 ပူးပေါင်းရင်းမြစ်များ

Ayup 9:26

Longgop paga yiiro ogobakkigirik nogo, Niyo nen mbet-mbet wonok nage, Towe wu nen at wariyak mbaketak nogo Eenggabit nde agan nabuk togon wangge nagaatik, Nggerok togon wonok nggarek ari, Eeke menggi kwak, An nda'nagagim togop aret age menggerak o.

Yetaya 11:14

Ata, it abok aret lambu yinuk, It aap oonegen kilu yi nage menggim pa'nggwe it Pilitin mendek puut elan-elan wonogwe nogo, ne ambit wigak togon inoba kwi'nari nogwe, Aakumi oonegen lagi wage menggim pa'nggwe wonogwe nogo Inagugun ko'nok ndi yogwe, O Erom inom, Mowap inom, tebenggologwe, It aakumi Amon mendek inabu'me tebenogo piya nogwe, Eeko logogun o.

Yeremiya 4:13

At wage yi, kinigen pekkaanip o. Ndugwi kilanogo nippit wage menggi kwak, at kin ari wage, O wiya nombok-kombok eerit wage menggi kwak, at anggweendo wim eeka togop aret wogwe, Towe nggindooni nggarek togon nogo menggaarak kwe, at aguda perak, mondok nggare agan wogwe, Eekwi paga Nit mondok lek eerogo pinanigin me, ninabuwa o!

Yeremiya 48:40

At Aliku ALA nen yegerak nogo yi aret. “Towe pen ware kwak, at a'naabit wiga agan o Mowap irimbaga taati nege ti, kaawak o.

Yeremiya 5:6

Togop me, it Ala wone taganogo punuk, alik lombok eerit nugwi, Tu abe kagak alik paga nomo agan nogo logonet, maluk alik negen eekwi, Eekwi iinok, Singa negen eyonggaame nen wundi wage logomenggerik, ineebe inoorogo piige, Nggeewo owo negen karume nen wundi wa'nuk ineebe nibinogo nengge, Aakumi wundi wogwe iyo, inoorogo ineebe nibinogo pegak nawok nduk, Nggeewo kwak ineeruwak yabenggek-ndabenggek aago nen inawi kota-kota inigen wo yagak nugwi, Eerugun o.

Yeremiya 50:42

Ineegin-inomaale inom, inarege-inawooluwak inom, li'luk ee'nuk wogwe, Aakumi inabuwa mbaka'lek inogogumbuk aret wogwe, Niyo yenggenak laut oonebu ari menggi kwak, inaguda paga kwi'na'nuk wogwe iniyogobit oone lo-lo agan wogwe, O Mbaben Aagalukwe kwak it Mbaben mendek ti, inooruwok nduk, ambo'me-ambo'me a'nuk wogwe, Eeko agaarik o.

Leendawi 4:19

Towe nggindooni o oolo ya'i nggare agan nege ti, iya negen kwe, It nit mu'niren-ma'niren nugwi inogowa perak, iya lombok wonogwe me, Puut-puut paga mu'niren nugwi, o karume paga wangge'ninakwi, Eeko nogogwaarak o.

Yetikiyen 17:12

“It aap noone eeriyak ineebi mbaka mendek wone yoroorak nogo yi aret. Wone eegu laarak eebe ti, kineenu ilik, lek a? Yorage logomenggendik, it yorage logonet, Aap endagembogut o Mbaben mendek nen o Yerutalem nage nagagerik, it Yerutalem wonogwe inowe endagembogut wagangge, aap inengga warak o Yerutalem wonogwe nogo wogonake, eeke nagagerik, wogoren o Mbaben iyokan piya woraakit nduk, eeke logonet,

Yetikiyen 17:3

Aliku Itok Menggerak ALA nen yegerak nogo yi aret o, yinuk, yorage logonet, Towe nggindooni nggwok a'naabit nggorek eeruwak yabenggek-ndabenggek eerak wiga agan puut Libanon paga nanuk eyo nggabina era'nggup pigagangge nagagerik,

Yetikiyen 26:11

O kota yiru-ndiru time at aguda ambik aago iniyok paga aambiranogo pit nogwe, o kota aagalogwe negen aakumi nogo wooluwak paga inoorogo pit nogwe, eeko nogogwaarak abekak yugum abe paga wurik nogo langgunogo pit nogwe,

Oteya 8:1

“Yi punu eeke kagi, mbaruwak nduk, oone nggwok eeka trompet nogo oone pu eeruwak o. It an napuri eeriyak wone ninom abuk nggaruk togon koonogo pereegirak nogo taganogo mbo pugwi, Eeko logorak wone nogo eeriyak ineebi mbakwi, Eereegwaarak me, Towe nggindooni wiga agan Naliku ALA nawi wurik paga nari wagaarak wonage agaarik o.

Nakum 2:5

Eeko logonet, aap endagembogut nen awuri wim kalu-kalu nogo wiiramenggerak tu paga nogwe me, Iniyogobit lik togon wanggak nogwe, It mbe agan o kota-kota yugum pak wurik me time ari nanuk, Endekem nen punggagak eekak nogo waganogo pi wogwe,

Tepaniya 3:3

At inom eeka aap inendage warak wonogwe nogo ti, Singa at nengge menggerak naakit nduk oone nggwok ari menggi kwak, wonogwe, At aagalogwe inowak loongga ti, nggeewo owo nen nggwiya wappunuk ko'lu noorak mbakulik, o ne ambit weege paga uwiirogo wurako mengga kwak, wonogwe,

Matiyut 24:28

Wam pili agaatak wonage me nogome aret towe enggaanggum nengga ninggiko menggaarak o,” yinuk, yoragagerak.

Lukat 17:37

Yorage mbareegi, at oone waganggwi nen, “Ninogoba o. Ti nggeeme eeriyak yagan o?” Yogo mbareegwa, at Yetut nen, “Wam pili agaatak wonage me nogome aret towe enggaanggum nengga ninggiko menggaarak o,” yinuk, yoragagerak.

Pelaareegerak 28:49

Towe pen ware wage nagaatik, towe mappiige menggi kwak, aakumi o nggween irip nda lombok menggaarak inoone kit kineenggo'lek mendek nogo nen, mappinagi woraawak nduk, Aliku ALA nen eeppiige kenok, wogo logomenggaarik,