Abakuk 1:7 - Ala Wone Peenok Peebi Mbanak

⁷ It aakumi ti, eeppiinet nugwi paga inamineeri ne agan nage logonet, inagabiti mbako menggaarak o. Iniki tiyappatit nogo logonet, aakumi nen eeko logorak koonak abok aret mbo punuk, It iniki nen eeriyak koonggwi nogo mban eerit nugu menggaarak o.

Abakuk 1:7 ပူးပေါင်းရင်းမြစ်များ

Yetaya 14:17

O nggween paga yime abok aret karu mban eerogo pit nage, O kota-kota abok aret yigirik-noonom eerogo pit nage, Aakumi keele maarak wonogwe nogo, Kiniyokan nanip o, yoraga'lek piirogo mban wonage, Eeke nagagerak nogo Yi aret agaarak iya! Yinuk, yogo logogun o.

Yetaya 18:2

Kun yiiro mbanak paga aap wone unde niyo kole yenggenak nggaruppegak nawak nduk nappiigwi, Eeko menggam wonogwe nogo, inabuwa o! Kit aap wone mbet-mbet wonok nega yi, It aakumi ineebe yerek-nggorek inagabolo teretak lombok tawe wonogwe, It aakumi nda wonogwe inom, koorok wonogwe inom, nen inayuk wukwi, Aakumi inoone alik inogogumbuk wonogwe, Aakumi inanggween paga niyo ambik nage, Eeko menggam nogome Wone wonok kiniyokan nanip o.

Yetaya 18:7

Ne ti eyom paga at Omaawi Lombok Menggerak Aliku ALA ake wogori wogo logogun o. Aakumi ineebe yerek-nggorek inagabolo teretak lombok tawe wonogwe, It aakumi nda wonogwe inom, koorok wonogwe inom, nen inayuk wukwi, Aakumi inoone alik inogogumbuk wonogwe, Aakumi inanggween paga niyo ambik nage, Eeko menggam nogome nen Ala ake wonok at Omaawi Lombok Menggerak Aliku ALA endage kunogo yogo menggam Puut Tiyon paga wogori wogo logogun o.

Yetaya 47:8

Togop me, kale'nggen kaanok nduk eekko'net nage, Niniki ugun tayenak wonage mbake, An iya aret o. Ndi, an kwak ambi wonage lek me, an kwe nanu age, Naagalogwe lek ogwe iinok, niniki wakkolage, Eerigin lek aret o, yinuk, yikkolage, Eeke kat yi, Wone an yokkege yi, karuk konengge logot o.

Ndaniyen 2:31

Nogoba kendagembogut wae. Kabinggaanggo paga kage logonet, ogut eerak abu nggwok lombok, eebe mondok nggorek, abinak pindan-pindan abu alik negen aago kenaame mi'ndak wonage, aakumi inamineeri ne agan naga nogo mendek kage, eekendak o.

Tepaniya 2:15

O kota ineebe op wonogo logonet, iniki ugun tayenak inale'nggen paga wonogwe eeppiyoorak nogo ti aret. At mbake logonet, “An neebe yi ti, iya aret me, an kokwak ambi lek aret,” mbareegerak kwe, O karume aakumi lek nggween mbuk aago menggi kwak aago wonage, Ndiimbu-nggwiya eyonggaame mendek time ye mbambatinuk wonogwe, Eekwi yi, mondok iya o! It aakumi tu ti paga nogo logonet, “Kayik a! Op togon eerogo pigi,” yinuk, enggali wappegak nogo logogun o.

Pelaareegerak 5:19

Yi mendek ndi mendek yogoot kiraariyak mage o.

Pelaareegerak 5:27

Lek aret me, kat Muta mban at Aliku ninogoba Ala oone ari abok aret konengge logomenggendik, yokkege nogo nit yo'nirage kenok, nit konenggwi, eebe aret eekwi, eerugun me, kat kalik aret at owagam nage logot o, yinuk, an yo'nereegutak nogo o.