Abakuk 1:14 - Ala Wone Peenok Peebi Mbanak

¹⁴ Kat nen it aakumi ti, yikwe niyo nggwok yenggenak laut inikime menggaarak kwak eerogo piige, Yi mendek ndi mendek yi inikime tu agan nugu menggaarak inowe wone lengganogo yoraga lek kwak, eerogo piige, Eereegindak o.

Abakuk 1:14 ပူးပေါင်းရင်းမြစ်များ

Kini Wuppiige 6:7

Muri'malo inoweewi nen wone lengganogo inawuri yorogwe, It eeko logorak koonogo piigwi, inarum wonogwe, Eeka'lek iigak kwe,

Yeremiya 16:16

At Aliku Ala nen ari logonet, “It aap yikwe wagangga ambik woraawak nduk yonggo piyaminggirak wogo logomenggaarik, it aap ti, piginabit nogo logogun o. Ti'nuk, towe warit nega ambik woraawak nduk, yonggo piyaminggirak wogo logomenggaarik, it aap ti, puut-puut tiyarogon wonogwe, puut-puut teberogon wonogwe, yugum ambe nggaganak me wonogwe, eerak wonogwe iinok, inooko logogun o.

Abakuk 1:13

Kat kikak nakeelik abu obeelom wonage me, maluk eekwi kenegen kage, It aakumi maluk eekwi iinok, puk wonage, Eeriyak meek me, It aakumi inoone amburu agan nogo logonet, maluk eekwi nogo nonggop nduk, mbo piige, Ndi, it aap maluk eeka mendek nen maluk eerit nogo logonet, It aap iniki abe koonak nogo inambeme yonggorinakwi iigak, nonggop nduk koone lek puk wonage, Eeke menggendak?

Abakuk 1:15

It aakumi eerogo piyareegindak ti, Yikwe niyo nggwok yenggenak laut paga ambik wonogwe nogo, mbuti eyak keele paga pugumbunuk niik eerogo wumbiya wogo mengga kwak, It aap Mbaben mendek nen togop eerogo piigwi, It yum yikwe wagangga nogo paga yonggo'naremenggaarak me, niik eerogo wumbiya wogwe, Yum yikwe wagangga nggorek lombok yugu paga kuwak eerogo yonggorinakwi, Eekwi iinok, Inale'nggen mbakwi, keekok yogwe, eeko menggaarak o.