2 Yaya 1:3 - Ala Wone Peenok Peebi Mbanak

³ nit, “Ala ndogop menggerak,” wone nogo woppunuk, mugurok nogo logonet, ninoreewi ninom niniki-kiniki kunik eerit nogwe niigak, ninogoba Ala at aput Yetut Keritut imbirak iniki kunik en wo'nirogwe, ninabuwa nen obeelom eeppinanugwi, niniki ugun tayenak ale'nggen logowok nduk, eeppinanugwi, eeko logowak o.

2 Yaya 1:3 ပူးပေါင်းရင်းမြစ်များ

Takariya 8:19

At Omaawi Lombok Menggerak Aliku ALA nen an yo'nege logonet, “Tut kenagan penembunuk, ambi penenak paga, tut 4 penembunuk ambi penenak paga, tut 6 penembunuk, ambi penenak paga, tut 9 penembunuk, ambi penenak paga, mbi nengga'lek inambe mage negen logonet, it Yekura mendek eekwi nogo ti, inale'nggen mbakwi, inale'nggen nen lubuk yogwe, inale'nggen nen laago nggwok lakwi, eeko logogun me, pilit yaga'lek abet mban yuurak iniki kunik eekkologwe, iniki ambit lambunik logorak inikilom mbakwi, eeko logowak,” yo'nege,

Oroma 1:7

Kit Oroma mendek abok aret at Ala nen iniki kunik eekkinake, at apuri alik leenak logobagip nduk, miirogo pinagage, eereegerak ti, Ninogoba Ala ninowe Yetut Keritut imbirak iniki kunik en eeppinagagwi, kiniki ugun tayenak obeelom logobagip nduk, eeppinagagwi, eeko logogun o.

Nggalatiya 5:6

Nit Keritut Yetut ninom kunik logonet, ninagabolo mbanak kenok, mbanak lek kenok, ti iya lek o. Ata, niniki abet mbareegurak paga aakumi inabuwa nen obeelom eeppiinet nogo logorak nogo perak iya o.

1 Timotiyut 1:14

Ninowe Keritut Yetut ninom kunik me, iniki kunik nen obeelom eeppanegak mban eeke logonet, an Ala wone abet mbarikit nduk ee'nake, ndi, aakumi niniki kunik aganabikit nduk ee'nake, eereegerak.

2 Timotiyut 1:13

Wone kole wone kat nen it in wakkagak eeke logonok nduk, yokkege nagagirak nogo porogo logot o. Keritut Yetut ninom kunik logonet, wone kole wone yi, abet mbake, ndi, aakumi kinom kunik aganake, eeke logonet, porogo logot o.

1 Yaya 4:10

Ninoreewi niniki kunik aganaburak nogo ti, ngge kokwak mbakop? Lek o. Nit nen Ala niniki kunik eerulik o. Ata, Ala ninabuwa nen iniki kunik ee'ninake nagagerik, ninomaluk lek eerogo pege logonet, ninom lambumbinanuwak nduk, at aput aret nappi wagagerak nogo kwak, nit togop aret ninoreewi niniki kunik aganako logowok o.

2 Yaya 1:1

Ala nen miikkabeegerak niriluk kat kaagalogwe kinom an Ala apuri inarum logokit nduk, mippaneegerak nogo nen, kit abet aret niniki kunik eekkinake minggirak me, wone ambi yokkira o. An nen mban niniki kunik eekkinake ti lek o. Ata, it aakumi nen Ala ndogop menggerak wone waganeegwaarak nogo abok ninom nen niniki kunik eekkinako o.