2 Yaya 1:2 - Ala Wone Peenok Peebi Mbanak

² Ala ndogop menggerak wone waganeegurak ninikime wonage nogo ti, mondok-mondok logogin aret me,

2 Yaya 1:2 ပူးပေါင်းရင်းမြစ်များ

Yaya 14:16

An nogoba nggino yoge neenok, at alik ambi, Ala ndogop menggerak, paganogo yokkirage menggerak Aberiniki nogo, mondok-mondok kinom logonet, kiniki eyak wappinagage logowak nduk, wokkiraagin o.

Yaya 15:7

Kit an ninom kunik logonet, an noone kinikime wonage kenok, Nit ndi mendek wo'niraawak, mba'nuk, nggino yo'nugwi kiinok, ti aret wokkirage neyaamunggup o.

1 Korindut 9:23

An eerit nage minggirak ti, abok aret it aakumi wone obeelom wone konembunuk, waganggo logonet, iniki ale'nggen mbakwi kwak, an togon nale'nggen kaakit nduk, yoranet nage minggirak.

2 Korindut 4:5

“Nit aap iya o,” yinuk, eeko monggoorak mbininogo yokkirogwe lek o. Ata, “At Yetut Keritut ti, ninowe aret me, at mban iya o,” yinuk, yokkirogwe, ndi, nit togon, “Yetut yereegerak ndak-ndak, nit kit kinayeloman aret o,” yinuk, yokkirogwe, eeko monggoorak o.

Kolote 3:16

Keritut ari nagagerak wone abok aret kiniki me mondok yagabit eerogo waganggo logonip o. Waganggo logomonggotik, kiniki warak a'nuk, Ala wone mamunirogwe, kiniki eyak wat-wat yogwe, ndi, Ala keyage wako logonet, “Nogoba wa,” yinuk, Ndawut nen ndawi pereegerak inom, ki wone ndawi inom, Ala eeke menggerak ndawi inom, abok aret warit nogwe, eeko logonip o.

2 Timotiyut 1:5

Kat abu abet aret kiniki Yetut oba panggombunuk abet mbareegindak nogo, an neenu aret o. Kowogolo Lowit inom, kagalo Ewunike inom, imbirak aa'nduk abet mbareegwaarak ndak-ndak, kat kunduk abet mbareegindak me, niniki aberak agarik o.

2 Peterut 1:12

Togop me, Ala ndogop menggerak wone nogo kinaruk konembunuk waganggo nogogutik, mondok nu'lek monggotak kwe, kagak, ambinom liippunuk eerit nogo logobagip nduk, an nen kulinik-kalinik yokkiragak mban eeke logogin aret o.

1 Yaya 1:8

Nit maluk eeko logonet kwe, “Nit maluk eekulik o,” yogwe niinok, pilit aret ninambokan laganggologwe me, Ala ndogop menggerak wone nogo ninikime wonage abu lek aret o.

1 Yaya 2:14

Kit an nogobamini yi wae. At o aa'nduk nen nok-nok, yogondak kuli itok mondok-mondok menggerak kineenu ogogutak me, Liiru yi, mbanggirage, Kit an nawuri yi wae. Kit Ala wone kinikime kologo nogogutik, kiniki kole ogogutak nogo nen at maluk ee'ninaka nogo tebenogo pereegutak me, Liiru yi, mbanggirage, Eeke agarik o.

1 Yaya 2:17

It aap nggween paga mendek nen iniki koombunuk eekwi inom, yi mendek ndi mendek iniki nengge kenok mugurok nogwe inom, abok aret lek arigin kwe, Ala iniki mbake menggerak nogo, kit ndak-ndak eekwi kiinok perak, mondok-mondok kineenik aret logomunggup o.