2 Tetalonika 3:14 - Ala Wone Peenok Peebi Mbanak

¹⁴ Nit wone yokkirogwe liiru mbanak yi, at ambi nen, “Eeriyak, neebi o,” ari kenok, aap ti, eebe liippogo logomonggotik, enggali aruwak nduk, kinom nugu logorak mage o.

2 Tetalonika 3:14 ပူးပေါင်းရင်းမြစ်များ

Etara 9:6

yoge, “Nogoba Ala o. Ninomaluk ambik lombok ninoba luurik wonage, ndi, ninomaluk eekoorak ti, mbogut kuli aret ari lagangge, eerak wonage paga niniki andi lombok logonet, nenggali mbakak kat nogoba nenggaawak pilarogon pekkeyoorak meek ee'nake o.

Ndawi 83:16

Kaliku ALA wae. It aap ti nen, “Ala ngge o?” Yinuk, kwaakkabit woraawak nduk, inenggali lombok eerogo piyet o.

Kini Wuppiige 5:13

“It mamunniraga nen mamunnirogwe nogo liippunuk eekwi, Ninaruk waka nen yo'nirogwe nogo ninaruk liirogon konenggwi, Eerulik me,

Yeremiya 3:3

O mayu wage kero, ko wappunuk wonage, O mayu wage menggim kunduk waga'lek wonage, Eeke kagak kwe, Kumi mbabilu inete paga yelok niyaawak, eeko mengga kwak eerit nugwi, Inenggali lek worokot aret nugwi, Eeko agaarik o.

Yeremiya 6:15

Ineraambe maluk lombok logonet, ogole warak mendek eerit nugwi nogo paga inenggali mbariyak kwe, inenggali lek aret nugwi, Inenggali nen inuut wutik nugu logorak op kwe, inenggali lek a'nuk nugwi, Eeko menggaarak. Togop me, aap inoorak kanggo logonet, it inom aret inoorak kanggwi, Ndi, maluk eekwi onggo eeppiige neegak, it inom aret inenggaawak lek ogwe, Eerugun o,” yinuk, Aliku ALA nen aret yegerak o.

Tepaniya 3:2

At Ala nen aruk wake nogo liirogon konengge, Wone yoge nogo, E o, yinuk, wagangge, Aliku ALA paga iniki panggombege, At ogoba Ala owagam wa'nuk yoge, Eeka'lek aret menggerak o.

Linggineegwaarak 12:14

Yoge mbareegi, at Aliku ALA nen Muta yoge logonet, “At ogoba nen etenggen paga owoori lenggek togon nappege kenok enggali nen nogo 7 kuli yigin nogo lek a? Togop aret me, aakumi inawooliya wurik me nen endekem wumbemenggendak wonage kagak nogo 7 kuli yege kenok, ti'nuk, iyokan waganogo mambi wa'nu o.”

Matiyut 18:17

Ndi, it aap ti, kinom yorumonggotak aruk liirogon konengga'lek mbo pege kenok, it Ala apuri apit kuwak eeppiinok, yoruwak nduk, yoraanu o. Ndi, Ala apuri kuwak aago inoone kunduk konengga'lek kenok, it aap abet mbaka'lek endekem mendek ilik, it aap o unde inake wu kuwak eeka mendek a, nogo pogom, At aret, mba'nuk mbo punu o,” yinuk, yoragagerak.

Oroma 16:17

Noreewi o. Kit wone waganeegutak nogo it aakumi nen woorak ineebi nen mbo punuk, aakumi iniki ogoorogo piinet nugwi, it aakumi abet mbareegwaarak nogo iniki abut laganogo piinet nugwi, eeginabit nugwi iyo, kinigen liippiigo logobagip nduk, an, “Ao,” mbake logonet, yokkirage agarik o. It aap ti, kinom lambungga'lek mondok ogoorak aret logonip o.

1 Korindut 4:14

An wone liiru mbanggiragi yi ti, kinenggali wappinagakit nduk, mbanggiragi lek o. Ata, kit an napuri niniki kunik me, we kinaruk wake agarik o.

1 Korindut 5:11

An liiru mbanggiragagirak nogo ti, it nen, “Nit abok Ala apuri aret,” mba'nuk, “Ninoreewi o,” yokkirogo logonet kwe, kumi paga mban iniki lunik logonet, eeginabit nugwi, uugwe-uugwe mbakwi, kugiwak amili kunggwi, aakumi inabok mbanggwi, amburu nonggo nagaatik, kumili negen agan nugwi, yogoot waganggwi, eekwi iinok ti, “Kinom lambunik logorak lek o. Ndi, mbi makkirogwe iinok kunduk, noorak abu lek o,” yinuk, mbanggiragagirak.

1 Korindut 5:9

An aa'nduk liiru mbanggirage logonet, “It aap iniki kumi paga mban lunik logonet, eeginabit nugwi nogo kinom lambunik logogup o,” yinuk, mbanggiragagirak nogo ti,

2 Korindut 10:6

Nit yokkirogwe nogo, “Eeko logowok o,” yinuk, liirogon eerit nogwe kiigo logomonggoorik, it ando, “Eeko logorak, nineebi,” mbakwi nogo, it eeppiyoorak Ala nen li'luk eerogo pinanege kagak ninoone omaawi paga yorogo logogun o.

2 Korindut 2:9

An liiru kinake mbaneegirak nogo ti, yi eeriyak ndi eeriyak yokkirage neenok, “E o,” yinuk, “Ndak-ndak eekwi iyaamun ilik, mbo pugwi iyaamun a?” yinuk, kinabut mbanikit nduk liiru mbaneegirak o.

2 Korindut 7:15

At Titut aa'nduk kinabuwa mbake nagagerak kwe, kiya nage mbareegi, kinagabiti nen kinaganak nuk-nuk yogo logonet, keyage warogo eebe waganggo nogogutik, kooniyak yokkirogogurak nogo, “E o,” yinuk, mbet-mbet koonggwi kiyareegerak nogo, aberak logonet, yogondak abunuk kinabuwa nggwok lombok mbake agaarik o.

Pelaareegerak 16:12

Kit maan o Metit aakumi inayeloman aago wonogogutak nogo abeko logonet, eeko logorak lengganogo yokkirage yi, mondok liirogon aret eeko logomunggup o,” yinuk, yoragagerak.

Pilipi 2:12

Togop me, noreewi o. Kit an niniki kunik me, wone ambi yokkira o. Aa'nduk kit ninom time logonet, an noone yugu ndak-ndak eeko nogogutak nogo kokwak, yogondak neebe yime neegak, kinagap ndakkolaabagip nduk, kinagabiti nen kinaganak wake logonet, ambinom nggwiirit-nggwaarit eeko logonip o.

Kolote 4:16

Liiru mbanak yi, kit kinaa'nduk pekkogo logomonggotik, it Ala apuri o Laworikiya kuwak eeko menggaarak nogo, pekkaawak nduk, nappiya wa'nu o. Ndi, an liiru mbanogo Ala apuri Laworikiya nappiige logonet, “Kit aa'nduk pekkogo logomonggotik, Ala apuri o Kolote wonogwe nogo, pekkaawak nduk nappiyaanu o,” yinuk yoragarak me, nappinagi wogwe iinok, ti inom aret pekkogo logonu o.

1 Tetalonika 4:8

Togop me, aap ambi nen, “Wone yi, Ala nen yegerak lek o. Aakumi nen aret yagaarak o,” yinuk, taganogo mbo pege kenok, at nen aakumi mbo piige ti lek o. Ata, at Aberiniki wo'nirage Ala nogo aret mbo pege menggerak o.

2 Tetalonika 3:6

Ndi, ninoreewi o. Wone, “Ndogop eeko logonip o,” yokkirogo nogogurak nogo, kinoreewi ando eeka'lek ineenggi tanep we nugwi iinok, kinom nugu logorak mage o.

Titut 2:8

Ata, kayuk warak logonet, yorage kenok, it aap koone woorak, “Nineebi,” mbakwi nogo nen wone maluk ambi yoramenggendak paga yilunogo punuk, nit tebembinaniyak lek me, it inenggali aruwak nduk, wone koleewak wone kenggali wappagarak lek nogo mendek mban yorage logot o.

Titut 3:10

Aap aakumi iniki nomoninaka nogo nen abe wone mbo punuk, maluk mban eerit nage paga maluk onggo oba kwippatiyak kagak, eerit nage keenu me, ne mbere paga aruk wappunuk, mbo puurak aret o.

Pilemon 1:21

An liiru mbanggege yi nogo mban kat eeke logonok nduk, yokkege ti lek o. Ata, ando kat kiniki nen koombunuk ambinom nggwok togon eeke logomunggun abet aret kombake logonet mbanggigi o.

Iberani 13:17

It kinogobamini nogo ti, “Aakumi nonggop inarum wonogotak o, yinuk, Ala nen yo'niraagin,” mba'nuk, liirogon aret kiniki arum wonogwe me, inabu'me logonet, wone yokkirogwe nogo, liirogon aret konenggo logonip o. It inoone konengga'lek wonogwe kiinok, inale'nggen lek logonet, kinarum liirogon wonogwe lek paga maluk aret eekwi kiyoorak me, iniki ale'nggen paga kinarum logowak nduk, inoone liirogon aret konenggo logonet, obeelom eeppiigo logonip o.

2 Yaya 1:10

Aap ambi wone yi mendek lek alik mendek wonok yokkira wage kenok, keyage warogo kiname mambuurak mage o.