2 Tetalonika 2:5 - Ala Wone Peenok Peebi Mbanak

⁵ An aa'nduk kit ninom logonet, wone yi apit yokkiragagirak nogo abeko ogotik ilik, lek a?

2 Tetalonika 2:5 ပူးပေါင်းရင်းမြစ်များ

Matiyut 16:9

Roti 5 kwe, aap ineebe lima ribu tumburirogo nogotik, mbirim yum mande yonggologo pogotak nogo inom, ndi, roti 7 nogo aap ineebe empat ribu tumburirogo nogotik, mbirim yum mande yonggologo pogotak nogo inom, abeka'lek ogotik? Alom ti nduk eekerak, kagi, mba'nuk, ti kunduk, liippanega'lek logonet, yogo ogotik?

Marakut 8:18

Kit kinigen wonage kwe, kaga'lek negen logonet, yogo ogotik? Ndi, kinaruk wonage kwe, konengga'lek logonet, yogo ogotik? Roti 5 paga it aap ambik lima ribu aret kareriragagirak nogo kiniki abeka'lek logonet, yogo ogotik? Roti karerak ndiinogo pereegwaarak nogo kuwak agago mbirim yum mande eno korok togon yonggoleegutak?” Yorage mbareegi, it nogo, “Lek o. Yum 12 aret yonggoleegurak o.”

Yaya 16:4

Aa'nduk yokkirage logolik kwe, eekkinaburak eyom panggoni wage kenok, wone yokkiragarak yi, abeko logomunggup nduk, yogondak yi aret yokkiragi o,” yoragagerak. At Yetut ambinom yorage logonet, “An aa'nduk kit ninom logonet, wone yi yokkirage logolik kwe,

Nappiigak 20:31

Togop me, kiniki tum wakkologo logonip o. O liingge nen, oonikiya nen, puk aga'lek kinale ari logonet, kinalitak lombok kurumbi yokkirage neegak, tahun kenagan eereegirak nogo abeko logonip o.

Nggalatiya 5:21

neebi-keebi yogwe, amburu nenok kumili-kumili agan nugwi, kwaanggen wappunuk inoone amburu paga kumi ugun-ugun eeginabit nugwi, ti mendek abok aret it eerit nugwi iinok, at Ala abu'me piige menggim nogome unggwi nagun mondok lek aret o, yinuk, aa'nduk yokkiragagirak nogo aret yokkiragi o, noreewi.

1 Tetalonika 2:11

Ala mondok tiyanak logonet, “Kit tiyappinagakit nduk, nabu'me woraanip o,” yinuk, ayonggo pinagareegerak nogo, iniki mbake ndak-ndak eerit nogo logobagip nduk, aap ambi apuri kenok yorage nogo kokwak, nit togop aret niniki aganggen kerek togon kit kinalitak lombok kinaruk wakwi, kiniki eyak wappinagagwi, kini wuppinagagwi, eeko nogogurak nogo kineenu aret o.

1 Tetalonika 3:4

Kit ninom logonet, awo eeppinanega'lek kagak, “Aaninggin eeppinanogo logogun o,” yokkirogo nogogurak nogo, a'me aret agagerak ti, kineenu aret o.

2 Tetalonika 2:6

At maluk eeka nogo ti, mbet-mbet woraagin lek o. Ndiyom paga kin ari woroorak koonak wonage nogo paga mban woraawak nduk, at ambi nen tebemborogo wonage nogo kineenu aret o.

2 Tetalonika 3:10

Ninom logonet, “Aap ambi yabu eeka'lek kenok, mbi magariyak mage o,” yokkirogo nogogurak nogo o.

2 Peterut 1:15

An kambiminggirak neegak, kit nen, “At ninogoba nogo nen wone ndogop yo'niragagerak nogo o,” yinuk, kiniki abeko logobagip nduk, an awo kangga'lek logonet, yi wone ndi wone yokkirage minggirak nogo, mondok nggwiirit-nggwaarit aret yokkirage logogin o.