2 Tetalonika 2:13 - Ala Wone Peenok Peebi Mbanak

¹³ Kit noreewi o. Nit ninowe nen iniki kunik eekkinabeegerak nogo kit aret kiinok, “Ala wa,” yoriyak mban ee'ninake menggerak. Kit Ala ari menggerak wone abet mbakwi kiinok, Ala apuri logobagip nduk, Aberiniki nen leenogo pinagage kagak, Ala nen, “Kinagap ndarikit o,” yinuk, kit kinaa'nduk togon miikkinabeegerak me, “Ala wa,” yoriyak mban ee'ninake menggerak.

2 Tetalonika 2:13 ပူးပေါင်းရင်းမြစ်များ

Wakkagagerak 1:1

O maan aa'nduk at Ala nen mbogut inom, nggween inom, wakkagagerak.

2 Tamuwen 12:25

Natan yoge, “Wulaga ti, an niniki kunik aret me, at endage, Yeriya, tooni nak o,” yoreegerak.

Kini Wuppiige 8:23

Mbogut-nggween wakkaga'lek kagak o maan aa'nduk an aret mippangge,

Yetaya 46:10

Wone eeriyak nogo awo warengga'lek kagak, “Age yobok ndogop eeke kaamunggup o,” yinuk, yokkirage, Ee'nariyak nogo awo eeka'lek kagak aa'nduk togon abok yokkirage, Eeke minggirak o. An eeriyak koonogo pigitak ti, mbeyok arilik o. Ata, eeriyak niniki mbake ti, a'me lik togon aret eeke minggirak.

Yeremiya 31:3

O maan aa'nduk Aliku ALA nen nit ninowagam kin ari wa'nuk yo'nirage logonet, “An kinabuwa nen niniki kunik eekkinabeegirak nogo ti, Lek ariyak lek mondok-mondok logorak nogo mendek paga eekkinabeegirak me, Ninom kunik lombok logowok nduk, niniki kunik eekkinakak mban eeke minggirak o.

Yetikiyen 16:8

Ti'nuk, peebi an tu ti paga nage logonet, eebe nenegen kage nagagirik, at abu tawe aap miikkoloorak aret agagerak kenok, nayum nggorek irip paga at agabolo kin wonage nogo lenggenogo pereegirak. Pege nagagirik, at nimbirak wone abuk nggaruk togon koonogo punuk, Nore kat aret o, yinuk, Naliku Nitok Minggirak an ALA nen kumbuk mbangge mbareegi, at an nore aret agagerak.

Ndaniyen 10:11

an yo'nege logonet, “Ndaniyen wae. At Ala nen iniki kunik lombok eekkake menggerak me, wone an yokkege yi, liippege logot o. Wone yi, yokkirikit nduk nappani wagaarak keya wagarak me, aret mi'naru o.” Yo'nege mbareegi, naganak wake kagak mi'nagagirak.

Ndaniyen 10:19

Nomaawi eerogo paninuk yo'nege logonet, “At Ala iniki kunik eekkake menggerak yi wae. Kagabiti mbarugun o. Kiniki ugun kale'nggen paga wonage, kiniki mondok nu'lek eeppunuk komaawi eekkolage, eeke logot o,” yinuk, awo yo'nege kagak, nomaawi aret age mbareegi, at yoge logonet, “Nogoba o. Nomaawi eerogo panegendak me, wone ti, yo'niru o,” yinuk, yoreegirak.

Ndaniyen 9:23

At Ala iniki kunik lombok eekkake me, kat awo tamban eeke keegak, onggo yokkegerak an yokkiri wage yi, liippege, kabinggaanggo kagandak alom nogo keenu age, ee'nok nduk, yokkiri o.

Lukat 1:75

Nit ninagabiti mbaka'lek awo nineenik logonet, at obaalombok mban eerit nugwi, Ndi, at enegen kagak, nit maluk eeka'lek at ake leenak niniki abe koonak wonogwe, Eeko logowak nduk, eereegerak o.

Yaya 1:1

O maan aa'nduk togon mbogut-nggween wakkaga'lek kagak at Wone nogo aret wonagagerak. Wone nogo ti, Ala imbirak aret wonagagerak. Ndi, Wone ti, Ala aret wonagagerak.

Yaya 14:6

Yoge mbareegi, at Yetut nen, “Ala kineenu ariyak tu inom, Ala ndogop menggerak, paganogo yokkirage inom, ndi, kineenik eekkinake minggirak inom, ti an mban aret o. Ala kineenu ariyak nduk tu an paga wogwe lek kenok, an nogoba owagam namunggup lek aret o.

Nappiigak 13:48

Yoragagerak nogo, it endekem konenggulik mendek nogo nen inaruk konembunuk, iniki ale'nggen ambik mbako logonet, “Ninogoba wone yi ti, iya!” yinuk, tiyappereegwaarak. Ndi, ineenik mondok logorak miirogo piyareegerak nogo nen wone ti paga iniki panggombunuk abet mbareegwaarak.

Nappiigak 15:9

Ala nen, It yi, iya, it ti, meek, ninombakeelik nit ambit aret ninombake menggerak me, it kunduk, iniki abet mbakwi paga inomaluk lek eerogo piigerak o.

Oroma 6:17

Kit aa'nduk maluk ayeloman aret wogogutak kwe, yogondak perak, wone mamunggirogogwaarak nogo kiniki mbere lek ambit paga mondok li'luk eerogo woppunuk, eerit nogwe me, Ala mondok, “Wa,” yinuk, keyage wake agarik o.

Oroma 8:33

Nit mii'ninabeegerak Ala nogo nen, “Kit maluk lek aret o,” yinuk, yo'nirage me, ta nen, “Kit maluk o,” yinuk, yo'nirage kero nduk, yogo ogotik?

Oroma 9:11

Inogoba ambit aret kwe, “At Ala nen it eekwi paga lek o. Ata, iniki nen mban koombunuk, ambi miike, ambi teppiige, eeke menggerak,” mbako logowak nduk, it wologwe nogo awo nda'nogwe, ndi, maluk eeriyak obeelom eeriyak awo ineenggo'lek wonogwe, eekwi iigak, Ala nen kwe Iribeka yoge logonet, “Kaagalogwe ndaganabemenggendak nogo owe nen awuluk abu'me logogin o,” yinuk, yoreegerak.

1 Korindut 1:21

At Ala iniki warak nen ari logonet, “It aakumi nggween paga mendek iniki koonit nugwi paga, an yelok neyaagun lek o. Ata, it an noone yorogo menggaarak nogo, aakumi nen, Ti aap wi inoone negen aret o, yinuk, mbakwi iigak kwe, wone nogo abet mbakwi iinok inagap ndarigin o,” yinuk, kooneegerak me, yokkiragi o.

Nggalatiya 3:1

Kit Nggalatiya mendek yi wae. Yetut Keritut eyo karo-karo paga kambeegerak wone nogo, kumaarak lek mondok kin paga aret paganogo yokkirage nagagirak konenggo nogogutak kwe, yogondak ta nen kugi pulunogo pinagagerak kenok, kiniki lek kumili negen agan nugu ogotik?

Epetut 2:8

Kit abet mba'nuk, kiniki at oba panggombugwi kiinok, kinabuwa nen iniki kunik eekkinake logonet, kinagap ndareegerak o. Kit ambi eekkologogutak paga eeppinagulik o. Ata, Ala nen onggo lek we aret eeppinagareegerak o.

Pelaareegerak 33:12

It inanebunu Mbeniyamin mendek nen eeko logorak wone yoge logonet, “Kaliku ALA nen kiniki kunik aganake, It aap yi, liingge-oonikiya kabu'me piirogo wonage, Kat keebe paga mulumbiirogo wonage, Eeke menggendak me, Iniki yuma yonggolak nu'lek aret logogun o,” yinuk, yoge,

Kolote 1:5

Ala ari menggerak wone obeelom wone yokkirogo logonet, “Kit abet mbakwi kiinok, kinake aago mbogut paga wonage o,” yinuk, aa'nduk yokkirogogwaarak nogo konembunuk, mondok kola noorak kiniki lunik logonet, kiniki abet mbakwi, kinoreewi kiniki kunik aganakwi, eekwi yogwe konenggo nogoorik, yokkirogo o.

Kolote 3:12

Togop me, at Ala nen kinabuwa mbake logonet, at apuri maluk eeka'lek alik leenak logobagip nduk, miikkinabeegerak me, yum yikkologo mengga kwak kinobaabut ngget mendek eekkologo logonet, aakumi inabuwa mbakwi, kiniki yanggonak paga obeelom eeppiigwi, kiniki tebenak logonet nugwi, kinoone omaawi lek yanggorogon yorogwe, inoone kinoba pinagagwi iinok liippunuk yorogwe,

1 Tetalonika 1:4

Noreewi o. Ala iniki kunik eekkinake logonet, miikkinabeegerak ti, nineenu aret o.

1 Tetalonika 5:9

At Ala nen anini ninoba pinanikit nduk, leenogo pinanulik o. Ata, at ninowe Yetut Keritut nen ninagap ndaruwak nduk, leenogo pinaneegerak o.

2 Tetalonika 1:3

Noreewi o. Kit eekwi paga nit puk logorak meek ee'ninake kenok, Ala mondok, “Wa,” yogo monggoorak. Kit abet mbakwi nogo piyok ari lek omaawi arit unggwage, ndi, niniki-kiniki kunik aganakwi ti, nggwok arit nage, eeke me, “Ala wa,” yogo monggoorak nogo ti, op aret eeko monggoorak o.

2 Tetalonika 2:16

Kit obeelom eerit nugwi, wone obeelom mban yoranet nugwi, eeko logobagip nduk, at ninabuwa mba'nuk iniki kunik ee'ninake logonet, niniki mondok-mondok eyak wappinanege, niniki lunik abe nogo mendek wo'nirage, eeke menggerak ninogoba Ala nogo inom, ninowe Yetut Keritut inom, imbirak nen kit kiniki eyak wappinagagwi, kinomaawi eerogo pinagagwi, eeko logowak o.

2 Timotiyut 1:9

At Ala nen ninagap ndake nagagerik, nit at apuri at ake leenak logowok nduk, ninayonggo pereegerak. Nit ambi eekkologogurak paga ti lek o. Ata, at ee'ninaburak kooneegerak nogo ndak-ndak, iniki kunik nen eeppinanege logonet, ninagap ndareegerak. At iniki kunik nen eeppinanege menggerak nogo ti, o yi awo wakkaga'lek kagak, “Keritut Yetut abet mbakwi paga woorak o,” yinuk, koonogo pinaneegerak nogo, pagak yaga'lek wonagagerak kwe,

2 Timotiyut 2:15

Aap ambi yabu abe eeke logonet, agabiti mbakeelik nogo pogom, kat Ala ari menggerak wone mamunirage logonet, kiniki nen koonogo alik inom nabenogo yoraga'lek at oone mban liirogon yorage keenok, Ala nen inikilom kombaruwak nduk, liippunuk, eeke logot o.

2 Timotiyut 3:15

Ala yereegerak wone liiru mbanak paga Keritut Yetut abet mbakwi niinok, ninagap ndariyak nineenu ee'ninaburak wone wulaga mbuuluk paga kat keenu agagindak nogo, abeke logonet, nggirik-nggerok porogo logot o.

Iberani 1:10

wone alik ambi ari logonet, “Nogoba o. O maan aa'nduk nggween yi, alom kwippege, Kat keenggi paga nen mbogut ogobakkigirogo pege, Eereegindak o.

Yakobut 1:18

At nen yi mendek ndi mendek wakkaakit mbareegerak nogo tebenak kagak, it aakumi mban tiyanak logowak nduk, “Aap aa'nduk obeelom eerogo piyaakit o,” yinuk, oone yereegerak nogo paga iniki mbareegerak ndak-ndak eeke logonet, aa'nduk nit aakumi aret obeelom eerogo pinaneegerak.

1 Yaya 4:10

Ninoreewi niniki kunik aganaburak nogo ti, ngge kokwak mbakop? Lek o. Nit nen Ala niniki kunik eerulik o. Ata, Ala ninabuwa nen iniki kunik ee'ninake nagagerik, ninomaluk lek eerogo pege logonet, ninom lambumbinanuwak nduk, at aput aret nappi wagagerak nogo kwak, nit togop aret ninoreewi niniki kunik aganako logowok o.

1 Yaya 4:19

Aa'nduk at Ala nen nit ninabuwa mba'nuk, iniki kunik ee'ninabeegerak me, yogondak nit togon togop aret aakumi inabuwa mba'nuk, niniki kunik aganako logowok o.