2 Tetalonika 1:5 - Ala Wone Peenok Peebi Mbanak

⁵ Kit Ala abu'me logorak miikotak kenok, maluk eeppinagagwi nogo ti, Ala nen, “Kit obeelom aret me, nabu'me logorak op aret o,” yokkiraawak nduk, kinogogumbuk logonet, waganggwi me, Ala nen koonogo pinanege nogo ti, maluk lek obeelom aret koonogo pinanege menggerak nineenu ogo o.

2 Tetalonika 1:5 ပူးပေါင်းရင်းမြစ်များ

Ayup 8:3

Ala nen nomo-komo eerogo aakumi maluk eeka'lek iigak, Maluk onggo eeppiige, Obeelom eekwi iigak, at Omaawi Lombok Menggerak nen, Ti maluk aret o, yinuk, maluk eeppiige, Eeke menggerak mbaken? Lek me,

Ndawi 111:7

At eenggi paga eerit nage nogo Abe liirogon mban eeke, a'me nggelok mban eeke, Eeke menggerak. Eeko logorak wone yugu nogo, “Eerigin aret o,” Yinuk, iniki panggombunuk logorak op aret o.

Ndawi 33:5

It aap abe mban eekwi, wone yugu li'lak eekwi, Eeko menggaarak nogo ti, Aliku ALA nen inikilom mbake menggerak me, At iniki kunik eeginabit nage menggerak nogo ti, O nggween paga yime abok aret Mondok ndak warak wonage o.

Ndawi 50:6

Yorage mbaremenggi, Mbogut nen oone nggwok paga ari logonet, “Aakumi inowak loongga ti, Ala lombok aret me, Apuri a'me nggelok mban inowak loonigin o,” Yinuk, kuum eerogo nappit nage agaarik o.

Ndawi 72:2

Ti eeke keenok, Iniki abe koonak logonet kapuri inowak loongge, Iniki a'me nggelengga logonet, Kapuri tebenogo piinok wonogwe nogo inawone li'lak mbangge, Eerigin o.

Ndawi 99:4

At endagembogut mondok tiyanak wonage, Eekaatak a'me nggelok eeppiigo logorak inikilom mbake, Ndak-ndak eeppiinet nogo logorak wone lengganogo pege, Obeelom mban eerit nugwi wone inom, Eekwi a'me nggelok eeppiigwi wone inom, It Yakup paga wiganak eeko logowak nduk, Lengganogo yorage, Eereegerak o.

Yeremiya 9:24

Ata, aap ambi nen wone tiyappuurak mbake kenok, wone eebe tiyappuurak nogo yi aret. O nggween paga yime aakumi inabuwa mbakwi, Eekaatak a'me nggelok eeppiigwi, obeelom mban eeppiinet nugwi, Eekwi paga ninikilom mbake minggirak Naliku ALA neebe at eenu wonage, Ndi, an eeke minggirak liippanege, Eeke logorak ti aret o,” yinuk, Aliku ALA nen aret yegerak o.

Ndaniyen 4:37

At mbogut paga time endagembogut menggerak nogo, eeke menggerak abok aret abe mban eeke, at eerit nage nogo a'me nggelok mban eerit nage, iniki wogoppakwi iinok tebenogo piige, eeke menggerak me, yogondak an Nebukanetat nen at ayuk wuke, alut eeke, endage tiyappege, eeke agarik o.

Lukat 20:35

at Ala nen, It aap yi obeelom aret me, ninom logowok nduk, kambunuk nogo menggam nen ineenik agago mippiyaakit, mbake nogo perak, Ala nen mippiige mbaremenggi inom logonet, aap nen kumi wogonakwi, kumi nen aap wogonakwi, eeko logogun lek aret o.

Lukat 21:36

Ti eekkinaburak nogo kinomaawi togon kinogogumbuk logonet, waganggo logomonggotik, an aap aret nda'nagagirak nenggaanom paga mi'narubagip nduk, tamban mban eeko logonet, kiniki tum wakkologo logonip o,” yinuk, yoragagerak.

Nappiigak 13:46

Miyuk-meya eerogo pugwi iigak, it Pawulut Mbaranabat inagabiti lek yorogo logonet, “Ala wone kit aa'nduk yokkiroorak agaarak kwe, Nit nineenik logorak wone ti, woorak ndak lek o, yinuk, nineebi, yogotak me, kit lambembinaganuk, it endekem mendek nogo aret yora nogo ogoorik o.

Nappiigak 14:22

O nogome yanggwagak nogo logonet, “At Ala abu'me unggwi noorak ti, aaninggin-paaninggin ninoba arit unggwage tit kagak aret unggwi noorak o,” yinuk, it Yetut oone waganeegwaarak nogo, iniki eyak wappiigwi, “Wone abet mbakotak nogo mbo puurak mage o. Ata, kiniki nu'lek eeppunuk logonip,” yinuk, kini wuppiigwi, eerit nogogwaarak.

Oroma 2:5

Ala iniki togop mbake kwe, kiniki omaawi kinogogumbuk wonogwe kiinok, Ala anini nen onggo maluk liirogombo eeppiige ti eyom paga abunuk nggwok togon eekkinaburak nduk eekkolagak mban eekwi kiigi o.

Oroma 8:17

Ndi, nit at apuri kenok, aap ambi kangge logonet, eyate apuri unde eeppiige menggi kwak, Ala nen at apuri unde eeppiyoorak koonogo pereegerak nogo nit aret koloorak me, Keritut ninom ndak-ndak aret kologo logogun o. Ndi, at Keritut piyak-payak eerogo pugwi iigak wagangge nagagerak nogo kokwak, nit ti ndak-ndak waganggwi niinok, at tiyappereegerak nogo kokwak, nit togon togop aret tiyappinanigin o.

Epetut 4:1

Ti kenok, noreewi o. Kit eeko logorak yonggo pinagareegerak Ala nen kit ndak-ndak aret eerit nogwe kiyaawak nduk, an ninowe oone wonok yoranet nege paga keele maa'nabeegwaarak nogo nen, “Ao,” mbake logonet, yokkiragi o.

Pilipi 1:28

It kinom ogoorak wonogwe nogo ineebe paga kinagabiti mbarugup o. Kinagabiti mbaka'lek nugwi ti paga, it kinom ogoorak wonogwe nogo nen, “Ia! It abet aret yogwe me, nit perak, lek eerogo pinaniyak kagi,” yinuk, yugun o. Ndi, kit perak, Ala nen abet aret kinagap ndakkinabeegerak kineenu arumunggup o.

1 Tetalonika 2:14

Noreewi o. It aap Yakuri nogo nen it Ala yorage kagak yoraga nogo inookwi, ninowe Yetut warogo pugwi, ndi, nit kunduk mugogo nappinanugwi, eeko nogogwaarak nogo nen it Ala apuri Keritut Yetut inom kunik logonet, o Yureya yi awi ndi awi kuwak eerit nogo menggaarak piyaginabit nogo nogogwaarak nogo ndak-ndak, it kinowe-kinawot nen kit togop aret eeppinagagwi iigak kinogogumbuk logonet, waganeegutak me, it inogogumbuk logonet, waganggo nogogwaarak ndak-ndak, kit togop aret waganggwi kiigi o. It Yakuri eereegwaarak nogo ti, it aakumi abok ineebi mbako logonet, inom ogoorak wonogwe me, Ala kunduk, inikilom inombakeelik mondok eebi inombake menggerak o.

2 Tetalonika 1:11

At ninogoba Ala nen obeelom eerit nogo logobagip nduk, kinayonggo pereegerak nogo ndak-ndak eerit nugwi kiinok, “Op eekotak o,” yinuk, yokkirage, kit obeelom eeriyak mbakwi nogo eerubagip nduk, omaawi eeppinagage, ndi, at abet mba'nuk eeriyak mbakotak nogo ndak-ndak eerubagip nduk, omaawi eerogo pinagage, eeke logowak nduk, kinake tamban mban eeko monggoorak.

2 Timotiyut 2:12

Maluk eeppinanugwi iigak, ninogogumbuk logonet, waganggwi niinok, at ninom tiyanak logonet, aakumi inarum logogun o. Nit nen at mbo pugwi niinok, at kunduk nit mbo pinanigin o.

Wayu 15:4

Ninogoba o. It taani nen kayuk wukwi, kendage tiyappagagwi, eeka'lek logogun mbaken? Lek aret o. Kat maluk eekeelik kalik leenak obeelom mban menggendak o. Kat mondok a'me nggelok mban inowak loongge menggendak ineenu me, It aakumi inanebunu lombok abok aret kowagam tebe yi wogo logomenggaarik, kalut eeko logogun o,” yinuk, ndawi wakwi iigirak.

Wayu 16:7

Yoge mbaki, Ala ake warogo kani kunggo menggam nogome nen oone ari logonet, “Wone ti, abet aret yigi o. Komaawi lombok menggendak ninogoba Ala kat aret o. Aakumi eekwi onggo mondok ndak-ndak a'me nggelok mban eeppiige menggendak me, abet aret yigi o,” yinuk, ari naruk konenggirak.

Wayu 19:2

Kwe yawukak mondok iya eerit nage nogo nen, Ee'nabi woraanip o, ari kenok, Yi aap ndi aap abok aret eeppi unggwagak eekwi paga o nggween paga time maluk eerogo pege nagagerak nogo onggo kwe nogo oba kwippege, Ndi, kwe nogo nen kat kayeloman mini inooreegerak inane'me wake, Eekendak me, Kat kalik mondok obeelom irip-kunduk eerogo aakumi liirogon inowak loongge logonet, Kwe nogo owak loonogo maluk onggo eeppegendak me, Wa!” yinuk,

Wayu 3:4

Togop kwe, it Taririt mendek ando mbuuluk mban inayum mili eekkolaga'lek obeelom mban eerit nugwi me, Kit obeelom aret o, yinuk, inayum laambu abe yirik ninom nugu logogun o.