Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Peterut 3:5 - Ala Wone Peenok Peebi Mbanak

5-6 Ti yogwe nogo ti, Ala oone paga nen mbogut wakkage, nggween wakkage, eeke logonet, niyo mban wonage mbareegi, Ala nen, “Nggween aruwak o,” ari kagak, niyo inikime nen nggween aret kin age, ti'nuk, ti eyom paga mban peebi mayu nappi wagagerak nogo paga niyo yenggenit lagangge logonet, o aa'nduk wakkagagerak nogo maluk eerogo pege, eereegerak nogo ineenu logonet kwe, taganogo mbo pogo menggaarak o.

အခန်းကိုကြည့်ပါ။ ကော်ပီ




2 Peterut 3:5
11 ပူးပေါင်းရင်းမြစ်များ  

Ti age mbareegi, at Ala nen ari logonet, “Niyo ambit me lambunik wonage yi, mogonak agi-ogu wonage kagak, o oolo ya'i we nenaarak logowak o,” ari mbareegi,


Ti age mbareegi, at Ala nen niyo mogonogo o oolo yime nenaarak abu'me pereegerak nogo, nggween kenom aruwak nduk, “Ambit me kuwak aruwak o,” ari mbareegi, aret agagerak.


At lombok nen niyo abena kagak nggween ogombaga ndoonogo pereegerak me, “Wa,” yogo logonip o. & Ninabuwa mbake ti, itok kunik wonage o.


At Aliku ALA oone ari kagak, Mbogut-nggween aret age, At ambe aagi wungge kagak, Laaluguragan ninggirogo piinet nage,


Aap wi nogo nen Iniki warak ariyak uugwe mbaka'lek logonet, Wu eenggime porogo wonage nogo ti, Aanom warogo aret porogo wonage menggerak.


Ndi, it nen, “Ala ti abet aret wonage, yuurak kwe, ambi eeppinaniyak lek me,” mbako nogogwaarak paga, iniki lek negen a'nuk, eeriyak lek mendek kagak, eeko logowak nduk, Ala nen pulunogo mbo piyareegerak.


Yi mendek ndi mendek awo wakkaga'lek kagak at aa'nduk wonagagerak. At nen mban yi mendek ndi mendek wakkage nagagerik, unde wonage me, oone konenggo menggaarak.


At Ala oone paga nen mbogut-nggween wakkagagerak nogo ninigen kogo logonet, “Yi Ala nen aret wakkagagerak o,” yinuk, abet mbakwi paga nineenu ogwe me, yi mendek ndi mendek ninigen kogwe yi, ninigen kaga'lek nogo paga nen wakkagagerak kogo o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ