2 Peterut 2:9 - Ala Wone Peenok Peebi Mbanak

⁹ Ala nen togop aret eeginabit wundi wagagerak me, nit at apuri at oone eerit nugwi nogo aaninggin mendek ninoba age kenok, ninagap ndake, ndi, it obeelom eekwi lek maluk eeko menggaarak nogo peebi age yobok paga inowak loonogo punuk, maluk inoba kwippiige, eeriyak nogo at eenu aret me, eerigin aret mbako logowok o.

2 Peterut 2:9 ပူးပေါင်းရင်းမြစ်များ

Ayup 21:30

Yorogwe kiinok, it maluk eeka aaninggin inoba age kagak woppakwi, Ala anini eeppiige kagak inagap ndakkologwe, Eeko menggaarak, yokkiraagun obak!

Ayup 5:19

Aaninggin ne 6 kuli nggwik togon koba pagage kwe, at nen kagap ndake, Ndi, ne 7 kuli koba ariyak nduk eeke kwe, non mbanogo pagage,

Ndawi 12:1

Kaliku ALA wae. It aap mukkeren nogwe nogo ineebe lek ogwe, It aap koone liirogon mugurok nogo menggaarak nogo Aakumi inenggela'me nen inenggaawak lek ogwe, Eekaarak me, kat nen aret yeenggwa niret o.

Ndawi 32:6

Togop me, nit yokkugwi niinok, Ninoone koneniyak nanonggwan wonage me, It aakumi kat koone liippugwi nogo Abok aret kat yokkogo logowak o. Togop eekwi iinok, Niyo nggwok wuketak wik agan lagi wage logonet, It lebeninabigin lek o.

Ndawi 37:33

Aliku ALA nen aap iniki obeelom nogo inawim ineenggime wonogwe iinok teppiige, Inowak looniyak wogoren wogo nagaatik, “Maluk eekotak o,” yorogwe iigak, mbo piige, Eerigin lek o.

Ndawi 4:3

It aap Ala mugurok nogwe iinok, Aliku ALA nen leenogo pake menggerak me, Kineenu a'nip o. An nen Aliku ALA yoge neenok, aruk konenigin o.

Kini Wuppiige 12:13

It aap maluk eeka inoone maluk agan nugwi paga ineebe nggelenggologo menggaarak kwe, Aap iniki abe koonak nogo perak, aaninggin inoba arukwak nduk woppako menggaarak.

Kini Wuppiige 16:4

Yi mendek ndi mendek eeriyak koonggwi nogo abok aret aakumi nen, “Ti yogop nduk eeruwok o,” mba'nuk eerit nogwe nogo Aliku ALA nen waganogo at eeriyak mbaketak mban eerit nage, Ndi, it aap maluk mendek kunduk, aakumi aaninggin inoba eeppiyoorak eyom paga, it maluk mendek ti inake eeppiyoorak nduk, pipuk eerogo piige, eeke menggerak.

Matiyut 10:15

Peebi inowak looniyak eyom paga it aakumi o Torom inom, Nggomora inom, wonogogwaarak nogo mbuuluk aret inoorigin kwe, it aap o kota time mendek ti, abu nggwok togon inoorigin aret o, yinuk, abet aret yokkiragi o,” yoragagerak.

Matiyut 6:13

Ninabut mbanuwak nduk, pinani nagun o. Ndi, at abu maluk mendek nogo nen maluk ee'ninake kero, ninagap ndaru o. (Kabu'me piinok menggenom arum wonage, Komaawi ambik lombok wonage, Kat mondok tiyanak wonage, Eerak menggendak me, Yogondak inom, peebi inom, lek arigin lek mondok-mondok aret logogin o. Amin.) yinuk, yogo logonip o.

Oroma 2:5

Ala iniki togop mbake kwe, kiniki omaawi kinogogumbuk wonogwe kiinok, Ala anini nen onggo maluk liirogombo eeppiige ti eyom paga abunuk nggwok togon eekkinaburak nduk eekkolagak mban eekwi kiigi o.

1 Korindut 10:13

Kit kiniki nggagangginake menggerak nogo ti, alik mendek paga lek o. Ata, yi aakumi ndi aakumi iniki nggaganinake menggerak nogo mendek paga mban aret kit kiniki nggagangginake kaamunggup kwe, at Ala nen nit ee'ninake nogo, mondok liippinanege menggerak me, kiniki nggagangginake kagak, kinomaawi lek arit unggwage logonet, maluk eekwi kiyo, Ala nen tu mbininogo pinagagin o.

2 Timotiyut 3:12

Yi aakumi ndi aakumi Keritut Yetut inom kunik logonet, Ala wone liippunuk eeruwok mbakwi iinok, piyak-payak agago piinet nugu logogun aret o.

Titut 2:14

Nit yi maluk ndi maluk eeko monggoorak nogo eeko logokwak ninonggo mbanogo piinogo pinanege, ndi, “An napuri nake leenak logonet, obeelom eeriyak iniki aganggen paga eerit nugu logowak,” mba'nuk, ninomaluk koorogo pinanege, eerikit nduk, nit ninake niya wagagerak.

2 Peterut 2:4

It malayikat nogo mendek nen maluk eeko mbareegwa, Ala inabuwa nen teppiyareegerak mbakop? Lek o. “Peebi kinowak loonogo pinagagin o,” yinuk, kani omoonu'me mbuun ambena kiiniki paga logowak nduk mbutigeele maarogo wuppiyareegerak wonogwe nogo lek a?

2 Peterut 3:7

Ndi, yogondak mbogut-nggween ninigen kogo monggoorak yi nogo ti, peebi it aakumi Ala ineebi mba'nuk, maluk eeko menggaarak nogo inawone amburu mbanogo inowak loombunuk, ineebe lek eerogo piyoorak eyom nogo paga, o yi, kani pikit nduk, at oone paga porogo wonage wone nogo, it kobak logonet agan nugwi me, peebi age yobok paga eeke kaagun o.

Yurat 1:6

Ndi, at Ala nen it malayikat ando, “Yogop eeko logonip o,” yinuk, o unde eeppiyareegerak kagak, “O yi mban unde logorak nineebi o,” yinuk, mbo pogo mbareegwa, at Ala nen, “An mondok iya tit eeke neyoorak nogo eyom paga inawone amburu mbanogo maluk eekwi onggo inoba piyaakit o,” yinuk, ineebe mondok-mondok mbutigeele paga maarogo o apit me mambiyareegerak wonogwe nogo, kiniki abeko logonip o.

Wayu 3:10

Ndi, Kit kinogogumbuk kiniki kwi'ndak logonet eeko logonip o, yinuk, yoragagirak nogo, konembunuk liirogon aret eekwi me, peebi yi aakumi ndi aakumi nggween paga menggaarak abok aret inabut mbanikit nduk, aaninggin-paaninggin inoba piya woroorak eyom nogo paga, it an napuri ti, inoba arukwak, an nen ndegeninake logogin o.

1 Tamuwen 29:10

kit aa'nduk Tawun mbo punuk an neya wogotak nogo kineebe apit aret ko'lu o awo wigangge kagak, kineenik ogo logomonggotik, kiname aret namunggup o,” yinuk, yoreegerak.