2 Peterut 2:2 - Ala Wone Peenok Peebi Mbanak

² Aakumi ambik nen it aap ti nogo, iniki nengge mugurok nugwi iigo logomenggaarik, “Nit togon ninom aret eerit nogo logowok o,” yinuk, inom eerit nogo logonet, Ala ndogop menggerak wone nogo woppunuk eerit nogwe nogo, “Yi nano wone agan nugu agaarik o?” yinuk, miyuk-meya eerogo pogo logogun o.

2 Peterut 2:2 ပူးပေါင်းရင်းမြစ်များ

Wakkagagerak 19:5

At Lot yogo logonet, “Aap o kiip age kagak, keya wagaarak ti, ineebe ngge o? It aap ti wurinabuwok nduk wumbiya omok o.”

Ndawi 18:21

Nogoba Ala mbo punuk maluk eerit naga'lek, Aliku ALA eerit nage mban mugurok nage,

Yetaya 35:8

O time tu nggwok wonage logogin me, tu endage, “Aap Iniki Kikak Naka'lek Nogo Menggam,” yogo logogun o. It aakumi inabin koorak lek maluk eeko menggaarak kenok, tu ti paga nogo logogun lek o. Ata, it tu ti paga noorak uugwe mbakwi kenok mban nogwe, It aap iniki yuundurak kwe, tu kin aret me, kobak aga'lek nogwe, Eeko logogun o.

Yeremiya 6:16

Aliku ALA nen yegerak nogo yi aret. “Tu nandogon-kandogon ari nanuk, yambonggwi, Tu aa'nduk lombok nogo nogogwaarak nogo ngge o? yinuk, yorogwe, Tu obeelom nogo menggaarak ngge o? yinuk, yorogwe, Eekwi iinok, Tu yi aret, yorogwe iinok, ti paga aret nogwe, Eeko logowak o. Ti eekwi iinok, iniki kwi'narigin o, yinuk, yoragagirak kwe, It nen, Tu ti paga noorak nineebi o, yinuk, yogwe,

Matiyut 22:16

Wone mbanggo nogogwaarik, it inoone waganggwi ando inom, it Keroriyan mendek inom, Yetut owagam nappiya wogogwaarak wogo nogogwaarik, Yetut yogo logonet, “Ngguru wae. Kat nen, Aap ambi iya, ndi, ambi meek, mbake logonet, ninete liippinaninuk yo'nirageelik, nit eekwi paga Ala ari menggerak wone mondok pagak togon yo'nirage menggendak nineenu me,

Matiyut 24:24

It ando nen we piliret, Keritut nogo an aret o, ndi, Ala nen yo'nege kagak yokkiraga mendek ti, an aret o, yinuk, agan wogo logomenggaarik, it aakumi ugun iniki nomoninakwi, ndi, it Ala apuri miirogo leeninabeegerak nogo, iniki nomoninaburak op kaamun ilik? yinuk, nomoninakwi, eeruwok nduk, inagabiti warak mendek inom, eerubok mendek inom, eeremenggaarak kwe, it agan woraagun ti, kiniki abet mbarubok o.

Matiyut 7:14

Ineenik ogo menggam unggwi noorak ti, tunggambe mbuuluk mbanak, ndi, tu nogo menggam kunduk kunik me, aakumi mbereeluk mban kwaakkologo nagaatik, unggwi nogo menggaarak o,” yinuk, yoragagerak.

Marakut 12:14

Nappiya wogogwaarak nogo, Yetut owagam wogo nogogwaarik, at yogo logonet, “Ngguru wae. Kat nen, Aap ambi iya, ndi, ambi meek, mbake logonet, ninenete liippinaninuk yo'nirageelik, nit eekwi paga Ala ari menggerak wone mondok pagak togon yo'nirage menggendak nineenu me, aap o unde endagembogut Kayitat ake wu puurak op a, mage a?

Marakut 13:22

It ando we piliret, Keritut nogo an aret o, ndi, Ala nen yo'nege kagak yoraga mendek ti, an aret o, yinuk, agan wogo logomenggaarik, It aakumi Ala apuri miirogo leeninabeegerak nogo nomoninaburak op kaamun ilik? yinuk, nomoninabuwok nduk, inagabiti warak mendek inom, eerubok mendek inom, eekwi iigak aret kwe,

Yaya 14:6

Yoge mbareegi, at Yetut nen, “Ala kineenu ariyak tu inom, Ala ndogop menggerak, paganogo yokkirage inom, ndi, kineenik eekkinake minggirak inom, ti an mban aret o. Ala kineenu ariyak nduk tu an paga wogwe lek kenok, an nogoba owagam namunggup lek aret o.

Nappiigak 13:10

“Kat Ibilit aput yi, maluk eeke logonet, obeelom eeriyak keebi mbake menggendak kat aret o. Pilit pugungga iyagalo kat aret me, aakumi inambokan laganikit nduk, yi wone ndi wone ugun pugunogo yorenet nage menggendak. Ala oone abet mban ari menggerak nogo abut lagangge logokit, mbake menggendak nogo, puk arikit mbaka'lek nonggop nduk, ari mban menggendak?

Nappiigak 14:2

Abet mbako mbareegwa, it Yakuri ando abet mbariyak ineebi mbareegwaarak nogo nen it endekem mendek nogo inanini ogo logomenggaarik, Yetut apuri inom ogooruwak nduk iniki nggagani nogo mbareegwa,

Nappiigak 16:17

at kolaga nogo nen, “At Tiyanak Lombok Menggerak Ala ayeloman kinagap ndariyak wone yokkira wogwe yi, iyaanip o,” yinuk, kwa kunik agan Pawulut ninom ninambokan mu'neren wagagerak.

Nappiigak 18:26

At agabiti lek logonet, it Yakuri tamban eeko menggam nogome wone yorage nagagerak. Yorage me, it Piritikila Akwila imbirak inaruk konenggo nogogwaarik, at Apolot wonok, iname nogo nogogwaarik, Ala eeke menggerak wone nogo liirogon mbinuk-mbenak eerogo yoreegwaarak.

Nappiigak 19:9

Yorage nagagerak kwe, it ando inogogumbuk a'nuk, “Abet mbariyak nineebi o,” mba'nuk, nggwok paga ineenik logorak tu nogo, miyuk-meya eerogo pogo mbareegwa, at Pawulut nen it lambembiinok, at oone waganeegwaarak nogo mban wogoren, aap Tiranut tekola awi wureegim time unggwi nage nagagerik, ko'lu-kii'me inom wone yorage, it nen kin wokkogwe, eeko nogogwaarak.

Nappiigak 22:4

Eeke logonet, it aakumi ineenik logorak tu mugurok nogwe nogo, inoorikit nduk neebi-neeba eeginake logonet, kumi nen, aap nen, keele maarogo piige, mambiigo menggam mambiige, eeke nagagirak.

Nappiigak 24:14

Ala wone yugu liiru mbanak inom, aap Ala nen yorage kagak yorogo nogogwaarak liiru mbaneegwaarak wone nogo inom, abok aret abet mbake minggirak me, it nen, Aakumi ineenik logorak tu mugurok nogwe ti, wone alik aret o, yinuk, yogwe kwe, an wone ti ndak-ndak aret mugurok nage logonet, ninombomini inogoba Ala alut eeke minggirak, ti abet aret paganogo yokkege agarik o, nogoba.

Oroma 2:24

“Kit eekwi paga it endekem konenggulik mendek nen Ala endage miyuk-meya eerogo pogo agaarik o,” yinuk, liiru mbanak wonage nogo kit Yakuri nen aret eekwi kiigi o.

1 Timotiyut 5:14

Togop me, it kumi ti nen ambi eeremenggaarak paga it ninom ogoorak nogo nen ninenggali wappinanukwak, it kumi ndugum me togwe piyamenggerak nogo, inogonggelomini kologwe, inaagalogwe ndaganakwi, inamelak wogo eekwi, eeko logorak op aret mbake agarik o.

Titut 2:8

Ata, kayuk warak logonet, yorage kenok, it aap koone woorak, “Nineebi,” mbakwi nogo nen wone maluk ambi yoramenggendak paga yilunogo punuk, nit tebembinaniyak lek me, it inenggali aruwak nduk, wone koleewak wone kenggali wappagarak lek nogo mendek mban yorage logot o.

1 Peterut 2:12

It aap endekem iniki abet mbaka'lek mendek nogo nen, “It maluk eerit nugwi o,” yinuk, kinabok mbaniyak nduk eeremenggaarak kwe, obeelom mban eerit nogwe liippinagago logomenggaarik, Yetut wage eyom paga Ala wogoppuwak nduk, inenggela'me logonet, kiniki mondok liippunuk eeko logonip o.

2 Peterut 2:12

Wam nggwiya nda'nogo nagaatik, iniki lek ugun eerit nugwi iigak, aakumi nen pippiinok, inoorogo lako mengga kwak, it aap ti, togop aret iniki lek me, we ugun ambi eeriyak aganake kenok mban eerit nogo logonet, wone ineenggo'lek kagak, miyuk-meya eerogo pugwi me, wam nggwiya inoorogo lako mengga kwak, it maluk eekwi onggo at Ala nen aaninggin inoba kwippiige logonet, ineebe togop aret inoorigin o. It iniki nengge nogo mugurok nogo logonet, inagabiti nen kote eeriyak mbaka'lek tena'me aret eerit noorak inikilom mbako menggaarak me, kinambokan laganiyak inikilom mbako logonet, kinom lambunna'nuk, mbi nunggwi me, inagabolo mili inawin aaga'ne kunik nogo pogom, it aap ti, kinenggela'me togop aret menggaarak o.

2 Peterut 2:15

Aap Mbeyot aput Mbileyam nogo nen maluk eekwi onggo koloorak iniki lunik logonet, Ala nen yereegerak kagak, alik eerit nagagerak nogo ndak-ndak, it aap ti, togop aret tu koonak noorak kagak mbo punuk, tu alik paga nomoninuk, nogo agaarik o.

2 Peterut 2:21

it aakumi maluk eeko menggaarak nogo nen Ala ari menggerak wone woppunuk, eerit noorak wone nogo, ineenggo'lek logonet, maluk eerit nogo logonetak en ti, op negen kwe, wone, “Yogop ee'nu, ndogop ee'nu,” yugu alik leenak nogo, abu ineenu logonet, maluk eekwi ti perak, abu maluk lombok aret o.

2 Peterut 2:7

Ndi, at aap Lot iniki obeelom aret wonagagerak kwe, it aakumi ti, inenggela'me logonet, Ala wone taganogo punuk, iniki nen nengge kenok ugun-ugun eerit nogwe nogo enegen iige, inoone ugun agan nogwe nogo aruk konengge, eeke logonet, at iniki mondok abe koonak me, “Yi eekwi yi, ao,” yinuk, ko'lu-kii'me iniki mondok wakko'net unggwage Ala nen kage nagagerik, it aakumi ti, pup eerogo piige logonet, at aap obeelom aret me, agap ndareegerak nogo lek a?

Yurat 1:10

it aap kinenggela'me unggwi wagaarak wonogwe ti perak, wone alom liirogon ineenggo'lek kagak miyuk-meya eerogo pogo logonet, nggeewo iniki lek ugun eerit nogo mengga kwak, it togop aret iniki aganggen eeginake kenok eerit nogwe nogo mban ineenu logonet eerit nogwe me, ineebe aret lek eerogo patit nogo agaarik o.

Yurat 1:7

Ndi, it malayikat eeppiyareegerak nogo pogom, it aakumi o Torom inom, o Nggomora inom, yi kota ndi kota enaagan-ambokan wonogwe nogo inom, nen nggeewo negen kumi ugun wurinabit nogwe, iniki aganggen eeginake kenok eekulik mendek kagak ugun-ugun eeginabit nogwe, eeko mbareegwa, “It aakumi maluk eekwi iinok, Ala nen kani omoonu'me mondok-mondok nappiyaagin kogo o,” yinuk, nineenu ogo logowok nduk, kani paga inooreegerak nogo o.

Wayu 12:9

at waalo nggwok nogo awuri inom mbelenogo nggween paga mbo wuppiya wage kagarak. Wuppiya wage mbaki, waalo nggwok mbo wuppi wagaarak nogo ti, o maan nen yi aakumi ndi aakumi abok aret inambokan lagangge menggerak Ibilit nogo ti, Tile aret me, at awuri inom abok aret mbogut paga nen mbelenogo nggween paga wuppiya wogwe iigirak o.

Wayu 13:14

At nggeewo aa'nduk lagi wagaarak oone kiliregerak paga, eerubok mendek iya tit eerit nage logonet, “Nggeewo negen ambi mbuti tege paga wakaarak kwe, eenik agaarak nogo, ogut wakkagak ambi ogobakkigirogo punuk, at mban alut eeko logonip o,” yinuk, it aakumi nggween paga wonogwe nogo inambokan lagangge logonet, yorage kagarak.

Wayu 13:8

Ndomba Aagaluk wareegwaarak nogo nen o maan mbogut-nggween yi awo wakkaga'lek kagak, aakumi o nggween paga menggaarak abok aret it inendage mondok-mondok ineenik aganaburak mbuku paga liiru mbanak wonage lek kenok, at nggeewo nogo alut eekwi iigirak.