2 Peterut 2:12 - Ala Wone Peenok Peebi Mbanak

^12-13 Wam nggwiya nda'nogo nagaatik, iniki lek ugun eerit nugwi iigak, aakumi nen pippiinok, inoorogo lako mengga kwak, it aap ti, togop aret iniki lek me, we ugun ambi eeriyak aganake kenok mban eerit nogo logonet, wone ineenggo'lek kagak, miyuk-meya eerogo pugwi me, wam nggwiya inoorogo lako mengga kwak, it maluk eekwi onggo at Ala nen aaninggin inoba kwippiige logonet, ineebe togop aret inoorigin o. It iniki nengge nogo mugurok nogo logonet, inagabiti nen kote eeriyak mbaka'lek tena'me aret eerit noorak inikilom mbako menggaarak me, kinambokan laganiyak inikilom mbako logonet, kinom lambunna'nuk, mbi nunggwi me, inagabolo mili inawin aaga'ne kunik nogo pogom, it aap ti, kinenggela'me togop aret menggaarak o.

2 Peterut 2:12 ပူးပေါင်းရင်းမြစ်များ

Ndawi 49:10

It aap iniki warak nogo inom, Iniki wi inom, yuundurak nogo inom, Ndak-ndak aret kanggwi iigak, Inamendek yumbunogo pemenggaarak nogo Aap alik nen unde ogwe iigo monggoorak nogo o.

Ndawi 92:6

It aap iniki apit nogo nen ineenu ogwe, It aap iniki lek wi negen nen liippugwi, Eeka'lek nogo yi o.

Ndawi 94:8

Kiniki yuundurak aakumi inenggela'me monggotak yi wae. Kit kiniki liippugwi, Kit aap kiniki lek wi negen yi wae. Mandenom nen kiniki warak ogwe, Eerumunggup o?

Kini Wuppiige 14:32

It aap maluk eeka nen maluk eerit nugwi paga it ineebe aret nggelenggologo menggaarak kwe, Aap iniki abe koonak nogo perak, kambemenggaarak kwe, obeelom eerit nugu logomenggaarak me, ineebe obeelom aret logogun o.

Yeremiya 10:21

It aap ndomba ndegeninakwi kwak ndegenninaka ti, iniki lek wi negen aret o. “Nonggop eeruwi o?” yinuk, Aliku ALA nggino yogwi lek me, eeriyak mbakaatak nogo lek age, It inaanggumi nit nogo tak-mak aago nugwi, Eeko ogoorik o.

Yeremiya 10:8

Kugi ogut eyo paga ogobakkigirik aanom warogo alut eekwi ti nen wone mamunirogo menggaarak me, It aakumi ti, iniki apit wi negen aret wonogo agaarik o.

Yeremiya 12:3

Togop aret kwe, Kaliku ALA wae. Kat an liippanege menggendak o! An eeke minggirak nogo kenegen neege, An kat paga nonggop kombake neyaamun? yinuk, nabut mbangge, Eeke menggendak o. Ndomba inooruwok nduk, wogoren wundi wogo mengga kwak, it aap ti, togop aret nigiren nage, Inooriyak eyom ari wage kenok, inooruwak nduk, leenogo piige, Eeke logot o.

Yeremiya 4:22

At Aliku ALA nen ari logonet, “An napuri ti, wi negen aret wonogwe, it an liippanega'lek wonogwe, Elege iniki lek pogom wonogwe, op ariyak maluk ariyak ineenggo'lek kobak aret wonogwe, Obeelom eeriyak mendek kobak logonet kwe, maluk eeriyak kenok perak, Iniki penenak logonet, aganggen kerek togon eerit nugwi, Eeko menggaarak,” yegerak o.

Yeremiya 5:4

An nen mbake logonet, “It ti, ambi eekkoloorak lek wi negen wonogwe me, Aliku ALA eeke menggerak liippega'lek wonogwe, Inogoba Ala yereegerak wone yugu nogo kobak wonogwe, Eekwi iigak,

Yetikiyen 21:31

An nanini nggwik togon oba pege, nanini kani kunik negen oba pege, At eebe waganogo aap inogogun mbuk aakumi ineebe lek eerogo piyoorak abu ineenu nogo ineenggime pege, Eeke neenok,

Marakut 7:22

mbabi eekwi, aap inamendek uugwe-uugwe agan nugwi, maluk mban eekwi, inambokan laganggwi, iniki kumi paga mban lunik logonet kumili negen ugun-ugun eerit nugwi, kiniki aagi wungge, inabok mbanggwi, wogoppatit nugwi, kiniki mbanak negen eerit nugwi,

Yaya 8:21

At Yetut nen it aakumi ambinom yorage logonet, “An nagin aret o. Ndi, kit nen an kwaa'nabit namonggotak kwe, an nawam time kit noorak meek me, maluk kinikime logonet aret kambumunggup o.”

Nggalatiya 6:8

kit kiniki maan mendek nen eeriyak eekkinake nogo, eerit nugwi kiinok, anggen yugu maluk mendek mbanggologwe nogo kokwak, kineebe aret kambumunggup o. Ndi, Aberiniki nen yokkirage nogo mban mugurok nogwe kiinok perak, anggen yugu abe mendek mbanggologwe ti pogom, mondok-mondok kineenik aret logomunggup o.

Kolote 2:22

“Ti noorak mage,” yokkirogwe nogo ti, nit nonggo nogootik, muk lek age menggerak mendek kagak nonggop nduk yogo agaarik? It agan nugwi nogo ti, aakumi iniki koombunuk, “Yogop eeriyak mage, ndogop eeriyak mage,” yinuk, wone mamunik aret yokkirogo agaarik o.

2 Peterut 1:4

At Ala abu obeelom mondok tiyanak menggerak me, at nen, “An ndogop eeppinagagin o,” yinuk, yo'nirage menggerak mondok iya iniki kunik nogo mendek, “Onggo lek we aret eeppinagagin o,” yinuk, yo'niragagerak wone nogo ti, mugurok nogwe paga at Ala iniki menggi kwak nit niniki ndak-ndak ee'ninake, ndi, it nggween paga mendek iniki nen nengge nogo mugurok nogo logonet, ineebe maluk eerogo patit nogo mengga kwak, nit togop ee'ninake kero, ninagap ndarogo pege, eeke nogo nit kaawok nduk, wone ti yo'niragagerak.

Yurat 1:10

it aap kinenggela'me unggwi wagaarak wonogwe ti perak, wone alom liirogon ineenggo'lek kagak miyuk-meya eerogo pogo logonet, nggeewo iniki lek ugun eerit nogo mengga kwak, it togop aret iniki aganggen eeginake kenok eerit nogwe nogo mban ineenu logonet eerit nogwe me, ineebe aret lek eerogo patit nogo agaarik o.