2 Peterut 1:19 - Ala Wone Peenok Peebi Mbanak

¹⁹ Ti yereegerak kenok, o maan it aap Ala nen wone yorage kagak yorogo nogogwaarak nogo a'me lik yi wagak eeke kogo nogogurik, nit niniki abet mbakwi nogo, mondok nu'lek eerogo pinanegak eeke kogogurak o. O weerikit nduk, kilim nagake kagak, ndowan ambiret abinak ndelenak-welenak ari kogo monggoorak nogo, wundi waga'lek kagak, o apit me ndi wuninogo pogootak eya kenok, niniki ale'nggen age menggi kwak, kinikime awo eya eekkinabi waga'lek kagak, wone yo'nirogo nogogwaarak nogo kiniki kunik eekkologo logonet, liippogo logorak ti, op lombok aret o.

2 Peterut 1:19 ပူးပေါင်းရင်းမြစ်များ

Ndawi 119:105

Niyok pit nage neegak ndi wuninogo panega, Nage neegak, tu eya eerogo panega, Nogo ti, kat koone aret o.

Kini Wuppiige 6:23

“Yogop ee'nu ndogop ee'nu,” yokkege yi ti, kandi wuninik kwak wonage, Wone mamunik yi ti, kandi eya kwak wonage, Ndi, eerit nege logorak kiniki kooniyak wone wonage, Eeke menggerak me, Mugurok nage keenok,

Yetaya 14:12

O weege kagak ndowan lan eerogo pega yi, wae. Oonegen komeninuk lagi wage aagaluk wulaga yi, wae. Mbogut paga nen ye agan wambi wagandak me, iya! Aa'nduk yi aakumi ndi aakumi tebenogo piinet nage nagagindak kwe, Yogondak perak, kat aret tebenogo nggween paga wuppagagerak wonage agandik o!

Yetaya 41:26

Wone ti, nineenu aruwok nduk, o maan aa'nduk ta nen yo'nira wage, Abet aret yigi o, yinuk, yuwok nduk, wone ti eeka'lek kagak ta nen yo'nirage, Eereegerak mbakop? Lek o! At eerigin nogo ti, kit ambi nen nit yo'nirogwe, Kit ambi nen, Ndogop eeke kaamunggup o, yo'nirogwe, Eerulik o. Kit kinoone yo'nirogwe nogo ambit iluk ambi ninaruk konenulik mban o.

Yetaya 8:20

wone yugu liiru mbanak inom, abeko logorak wone yugu inom, pekkaanip o. It aakumi ti, Ala wone yugu ndak-ndak yaga'lek kenok, inikime o eya aago wonage lek apit aago wonage mbarumunggup o.

Yetaya 9:2

It aakumi o apit paga logonet, eerit nugwi nogo, Eya nggwok lombok inigen kogogwaarak o. It kanggwi inoba wigak yereegerak kanggo menggam wonogwe nogo, Eya lombok inoba pindanogo piyareegerak.

Yaya 5:35

Aap Yaya ti, ndi wuninik abinak ambik eeke menggi kwak wonagagerak me, eya eekkinake kwak yokkirage nagagerak paga kiniki ale'nggen ne ambiriluk mbakotak kwe,

Yaya 5:39

Ala wone liiru mbanak paga mondok nineenik ee'ninabigin, mba'nuk, liirogon malenggo monggotak. Ala wone liiru mbanak ti, an nabok paganak nogo liiru mbanak aret me,

Yaya 8:12

Yorage nagagerik, ti'nuk, at Yetut nen aakumi ambinom yorage logonet, “Aakumi o nggween paga menggaarak eya eeginake minggirak an aret o. Kit an ninom nogwe kiinok, ineenik eeginake minggirak eya an nogo nen kiniki eya eekkinabigin me, o apit paga nogo logomunggup lek o.”

Nappiigak 15:29

Kugi aanggo warak nunggwi, amiya nunggwi, yi mendek ndi mendek amiya wungga'lek kagak warak kenok, nunggwi, mbabi eekwi, eekwi nogo, kit eeriyak lek mbo pogo logonip o. Mbo pumonggotak ti paga, wone yugu nogo, Abu aret eeko agaarik o, yinuk, kinombako logogun o. Ninoreewi wa. Abu aret yokkirogo o,” yinuk, liiru mbanogo punuk, nappiyareegwaarak.

Nappiigak 17:11

It aakumi Tetalonika mendek ti, inogogumbuk kwe, it Mbereya mendek perak, iniki abu obeelom me, Ala wone yorogogwaarak nogo, iniki ale'nggen paga waganggo nogogwaarik, “At Pawulut nen wone yo'nirage yi, abet aret ilik?” yinuk, ko'lu-kii'me Ala wone liiru mbanak malenggo nogogwaarak.

Iberani 2:2

Ala nen, “Yogop ee'nu, ndogop ee'nu,” yereegerak wone nogo, it malayikat nen ninombomini we inaruk konembunuk, mbo puwak nduk, yoroolik. Ata, mondok eeko logowak nduk, lengganogo yorogwe iigak, taganogo punuk, maluk eeko mbareegwa, Ala nen onggo mondok ndak-ndak eeppiyareegerak me,

Yakobut 2:8

Ala wone mbanak ndak-ndak eeko logonet, “It ineebe iniki kunik eekkologo mengga ti kwak, aakumi inom menggaarak ti, togop aret iniki kunik aganako logowak o,” yinuk, nit ninogoba endagembogut wone lengganogo yo'niragagerak nogo eekwi kiinok ti, op aret eekwi kwe,

1 Peterut 1:10

Kit kinagap ndappunuk, obeelom eerogo pinagarak wone nogo ti, it aap Ala nen yorage kagak yoraga nogo nen, “Ala iniki kunik en obeelom eeppiyoorak nogo mandenom eeppiyaagin, ao,” yinuk, mbakwi wonogwe me, at Keritut Aberiniki nogo it inikime logonet, “Keritut nogo peebi andi-pandi eerogo pemenggaarak ti paga Ala nen tiyappigin o,” yinuk, yorage mbareegi, it nen yogo logonet, “Ta nen ninagap ndari woraagin? Ndi, mandenom kin arigin?” yinuk, Ala wone pekkogwe, liippit unggwogwe, eeko nogogwaarak.

1 Yaya 5:10

Nit niniki Ala aput oba panggombunuk, abet mbakwi niinok, ninikime nen, “Yi Ala aput abet aret waganggoorak kogo o,” yinuk, mbako logogun o. Ndi, it Ala abet mbaka'lek logonet, at aput iniki oba panggombunuk, abet mbaruwak nduk, paganogo yoragagerak nogo, abet mbaka'lek me, Ala pilit pugungga negen agago pogo logogun o.

3 Yaya 1:6

It nogo nen Ala apuri yime kuwak eeko menggaarak inenggaanom mbininggo logonet, “Aap Nggayut iniki kunik ee'ninake logonet, ndogop eeppinanege menggerak o,” yinuk, yo'niragaarak me, aap togoti mendek ambi keya wogwe iinok, Ala inikilom kombaruwak nduk, inamendek ambi lek kenok, wogorage logomenggendik, nappiyoorak ti op aret o.

Wayu 2:28

Ndi, it Ala wone mondok nu'lek porogo wonogwe me, an wage logominggirik, o weerikit nduk eeke kagak laaluguragan abinak kere ari nogo aret wogora woraagin o.

Wayu 22:16

Kit an napuri yi awi ndi awi kuwak eerit nogo monggotak nogo, peebi eeriyak wone yi, paganogo yokkira woraawak nduk, nayonggo nege menggerak malayikat ambi nappi wagarak nogo ti, an Yetut nen aret o. O weerikit nduk eeke kagak, laaluguragan ambiret kere ari nogo pogom anebunu Ndawut paga wiganak agarip ndarak nogo an aret o,” yinuk, yo'negerak.