2 Peterut 1:15 - Ala Wone Peenok Peebi Mbanak

¹⁵ An kambiminggirak neegak, kit nen, “At ninogoba nogo nen wone ndogop yo'niragagerak nogo o,” yinuk, kiniki abeko logobagip nduk, an awo kangga'lek logonet, yi wone ndi wone yokkirage minggirak nogo, mondok nggwiirit-nggwaarit aret yokkirage logogin o.

2 Peterut 1:15 ပူးပေါင်းရင်းမြစ်များ

Ndawi 71:18

Togop aret me, Ala wae. Kat komaawi logonet iya eeke menggendak nogo, It yogondak ndarak yi, yorage, It peebi nda'narugun kunduk mbininogo yorage, Eeka'lek neegak, Nanggok ari nage, neeruwak kenen mbangge, Eeke neenok kat nen mbo paniyak ti mage o.

Lukat 12:58

Aap kinom ogoorak nogo kinom aret aap inowak loongga ka nogwe kenok, at kinom ogoorak nen nikkiret aap owak loongga owagam pinagi nage, ti'nuk, aap inowak loongga nen aap eegin warak owagam pinagi nage, ti'nuk, aap eegin warak nogo nen aap keele maarogo mambiigo menggam mambinagage, eekwi iyo, tu paga awo kinom nogo logonet, mbet-mbet paganogo kinom kiniki lambunenu o.

2 Tetalonika 2:5

An aa'nduk kit ninom logonet, wone yi apit yokkiragagirak nogo abeko ogotik ilik, lek a?

2 Timotiyut 2:2

Aakumi apit inenggaanom paga an yi wone ndi wone yokkege koneneegindak nogo, it aap abe mamumbunuk aakumi liirogon mamuniroorak op iigendak kenok, unde logowak nduk, mamunirage logot o.

Iberani 11:4

At Kayin nogo nen amendek maluk negen Ala ake pi wagagerak kwe, Kaben perak, Ala yoreegerak nogo, “Abet aret yo'nigi,” mba'nuk, amendek obeelom mendek warogo Ala ake pi wage mbareegi, ake pi wage nogo Ala enegen kage nagagerik, “Aap yi, iniki abe koonak aret kagi,” yinuk, yereegerak. Ndi, at Kaben nogo ti, muk kambeegerak kwe, at abet mba'nuk eereegerak wone nogo nit awo mbininggwi me, ninom wone yogwe negen aret ogoorik o.

2 Peterut 1:12

Togop me, Ala ndogop menggerak wone nogo kinaruk konembunuk waganggo nogogutik, mondok nu'lek monggotak kwe, kagak, ambinom liippunuk eerit nogo logobagip nduk, an nen kulinik-kalinik yokkiragak mban eeke logogin aret o.