2 Peterut 1:12 - Ala Wone Peenok Peebi Mbanak

¹² Togop me, Ala ndogop menggerak wone nogo kinaruk konembunuk waganggo nogogutik, mondok nu'lek monggotak kwe, kagak, ambinom liippunuk eerit nogo logobagip nduk, an nen kulinik-kalinik yokkiragak mban eeke logogin aret o.

2 Peterut 1:12 ပူးပေါင်းရင်းမြစ်များ

Nappiigak 16:5

Togop yoranet nugu nogogwaarak paga, it Ala apuri time kuwak eerit nogo menggaarak nogo iniki nu'lek age mbareegi, ko'lu-kii'me ambi nabennagak, ambi nabennagak, eeko logonet, Ala apuri ambik aret ogogwaarak.

Pilipi 3:1

Noreewi o. “Kinowe kinom kunik logonet, kiniki ale'nggen aret logonip o,” yinuk, wone irip paga yokkiragi ti aret o. An aa'nduk liiru mbanggiragagirak nogo ndak-ndak, peebi mbanggiroorak neebi mbakeelik o. Kit kiniki nu'lek logobagip nduk, mbanggiroorak op aret mbake agarik o.

Kolote 1:5

Ala ari menggerak wone obeelom wone yokkirogo logonet, “Kit abet mbakwi kiinok, kinake aago mbogut paga wonage o,” yinuk, aa'nduk yokkirogogwaarak nogo konembunuk, mondok kola noorak kiniki lunik logonet, kiniki abet mbakwi, kinoreewi kiniki kunik aganakwi, eekwi yogwe konenggo nogoorik, yokkirogo o.

Kolote 2:7

Eyo omanggen nggween me yarak nu'lek logonet, mondok mili kwit agan lagangge menggi kwak, kit togop aret Keritut paga kinomanggen yarak logonet, kiniki kole ogwe, ndi, abet mbareegutak nogo nu'lek porogo logobagip nduk mamunggirogogwaarak nogo, ndak-ndak porogo wonogwe, eekkologo logonet, kiniki mondok aganggen kekererak lagi wage logonet, Ala, “Wa!” yogo logonip o.

1 Timotiyut 4:6

Wone ti, koreewi mamunirage keenok, kat Keritut Yetut ayeloman abe mendek aret logomunggun o. Ndi, niniki abet mbakwi wone inom, wone kole wone mamunik mugurok nage menggendak inom, waganogo aberit nage paga kiniki nu'lek kole aret logomunggun o.

2 Timotiyut 1:6

Togop me, an neenggi kanobak tebembagage neegak, Ala eyabu ambi ee'nok nduk, unde eeppagareegerak nogo, kani noguk ari kenok ambi kunggwi nogo pogom ambi abeke logonok nduk, yokkigi o.

Iberani 10:32

Kit aa'nduk obeelom wone waganggo mbareegup, kinikime eya eekkinabeegerak me, aaninggin-paaninggin alik negen kinoba pinagagwi iigak, kinogogumbuk logonet, waganggo nogogutak nogo, abeko logonip o.

Iberani 13:9

Yi wone ndi wone alik agan wogwe nogo konembunuk, kiniki nomonggiren nogwe iyo, liippogo logonip o. It ando nen, “Yi mendek ndi mendek nonggo logonet, Yogop ee'nu, ndogop ee'nu,” yinuk, wone lengganak nogo eekwi paga iniki kole eekkolaga'lek we aanom warogo eerit nogwe me, kit nen yogo logonet, “Wone ti paga niniki kole ee'ninaburak lek o. Ata, Ala iniki kunik en eeppinanege kagak niniki kole ariyak ti, op aret o,” yinuk, mbako logonip.

1 Peterut 5:10

At iniki kunik nen wo'nirage menggerak alom unde ninogoba Ala nogo nen Keritut ninom kunik wonogwe paga at tiyanak menggim nogome ninom ndak-ndak mondok-mondok tiyanak logowok nduk ninayonggo pereegerak me, ne ambiriluk ambi andi-pandi eerogo pinagagwi iinok, ninogoba Ala nen kinobaabut koonogo pinagage, kiniki nu'lek eerogo pinagage, kinomaawi agago pinagage, kinogogumbuk nu'lek logobagip nduk eerogo pinagage, eeke logogin me, kiniki kwi'ndak logonet, waganggo logonip o.

1 Peterut 5:12

Wone yokkirage ti abok aret at iniki kunik nen obeelom eeppinanege menggerak Ala nogo nen an ndak-ndak eeppanege kagak paganogo yokkirage me, “Yi abet aret eeppinanege menggerak o,” yinuk, kiniki eyak wappinagawak nduk, at li'lak mban eerit nage kage minggirak ninore Tilat nogo nen yeenggwaanege kagak, liiru yi, we nggaruk togon mbanggirage kwe, wone yi ti, mondok iya me, porogo logonip o.

2 Peterut 1:13

At ninowe Yetut Keritut nen an nagabolo ooliya wurik kwak yi, mbet-mbet nggonenogo punuk, noorak paganogo yo'negerak nogo ndak-ndak, nagabolo nggonenogo puurak eyom abu panggo yegerak neenu me, awo nagabolo nggonengga'lek neenik wonage logonet, yi wone ndi wone yokkirage minggirak nogo kit aberak logobagip nduk, an yokkirage logorak ti, op aret mbake agarik o.

2 Peterut 1:15

An kambiminggirak neegak, kit nen, “At ninogoba nogo nen wone ndogop yo'niragagerak nogo o,” yinuk, kiniki abeko logobagip nduk, an awo kangga'lek logonet, yi wone ndi wone yokkirage minggirak nogo, mondok nggwiirit-nggwaarit aret yokkirage logogin o.

2 Peterut 3:1

Nowe-nawot o. Kit an niniki kunik me, liiru ambi aa'nduk mbanggiragagirak nogo ndak-ndak, yogondak ambi yi inom aret mbanggiragi o. Liiru mbanggirage yi nogo ti, kiniki abe mban koonggo logorak abeko logobagip nduk, mbanggiragagirak me, ambi yi inom aret mbanggiragi o.

2 Peterut 3:17

Ti kenok, nowe-nawot o. Kit an niniki kunik me, wone yokkiragarak nogo ti, abu kineenu aret o. Kineenu aret me, it Ala wone taganogo punuk inoone ugun agan nugwi paga nomongginakwi iinok, kit wone abet mba'nuk waganeegutak mondok nu'lek obeelom porogo wonogwe nogo, mbo punuk, it agan nugwi nogo mugurok nogo logokwak, mondok kinagaket paga logonip o.

1 Yaya 2:21

Ala ndogop menggerak wone nogo kit kineenggo'lek me nduk liiru yi mbanggirage lek o. Kineenu aret me, it aap nen Ala ndogop menggerak wone yogo logonet, alik ambi inom nabenogo yogwe iinok, “Yi pilit aret yogwe o,” yinuk, yelok kaabagip nduk liiru yi, mbanggirage agarik o.

2 Yaya 1:2

Ala ndogop menggerak wone waganeegurak ninikime wonage nogo ti, mondok-mondok logogin aret me,

Yurat 1:17

Togop kwe, noreewi o. Kit an niniki kunik wonogwe me, wone ambi yokkira o. At ninowe Yetut Keritut nen nappiigak mendek agago mippiyareegerak nogo nen wone aa'nduk yokkirogo nogogwaarak nogo abeko logonip o.

Yurat 1:3

Noreewi o. Kit an niniki kunik me, wone ambi yokkira o. Kit ugun kineenggo'lek kiigak, it aap ando kinenggela'me unggwi wogo nagaarik, Ala iniki kunik en obeelom eeppinanege menggerak wone nogo, abut laganogo, “Ala iniki kunik ee'ninake menggerak me, nit maluk eekwi niinok, maluk ninoba pinanigin lek o,” yinuk, iniki liirak lek iniki nengge kenok ugun-ugun eerit nogo logonet, at Aliku ninowe Yetut Keritut nogo ti, “Nit ninowe lek o,” yinuk, yogo menggaarak. Togop me, Ala nen it maluk eekwi onggo muk inoba piyoorak nduk, punogo piyareegerak wonage kagak, we ugun kobak logonet, agan nugwi me, nit ninagap ndareegerak wone ndak-ndak waganeegurak nogo, amburu mbanogo liiru mbanggiraakit mbakirak kwe, it togop agan nugwi iinok, abet mbakwi wone ambit at Ala nen o maan nit at apuri ake leenak mondok-mondok unde eeppinaneegerak wone nogo, taganogo mbo pugwi kiyo, “Yi Ala wone aret me, taganiyak lek o,” yinuk, mondok kinogogumbuk logonet, pipporogo logobagip nduk, liiru yi, mbanggiragi o.

Yurat 1:5

Ninogoba Ala nen maan it at apuri Iterali mendek o Metit nen inagap ndarogo wumbiya wage nagagerik, ti'nuk, it ando abet mbaka'lek iinok, Ala nen inooke logonet, lek eerogo piyareegerak wone nogo ti, kit muk kinaruk koneneegutak kwe, aberak logobagip nduk, ambinom yokkiragi o.