2 Korindut 9:14 - Ala Wone Peenok Peebi Mbanak

¹⁴ Ala iniki kunik en mondok alik negen eerogo pinagage kagak, kiniki ndoobu logonet kinamendek it aakumi yeenggwaarogwe kiinok, it aakumi iniki kunik eekkinako logonet, kinake tamban eeko logogun o.

2 Korindut 9:14 ပူးပေါင်းရင်းမြစ်များ

1 Timotiyut 1:14

Ninowe Keritut Yetut ninom kunik me, iniki kunik nen obeelom eeppanegak mban eeke logonet, an Ala wone abet mbarikit nduk ee'nake, ndi, aakumi niniki kunik aganabikit nduk ee'nake, eereegerak.

Pilipi 4:1

Togop me. noreewi o. Kit an niniki abu kunik me, kinoba mondok aberak mban wonage o. An nanggare-nggare mendaarak inom, niniki ale'nggen mbake inom, ti, kit kineebe aret me, ninowe kinom kunik logonet, wone ti mondok nu'lek porogo logonip o. Ai, noreewi niniki kunik wa!

Pilipi 1:8

At Keritut Yetut nen kinabuwa mbake logonet, iniki kunik eekkinake menggerak nogo kokwak, an togon kit ninom niniki mondok kunik me, “It iyaakit lak, ao,” kinombake nogo ti, Ala eenu aret o.

2 Korindut 8:1

Noreewi o. It Ala apuri o Makendoniya kuwak eerit nogo menggaarak abok nen Ala iniki kunik nen eeppiige kagak eereegwaarak nogo kineenu eeppinagarak mbakoorak me, yokkiraawi o.

Pilipi 2:26

At nogo nen, “An andi ee'nakerak noreewi muk konenggaarak me, nonggoti mbakwi iigak logokwak, pegiya na ilik?” yinuk, iniki piirik eeke kage nagarik, at aa'nduk kinowagam nappi wagi ti o.

2 Korindut 1:11

kit kunduk, ninake tamban eeko logonip o. Ninake tamban eerumonggotak ninogoba aruk konembunuk, ninabuwa nen obeelom eeppinanege nogo, it aakumi apit niigo logomenggaarik, Ala wogoppogo logowak nduk, ninake tamban eeko logonip o.

Oroma 1:11

Kiniki kole aruwak nduk, Ala nen an eeppanegerak ambi kit yokkiraakit nduk pekkiya woroorak uugwe lombok mbake minggirak o.

Lukat 16:9

Nggween paga mendek aakumi ineenggi warak eekkologo menggaarak nogo paga aakumi yeenggwaaranet nogo logonet, lek age kenok, o mondok obeelom menggim time nen keyage warogo wokkinabuwak nduk, nggween paga mendek nogo paga kinoreewi kinom kunik eeginabit nugu logonip o, yinuk, yokkirage agarik o.

Kini Wuppiige 11:26

Aap ambi nen mbi kungga'lek teppake kenok, aakumi nen at kugi pulunogo pogo menggaarak kwe, Kungge kenok perak, aakumi inale'nggen at oba pogo menggaarak.

2 Tamuwen 13:29

Ndi, yoragagerak nogo ndak-ndak aret warogo pogo mbareegwa, at Ndawut apuri eegu nogo abok aret inalitak lombok inaguda paga laganggo nogogwaarik, kole mbaganeegwaarak.

2 Korindut 9:13

Kit Keritut eeke nagagerak obeelom wone abet mba'nuk waganggwi kiigaarak nogo ndak-ndak eerit nugwi, ndi, kiniki lek ndoobu logonet, kinamendek it aakumi abok o Yureya mendek inom yeenggwaarogwe, eekwi paga, kinabut mbambunuk, “Ala apuri abet aret iigo,” yinuk, Ala endage tiyappogo logogun o.

2 Korindut 9:15

Ala ninabuwa nen mondok alik negen wo'niragagerak nogo mbininogo yuurak meek me, at mban, “Wa, wa,” yogo logowok o.